J'ai vu eune drôle de séquo dins un tiot resto rudemint sympa que j'ai visité pindint min derni voyache.

J'in sus resté un tiot peu ébaubi et cha me ferot plaiji d'avoir vous avis, histoire de savoir si que ch'est mi qui est drôle ou quo.

Alors voilà, que je vous explique... In accompagnemint des plats principaux i avot des pennes tierre au four. Ch'est nin courint, mais ch'est nin si rare que cha non pus... Et i faut dire que ches pennes tierre au four elles avottent du succès, vu que cha faijot plaiji à l'serveusse qu'in in prinse, et comme elle étot sympa, hein....

Du coup j'ai eu l'occasion de vir des gins minger des pennes tierre au four et là, surprisse, i n'd'a des qui mingtent la pelure. J'avos jamais vu cha.

Alors, d'après vousautes, qui qu'ch'est qui n'est nin normal? Mi qui met les épluchures de pennes tierre à l'poubelle ou eusautes qui mingtent tout?

Disez me, que je ne meure nin complètemint idiot...

In tous les cas, même sins l'pelure, j'ai fait rudemint bonne chère!

ché question d'gout.... si ché p'lures all sont bien lavées, y a pon d'problèmes, même que des fos si qu' all' sont bien cuites, cha croustille....
y est trop tard achteure pou d'minder à "l'serveusse" si all avot lavé ses pennes tierres....biau garchon comme t'es t'y a pon d'mindé sin numéro d'téléphone? cha m'étonne!!

j'vas quans même pas aller jusque là pour dire que té nin normal!
mais ch'est ch'meilleux de l'pemme terre!
Al'cokerie in avot des fux à colonne avec des tros d'dins,in mettot chés patates din chés tros,eun' heure après ch'étot cuit, in grattot un tiot peu l'piau qui étot tout noir avec not' coutiau ,que régale cha croustillot!
incore maint'nint,din min tiot atelier j'ai un convecteur,j'mets mes pemmes terre din ch'bac à chintes "vide bien sur" et i cuissent comme cha,l'piau est toute croustillante,avec un sauret,cha vot un dîner din un resto à tros étoiles...
din l'temps,quand à cachot à patates din chés camps,in rassimblot chés verts et patates, et in i mettot l'fu,in j'tot nos patates ed d'din,t'allos les arquerre un momint après, té croquos la dins,t'avos t'guiffe tout noir!
que chair que té faisos...
j'in guille,rin di pinser.

avec in morciau d'burre demi sel d'dins hummmmmmm que ch'est bon....
t'as vu Batisse, té sais pas c'que t'as raté....

Bon, i faudra que j'essaye.

Camanette, au sujet du numéro de téléphone de l'serveusse... je l'ai!

Infin, j'ai ch'ti du resto, ch'est déjà nin mal...

din l' temps in attrapos des moniaux gris,après etre dépleumés et vidé in premnot einne grosse pétote qu'in évidot au millieu avec in peut ed beurre salé del since et in les faisot cuire au four in vrai repas ed roi,asteur in peut pus y à pus ed moniaux gris, mais avec in sauret ch'est core meilleux !!

est ce qui avot aussi du fromache blanc avec les pemmes tierres ? pace que mi j'ai querre mette eune cuillère d'fromache blanc dins l'croûte de l'pemme tierre...

ch'duc a écrit:

din l' temps in attrapos des moniaux gris,après etre dépleumés et vidé.....

pauf biête ! eune fos vidée et dépleumée i devot pus rester grind cosse à minger ? et commint in faisot pou attraper chés moniaux ?

Quans j'minche des pétotes au four, j'les cope in deux et avec eun' pétite cuillère j'fais un tros dins chaque moitié, j'y met un tiot peu d'beurre et j'minche avec l'tite cuillère (sans mète min p'tit dogt in l'air hein!) et à la fin j'minch' l'piau aussi.
Ch'est vrai que quand dins ch'gardin in rammassot ches pétotes in faisot in fu avec ches verts d'pétotes et in metot 4-5 dins ches chintes, ch'est vrai qu'ch'étot bon minme sans sauret.

tiote bellotte a écrit:

et commint in faisot pou attraper chés moniaux ?

Ben... i suffijot de mettre du sé chu lu tcheue.

Te ne savos nin cha? Te m'étonnes.... t'es donc si jone que cha?

Loumarcel a écrit:

Quans j'minche des pétotes au four, j'les cope in deux et avec eun' pétite cuillère j'fais un tros dins chaque moitié, j'y met un tiot peu d'beurre et j'minche avec l'tite cuillère

Mi j'ai eune variinte: avec le coutieau qui a servi à coper l'penne tierre in deux, je fais des intalles dins l'chair de l'penne tierre.

Là-dessur je mets du beurre, du sé et du poiffe, si que je chus avec des gins sinsipes des narines. Sinon, je me prépare eune tiote mixture avec un mélinche de beurre et d'al pilé. Meilleur que cha, i a nin!

Et mi aussi je minge cha avec eune tiote cuiller, in tenint l'penne tierre avec l'autre main.

Pour les faire cuire, à ch't'heure qu'in n'a pus grammint l'occasion de faire du fu dins le gardin - interdit... tcheue époque... - de timps in timps, si que l'cheminée elle est alleumée, je mets eune paire de pennes tierres là-dedins, dins des papillotes in alu. Ch'est bon, à part qu'un cop ch'est nin assez cuit et un autre cha l'est un peu de trop

Je pinse à un truc: si qu'in peut minger l'pieau, des pennes tierre au four avec de l'préparation de raclette (avec du lard et des séquos ainsi) par au-dessur, cha dot être meilleur qu'avec des patates à l'ieau énon?

Quand qu'j'étos aux travaux forcés au goulag N°2 à Billy, in amnot tertousse nos patates ach forgeron après avoir fait eune armarque ed sur pour les arconnaîte. L' forgeron i faijot un lit d'chintes toutes rouches, plachot les pétotes la d'sure, et i arcouvrot tout cha d'un tiot terril d'chintes toutes rouches. Eune heures après, i arsaquot les pétotes, et chacun récupérot ses mappes . Alles étotent toutes noirtes, mais quel régal. In plus les plures noirtes cha purifie l'haleine....
. In camping, pour les instis pas proute proute, j' faijos cuire les patates ed tout l'camp suivant l'même principe, ch'étot bin meilleur aveu du fu d'bos..is n'avotent jamais vu cha ! ! ! . Du vrai minger d'Gaulois ! ! !
. Ach'teur, si qu'in veut mète d' l'ale, du sé, du poife et un patite branque ed thym, i faut utiliser eune cloque....Ch'est sublime ! ! !
.

et les poulets ,
.

.
...... cuits au fu d'bos ! ! ! ! mais pas in laichant querre l'jus dins les chintes comme dins un barbe cul d'Parisien ! ! ! !
.

in lapin ed garenne al moutarde cuit din des braises ché bon aussi

. Ouais, cha dot pas ète dégueu ! ! !

batisse a écrit:

Ben... i suffijot de mettre du sé chu lu tcheue.
Te ne savos nin cha?

ah ouais, alors i fallot s'pomener avec du sé dins s'poque ? pis ête champion d'saut in hauteur ?
l'miux ç'arot été d'prinde in kangourou, et d'mette du sé dins s'poque pou qui fasse tout l'traval

Vous savotent vous autes, qu'in 40/41, in vindot des plures ed patates à Paris ! ! ! ( In Russie à Stalingrate, les Russes is mingeotent bin du flou, d'el tourbe ! ! )

. Vous dijez aussi, vous autes, pleumer des pétières ? ? ? Cha dot pas ète facile

ouai ,ej faisos des collets ej les mettos à ches trous ed terriers,et in attapoos pas gramind,et quand in in avot in , y à toudis qui qu'in qui allot quer el moutarde piis du sel et du poif !

et pour ech thym , in mettos du serpolet, in trouvos cha din ches camps

devinez qo j'minge es soir?

Des pelures de pennes tierre????

Avec eune arcette à la Tiote Bellotte? (pour 6 pennes tierres te rajoutes eune plaquette de burre, eune life de gruyère, un grind pot de crème fraiche non allégée, eune demi life de lardons plus un tiot peu de saindoux et, pour alléger, eune tiote tiote pincée de persil haché).

Pinse à mettre du gros sé dins t'lèchefrite hein. In ne sait nin à quo que cha sert, mais i faut, ch'est l'modérateusse qui l'a dit.

I parait que si in puq du gruyère, te rajoutes un demi maroilles bin fait, cha donne un tiot bouquet bin agréape...