Ch'est une arcette qui plait alors.... i vous faut l'manicraque spécial : un gaufrier avec des fins dessins.

Farine 250 g
Castonade 250 g (ch'est pas d'el vergeoisse !)
Burre 150 g
Ieau caute 1/4 l
Chuc vanillé 1 sachet
Oeufs 2


- mette el farine, l'castonade et chuc vanillé dins un saladier, bin touiller et faire un' fontaine

- verser l'burre légèremint fondu mais frod, l'ieau caute. Bin touiller incore

- mette les jaunes des noeuf, bin travailler l'pâte

- batte les blancs in neiche et les mette dins l'pâte

- laisser arposer l'pâte une heure et cuire insuite dins un gaufrier à petits dessins.....

- laisser arfroidir sur un' grille (cha arfroidi très vite) et .... bon appetit


ATTINTION SI VOUS COMMINCHEZ A IN FAIRE, VOUS ETES FOUTU.......IN VOUS IN R'DEMIND'RA TOUDIS !

i sont tell'mint bonnes, que j'ai commindé ch'gaufrier sur internet.

ah cha m'interesse roger, pace que cha fait in momint que j'cache après c'ginre de gaufrier, t'es allé su quel site ?..... nos aussi in a eune arcette et pou les faire i faut qu'j'prenne l'gaufrier de m'maman et...... l'pus dur est d'y pinser quind in s'vot....
mais ch'est pas les mêmes gaufes ni l'même dessin que cheules à Matante alors ch'est pou cha qu'j'auros quer pouvoir comminder ch'gaufrier...

j'tai invoyé l'adresse par mail !

bin arçu, merci roger..........

mi ech sus in alsace j y sus ben !!! mais min coeur y est à henin ché pour cha quech viens sur des sites ed ch'ti pour artrouver un tiopeu de note parlache
j a té contin d artrouver eine recette de gaufre y avo des années qu ech n avo pas mingé alors merci
a tertousse
a beto!!!

Au prochain marché de Noël i ara eune cahutte "A mon Wissberg" comme is distent in boyauroucherie, et les ginses i feront l'tcheue pour acater ses fines gauffres!

Cha sera dins quel coin?

ben bon dieu t es parti au fin fond ehdl'alsace mi ech sus au nord a la Petite Pierre din le 67 cha fait beto 40 ans alors j ai attrapé el maladie pour achteure ech va finir ichi si t a quer rigolé cha tombe ben mi aussi pi jeune né besoin ché un bon remede
salut a ti zottes
el boyaurouche d henin

Vinguette, incore un d'Hénin! T'as nin ouvré dins eune cokerie dins t'jonesse tisaute? Parce que j'in connos un que ouais...

Bon, Wissberg, i a eune séquo qui ne va nin ichi... t'as nin rimpli t'fiche! In ne sait nin qui que t'es, si que t'es un homme ou eune guernoule, quel âge que t'as et tout cha... In puq in passe sin timps à discuter à l'cuisine devint l'bac à vaisselle du moule à gauffres.

Du coup, à m'mote que cha serot bin que t'ailles in haut de l'pache, que te buques chu "forum", puis chu "présintation" et que te te présintes à les autres.

Pis aussi, sins vouloir te donner des ordres hein, te vas in haut de l'pache, te buques chu "profil" et te rimplis t'fiche, comme à l'école.

Te pourras même mettre eune tiote imache avatar qui t'arprésinte, mettre eune signature totomatique et pis tout cha.

Et, pour m'culture perso, et vu que des fos je chus incore plus curieux qu'eune guernoule - nan, ch'est nin possipe - commint que t'as fait pour arriver chu sin site à nous grind chef à pleumes, autre Héninos célèbre?

In fait comme cha?

ech va el faire mais achteure fo qu ech va a l aperitif
che diminche !!! fo pas rater cha !!! y a em guernoulle qui ravisse et qui fait intintion !!!!! mais in arvenant jeu l frai

mes gins v'la chi que cha donne chés gaufrettes


j'viens d'finir d'les cuire, tout cha in acoutant Nat King Cole, ch'est in plaiji doupe !!!
alors qui ch'est qui va s'régaler ?

Juste un consèle : copez l'pâte nin cute qui déborde d'el gaufrette, ch'est meilleur quind in les minche !





(je sais j'me répète Tiote !)

pis in peut les minger chés tiots bouts quind in les cope.....
ch'est bon à sin vinte, vos pouvez m'croire, même cauds....

tiotte belotte j'ai l'ieau à m'bouque avec tes gauffres.

J'arrive !!!!!!!!!!!!!!!!!!!!!!!!!!!!!!!!!!!!!!!!!!!

Citation :

pis in peut les minger chés tiots bouts quind in les cope.....
ch'est
bon à sin vinte, vos pouvez m'croire, même cauds....

Oh ouais que ch'est bon, j'les mingeot à fait!
j'in ai d'jà fait deux cops, et i n'a presque pu!
qu'ché qui est interressant ché avec el recette à matante,avec 250gr et d'farine té rimplis l'boîte à biscuits!
si Jacqueline ouvre l'boîte, elle va m'tuer...i n'a pu qu'eun' dizaine!

...Vaut mieux comme cha qu'ed mourir ed peur ! ! !

Ch'est vrai qu'all' sont bonnes ché gauff', Jacqueline all' nous in a données et i in a déjà pus gramint.

J'aime bin quind ches arcettes elles circulent.... ch'est bon dis !

Jacqueline a m' n'a donné aussi, mais y a longtimps déjà que j'in sint pu l'goût. Ch'est vrai qu'alles étotes bonnes (trop bonnes, vu qu'y in a pu).

Mi j'ai donné l'recette à m'nièce et elle alle a quer faire cha. J'cros que l'prochain cop qu'j'irai à s'maison j'in mingerai certain'mint.

Cor Merci à Jacqueline

Mes gins, j'viens d'in arfaire pou des amis qui vienn'tent passer l'ouiquende avec nosautes... hummmmmmm ch'est toudis aussi bon ! - ben ouais fallot bin les goûter pou vir si l'pâte étot réussie 

"CHA Y EST et Y A PU QU'A!"
A lire les arcettes ed gauffes, Cha m'donnot invie ,d'autant plus que min gauffrier y avot cramé. Du coup, j'a ravisé l'photo de tiote Belotte, pis j'a caché sur internet et j'a r'connu ch'gauffrier. Et voilà, j'l'a reçu c't aprem, et y a pu qu'à!

Question: ma tante met d' la castonade mais pas l'vergeoise. Est-ce que c'est, le sucre de canne moulu ou du sucre blanc fin?
jé' n'sus pas unne bonne cuisinière, alors j'espère qu' ch'a va marcher du 1er coup, car em patience a des limites, surtout pour des gatiaux

Merci , chef à plumes , j'vas faire in effort! et me lancer! Y'est biau min gauffrier, mais j'a mal au coeur del salir'!

allez min nain, allez ! ch'est le premi pas l' pus dur... après té pourras pus t'arrêter d'in faire des gaufrettes...

surtout pinse a nous guiffes..