surtout pinse a nous guiffes..

J'cros que j'va d'minder une commission au fabriquant d'gaufriers Pourlechez-vous bin !

min nain a écrit:

Merci , chef à plumes , j'vas faire in effort! et me lancer! Y'est biau min gauffrier, mais j'a mal au coeur del salir'!

Ch'est vrai que comme décoration à astiquer, cha vaut eune gondole ou un autre nid à poussière.

Sacrées guernoules...

Ché pas ti qui nettos, cha ch'vot!

Ben si que ch'est mi eh! Ch'est nin min passe timps préféré mais eune fos de timps in timps j'ai honte et je m'y colle.

L'poufringue ch'est min ennemie, mais vu que j'ai un bon tchoeur, je l'laisse vivre, du momint qu'elle ne se moutre nin de trop. Convintion de Genève?

Par contre, les carreaux blancs à l'cuisine, cha dot être eune idée de fabriquint de wassingues...

Ch'est quoi de l'"poufringue"?

In français prout prout is dittent poussière.

Quo qu'ch'est que te feros si qu'i n'avot nin régulièremint un ou eune brave 59 pour te saquer un tiot peu in déhiors de tin brun hein?

Bon, t'as nin eu de chince au départ. T'es pourtint nin tché loin du paradis terreste.... Ch'est l'faute à nin de chance.

Citation :

Bon, t'as nin eu de chince au départ. T'es pourtint nin tché loin du paradis terreste.... Ch'est l'faute à nin de chance.

Cor eun' fos j'comprint pon s'que té veux dire, pourtant j'ai compris l'phrasse, bin ouais à forche j'comprint tes mots.

Cha veut p'tète dire que j'sus quéu dins l'62 au lieu du 59 (paradis terrestre ????) qui est à côté et que j'ai pas eu d'chance?

Ch'est pas là que l'majorité d'chés gins is veul'tent aller au paradis pou avoir au moins 7 femmes vierch' ?
A ch't'heure ch'est trop pour mi.



Pou ar'vénir au sujet, ch'est vraimint bon des gaufrettes fines, j'in ai mingé i a pas trop longtimps avec des amis, haaaaa! s'que ch'est bon, bon, bon.

T'as vu juste pour le 59.

Bon, ch'étot i a 60 ins. I a eu des chingemints depuis. In tous les cas je note que même à ch't'heure les éléphants politiques is s'arringtent pour s'accrotchi au 59. Ch'est quind même nin un hasard. Si?

In ce qui concerne les gaufrettes... pinse à tin vinte garchon, pinse à tin vinte. Te vas bétôt pouvoir ouvrer pour Michelin.

Euh... cha va? I faut nin aussi que je te l'explique cheule-là?

Faudrot qu'j'armonte pou minger des gaufrettes fines.

T'as qu'à deminder à min nain d'tin faire, alle habite pas loin d'chez ti, pet ête que vos vos ête d'jà croisé su un marqué ou bin dins eune fiête à taureaux comme i a par chez vosautes...

Mais au fait min nain té les as faites tes gaufrettes ?, alles sont réussies ? alles sont bonnes ?
In joque après t'réponse.....

Bin j'li ai d'mindé dû qu'alle restot mais j'ai pas eu d'réponse.
Ch'est vrai que j'ai vu qu'alle avot accaté un gauffrier.

Mi aussi j'va aller vire des taureaux ch't'aprèm, i va y avoir eun' course camarguaisse, vous savez ch'est là qu'chés toros is ceurrt'ent parès chés razéteurs qui sautent au d'sus chés barrières.
J'va printe min apparèle photo.

ouais tiote Bellotte! in a beau ête dins l'midi, in m'élanche pas ches torchons aveuc les serviettes. I peut aller à l'ducasse , Loumarcel, mais comme el Batisse il décrit, j'avoue qu'j'ai pas trop invie del rencontrer!
Faut pas oblier qu'j'ai in homme, et "Tel qu'il est il me plaît, il me fait de l'effet, mais je l'ai, ai ,ai, me, il est in peu rond du côté ventral, mais ça m'est égal, tant qu'ill a l'air incor normal ! Ses mollets sont gonflés, mais voilà, il aime vraimint trop marcher"

ouais, j'ai fait des gaufrettes, j'en ai données à mes 2 voisines, j'vais recommencer en espérant que m'n homme y ira pas y foutre trop sin nez! jé l'soupsonne, car j'a eu l'impression qu'min paquet y avot diminuer!
Pour in début, i y in avot des noires, des brun foncé, des brun clair, bref, cha commince à vénir. Mainténant, j'vas essayer d'faire des gauffres molles
Amical'mint et

T'as vu Marcel? Vu que t'arsonnes à sin homme, elle ne veut nin te vir. Elle se doute bin que, comme s'n'homme, te feros honneur à ses gaufrettes.

Te cros que je t'ai un peu trop arringi dins m'description?

Pour le reste, heureusemint qu'in sait que ch'est de gaufrettes qu'elle cause, parce que des noirtes, des plus foncées, des claires et pis peut-être demain des molles...

Je me deminte d'ùche qu'elle a exposé sin bieau gaufrier bin lavé... Chu l'télé?

Hier au soir in voulant m'avincer pou la Noêl, j'ai fait eune fournée d'gaufrettes et j'ai laissé l'boite su l'tape... quind mes tiots sont arrivés is ont dit "ah merci martine, té nos a fait des gaufrettes pour l"goûter" (in bon français pace que ch'est des tiots lyonnaiss!)... j'ai pas eu l'coeur à leu dire que ch'étot pas pou minger tout d'suite, alors j'sus quitte à n'd'arfaire eune à deux fournées d'ici la noël... surtout que min homme à d'jà pluqué d'dins (mi aussi d'ailleurs..)

Ch'étot eune bonne occasion de déterrer ch'sujet!

Ch'est rigolo de s'arlire. Nin toudis....

Ch'étot in 2011. Marcel i avot l'air mate, avec de l'misère à comprinte le bon patos des 59. Pauf tiot pépère.

Et in ne sait toudis nin si que min nain - qu'in ne vot nin si souvint que cha avec sin lavatar in bielle rhabillure et avec ses tiots mollets de co - elle ringe sin nouvieau gaufrier chu s'télé.

Incore qu'avec les télés modernes, ch'gaufrier i faudrot le mettre à cheval pour nin qu'i quette.

J'espère que marcel i va comprinte cha que je dis....

Citation :

Ch'étot in 2011. Marcel i avot l'air mate, avec de l'misère à comprinte le bon patos des 59. Pauf tiot pépère.

Ch'étot quand, qu'j'étos mate in 2011.
Au fait quemint qu'in dit : "tous ces paquets tombent", dins l' parlache ed min coin qui est ch'ti du 62, et que té comprints pas gramint non pus, pisse que té d'mintes toudis des traductions.
J'pinse que t'as dû faire des progrès d'pis qu't'es avec nos aut' et qu'té va savoir traduire.

......."tous ces paquets tombent"...
....Tous ches paquets quettent....

.eune histoire d'quéquettes en somme....pour les ceusses qui sont mates ou....... maflés...
...Du pur jus d'cotons 62

tiote bellotte a écrit:

Hier au soir in voulant m'avincer pou la Noêl, j'ai fait eune fournée d'gaufrettes[/size]

Bin mi aussi j'ai fait des gaufrettes fines hier mais les miennes elles sont toudis là ! J'ai fauque minger les gros bords !

Ch'est tout à fait normal chef, ch'est pour que cha aille mieux dins les alvéoles fines de ch'gaufrier ! Même qu'elles deviennent durtes in arfroidissant ! Fais gaffe de n'pas t'brûler !

Citation :

Ch'est tout à fait normal chef, ch'est pour que cha aille mieux dins les alvéoles fines de ch'gaufrier !

Ch'est m'fille qui va m'tuer!!!
j'y ai prété min gaufrier,avec et t'recette ma tante...
m'fille me téléphone in m'demindant si chétot normal que l'pâte est un peu liquide,j'étos persuadé que non...j'y ai donc dit qu'elle savot sur'mint trompé dins chés mesures,j'y ai dit rajoute de l'farine pour avoir eun' pâte plus épaisse, et bin malheur...
ya nin longtimps qu'elle vient de m'téléphoner,in demindant quo qu'chest que l'recette que j'y ai donné!!!
in dot chucher chés gaufrettes telle'mint qu'elles sont dures...
El pire, ch'est que Jacqueline étot persuadé comme mi,d'faire eun' pâte épaisse....

J'pinse qui avot trop lomint que te n'd'avos pas fait !!!! In oblie vite ! et j'pinse que cha t'étot interdit non ? J'espère que t'file elle va in arfaire, qu'elle est nin trop déçue. Cha s'rot domache qu'elle suche dégoutée pac'qu'elles sont trop bonnes ches gaufrettes ! Hein ouais qu'ch'est vrai !

Ah que ouais alles sont D E L I C I E U S S E S !!!!
L'dernière fois que j'in ai fait, pindint les fêtes d' Noël, mes tiots neveux d'13 ans ont mingé l'boite presque à eux tout seu' ! In a été obligé d'leu artirer l'boite pou qu'les autes in euchent au moins eune ! Is s'étottent muchés dins eune champe in emmenant l'boite que j'cachos partout quind j'ai voulu donner des gaufres à mes invités. Du cop quind j'sais que j'vas les vir, j'leu fait eune tiote fournée, mais j'leu donne pas tertoutes, bin non, hein, j'in garde eune dizaine pou nosautes...

Pauf grind chef à pleumes.... J'imagine t'file in train de chuchi ses gaufres "à la papa" tellemint qu'elles sont durtes.

Roger i a invinté l'recette des gaufrettes de soldat.

Sacré chef! Te m'as fait rire.