Ah? J'avos nin pinsé à cha.

In même timps, eune séquo ainsi, ch'est fait pour être lu par quelqu'un de vivint...

Ch'est eune séquo que j'ai jamais comprise cha: i a des ginses qui mont des annonces dins le journal pour dire "Gaston, cha fait à ch't'heure 25 ins que te dors au chumetière et je t'aime toudis autint qu'au premi jour et je n'd'ai jamais arwetchi un autre".

Qui qu'ch'est qui livre l'journal au paradis?

batisse a écrit:

Qui qu'ch'est qui livre l'journal au paradis?

Saint Fiacre ?

un fiacre....... eune cariole quo........

peut ete qui n'ont pas besoin ed livreur si i z'ont el net la haut i font comme mii tous les matins cliquent sur el toile pour lire la voix du nord in t'raute.

Té fais l'innochint Batisse, fiacre, cariole, diligence du Poney express qui am'not chés nouvelles, ch'courrier quoi !
t'as percuté à ch't'heure?
Nounours t'as biau avoir internénette t'avos pas vu ch'l'inscription d'chés tiots dins ch'virach' hein!
L'poney express i passe pus à t'mason?

i auro do mo j'habite au 16e étache.dins eune gayole à lapins

Loumarcel a écrit:

Té fais l'innochint Batisse, fiacre, cariole, diligence du Poney express qui am'not chés nouvelles, ch'courrier quoi !
t'as percuté à ch't'heure?

merci marcel, j'avos pas pu réponde à Batisse, j'étos à l'répétition d'orchestre..
alors min tiot batisse t'as compris asteur ? pace que sinon j'sais pus commint t'espliquer
bon bin sur avec tout cha, ma blague alle est pus drôle...

L'aute jour, j'vos ai raconté dins un aute sujet qu'in avot jué à l'églisse pou eune messe d'interremint...
Tout l'timps qu'in juot i avot l'tiot Achille, 6 ins - (les viux prénoms arvienn'tent à l'mote) - qui étot fasciné par min copain clarinettiste qui va su ses 82 printimps. A la fin de l'cérémonie i vient vers li et li dit :
" Tu sais moi aussi je fais de la musique"
" C'est bien, lui répond mon copain, et que joues tu ?"
" Du haubois, répond Achille tout fier (c'est s'première année), mais tu as quel âge toi ?, ça fait combien de doigts ?"
" Ou là là, il faut que tu ouvres 8 fois tes deux mains ensemble"
" Whaou !" (là l'tiot comminche à essayer d'compter, n'y arrivant pas, i finit par dire à min copain : "Ben, nous dans notre école de musique, des vieux y en a pas !"....

et quoi dire!!

ch'duc a écrit:

et quoi dire!!

......qu'les vieux is savtent juer et qu'is vont pus à l'école !

hier midi, au momint d'partir arconduire chés soeurs à l'école, l'tiot d'3 ins voulot à tout prix mette sin bonnet et chés gants alors qu'in avot un bieau solel, je li dis non pace qu'i n'fait pas frod et i m'répond que si, i veut les mette...
j'le ravisse bin drot dins les yux et je lui demande si c'est lui ou Martine qui commande et là i m'répond : "c'est MOI, pas Martine", bin sur j'li fait comprinde que non, ichi ch'est pas les infints qui commandent et bin sur i dit l'phrase que tous chés tiots rétorquent dins chés cas là "je vais tout dire à ma maman"...
Aussi sec j'li rétorque qu'in peut li téléphoner tout d'suite pou y raconter... du cop i sait pu quo dire et fait "la boude" en disant "je suis pas content, tu m'as fâché"... j'me sus artenue d'rire (faut surtout pas rire sinon pus d'autorité !), mais j'ai treuvé cha mignon "tu m'as fâché"
Fallot vir c'tiot ploute pas pu haut d'tros pemmes ! in aurot dit un tiot co su chés ergots... faut dire qu'avec tros soeurs à l'majon i faut qu'i marque s'plache !...

A l' école!
" Jean tu as été absent trois jours, pourrais tu me fournir une explication?
- Bin voila Madame, m' maman alle a accouché d'eune tiote soeur, j' ai du rester à mason pour....
- Voyons Jean , on ne dit pas maman a accouché, mais maman a acheté une petite soeur.
.- Bin vous savez madame, nous in n' est pas riches, min père i les fait li même!"

Maman, je voudros tout plein de juets.

Ouais, cha me ferot plaiji de t'offrir tout cha, mais j'ai nin de sous pour cha.

T'as qu'à aller à la banque pour n'd'acater!

Ch'est quelqu'un de m'famile qui a sorti cha, mais je ne sais pus qui....

Ch'est mi!
A ch't'heure y'a eune séquo que j'ai comprite, ch'est qu'in peut toudis aller acater des doupes au distributeur mais cha qui sait faire l'banquier , ch'est eune soustraction... hé bé qu'chétot miux aveuc mes ys freumés de tiote file...

Ah? Ch'étot ti? Je ne pinsos nin que ch'étot aussi viux!

Je ne dis nin que t'es vielle, je dis que m'mémoire elle va incore rudemint loin in arrière....

Min tiot frère i ravisot mononque qui bricolot d' sur eusse moto.
. " Quest c' que c' est, ça ?
.- ..Quoi, ça? C' est la bougie min loute!"
. Après un momint d' réflexion.
" Quand il y a du vent, elle ne s' éteind pas ta bougie , ,"

.
. In classe, un élèfe:
" Monsieur, ça sent !
Moi, brusquement:
" Quoi ! ! !"
J' ai pas eu d' réponse... :

....A l' école, l' inspecteur fait passer sin CAP dins m' classe à eune jeune institutrice. Alle faijot eune leçon hyper intéressante d' sur les...cloportes comme in li avot appris à l' école normale.
L' inspecteur à un élèfe: "Si on place un cloporte en plein soleil que va-t-il se passer?
. - I va ète guerzi Monsieur!"
L' Inspecteur a failli s' étouffer tell'mint qu' i rigolot...

Dins l' temps comme distent les viux, dins l' programme d' sciences, i avot "L'fermentation alcoolique".....J' avos bricolé un alambic dins l' classe et, in avot fait d' l' alcool, d' quoi faire eune bistoule.
. I a un élèfe, un arsoule qui étot à l' première tape, , i met sin dogt dins l' verre et i goûte. I s' artourne vers ses camarates ...i s' artourne in dijant in rigolant :..." Vingt dieux qu' ch' est bon ! ! ! !"

Pindint la guerrre min père in avot fait d' l' alcool aveuc un alambic qui avot fait aveuc un tuyau d' coutchouc.
.....Alle ..avot un goût d' pneu Mich'lin

A mon d'ses parints, un d'mes tiots (3 ins) s'est croqué l'tiête su l'carrelache, tout d'suite i a eu eune grosse bosse et sin papa pou l'consoler li a fait armarquer avec un grind sourire, que ch'étot l'bosse d'l'intelligence qui poussot....
Bin d'pis deux jours l'tiot dit à tertous in touchant s'bosse : "moi, ze zuis très z'intelligent !" (avec des z d'partout ), ch'est égalemint l'première cosse qu'i a dit à s'maîtresse in arrivant à l'école....

Eune d'mes tiotes (5 ins) minge à l'cantine eune fos par semaine, hier au soir in ravisse l'menu de c'midi et je li dis :
"en entrée, tu auras de la salade de lentilles"
Aussi sec l'tiote me répond : "je n'aime pas trop ça, je prendrai juste deux feuilles".... 

Min tiot d'tros ans est passionné par les ingins d'travaux publics, comme i dit :"camion penne, camion grrrrrrr, craccopelle" et surtout c'qui préfère ch'est chés camions poubelle.
C'matin in allant à l'école in croise chés boueux : "REGARDE ! REGARDE ! le camion poupelle, ze vais dire à papa que z'ai vu un camion poupelle !"...
Plus loin eune belle deux deuche étot garée, j'dis au tiot :
- "oh regarde la belle voiture, c'est une deux chevaux, regarde comme elle est belle, bleue et blanche"....
- "oui mais z'ai vu un camion poupelle"
- "mais tu pourras aussi dire à papa que tu as vu une deux-chevaux"
- "oui, oui mais le camion poupelle il a du orange"
- "d'accord tu diras à papa que tu as vu le camion poubelle orange et, et... comment elle s'appelle la voiture ?"
L'tiot cache, cache (je fais chut à ses soeurs qui voulaient l'aider) et tout fier lance "une deux vaches !"

j'en dit rien mais sur tin avant dernier messache tiote belotte i a in cor des "br" ech cop chi i in a 2 et eune adresse mai bizarre .mais peut ete que té l'a fait exprès.
bonne journée a ti et aux aux autes

est ce que t'as fait c'que Roger i a conseillé ?