Bonsoir bin cha faisot d'jà pas mal d'timps que j'lisos vos cacoules mais j'n'osos point v'nir avec vous autes mais là cha i est j'y sus .Comme j'veux vraimint faire des progrès j'compte su tertous pou m'corriger mes fautes . J'sus née à Denain (in 1973), j'ai habité à Douchy les mines pis à Haspres ach't'heure j'sus près d'Nimes à coté del source Perrier ouai ouai l'ieau qui fait des bulles in boutèle ! Voilà j'sus Manman d'tros tiots infants (infin tiots pus tant qu'cha 16, 14 et pis 9 ins ) .J'espère faire un bon bout d'quémin dins l'bonne humeur avec tisautes .

bin, bienvenue au clup!! faudra pon t'laicher impressionner par quéques agozils....ché fauque pour de rire

eune jonesse du 59, d'min coin in pus, Escaudain ch'est à côté d'Denain et qui vit asteur vers Nîmes, j'pinse que té dos ête l'Annesophie qu'in a d'jà parlé insonne su in aute forum

in tout cas bienvenue à ti..... et j'dirai bonjour pou ti à Denain chés prochains jours car j'armonte d'main....

ouai tiote bellotte ch'est bin mi que chance t'as d'armonter à D'nain mi j'espere pouvoir i aller c't'année chi avec m'tiote famile. Merci pou vote accueul

bonjour Aneso, em' femme a l'est d'Aveluy ej pinse que té dos connaîte el villache.

Bienvenue à tisaute annesophie. Vu que d'après cha que te dis, te viens ichi dins l'but de faire des progrès, ch'est les bras grinds ouverts que je t'accueille. Je pinse que plusieurs autres seront de min avis...

In s'a croisés dins un autre bistrot, d'ùche que l'idée de vouloir faire des progrès étot eune tare pour eune majorité des dernis arrivints. Ch'est à cause de ceux-là que ch'site ichi i existe. Alors, bien que je ne soche ni fondateur, ni administrateur, ni modérateur, et que du coup min messache sera peut-être modifié ou supprimé, j'espère que tin choix pour ch'site-ichi i a été fait in connaichinche de cause: ichi in fait des efforts pour respecter le patos et ainsi le rinte respectable!

Cha dit, in ne rate nin eune occasion de rigoler, chu des sujets qu'in essaye de rinte aussi intéressints et variés que possipe. I me simble qu'in préfère ne rin dire plutôt que de dire des banalités, si que te vos cha que je veux dire...

Vu que t'es du coin à Tiote Bellotte, in va vite découvrir si les guernoules sympas et dotées d'eune incroyable babelle sont eune des espécialités locales. Cha serot bin!

Tiote question in passint: te cuisines grammint au bain marie?

Allez, à plus, et incore binvenue!

si t'ar onte a Denain va boire un verre ché Noel à Haveluy ti dira que té vient d'em' part.

Bonsoir tertous, min avatar les vacques d' chez mi noires et blanques j'les ai querre. Batisse j'cros que j'ai bin archu l'messache mais j'cros qu'javos bin compris.Mi c' que j'veux ch'est apprinte à marquer min parlache natal et pis rigoler donc, j'espère ête bin arquaihue .Ouai ch'est certain va y avoir d'l'ouvrache mais j' compte su tisote pou mes progrès. Pou c'qui est del cuisine au bain marie bin nan pas vraimint ,au contraire mi j'ai querre l'cuisine au burre, l'sauce ,ches tiots plats mijotés (rassacache , soupe à l'ail d'arleux si si si j'in troufe 2 fos par an inviron ichi su Calvisson un tiot villache pas trop lang d'chez mi ,l'saucisse aux pommes, l'ragout d'mouton ...) . Et pis j'promets je n'dirais pas d'banalités . Nonours 94 ouai bin sur j'connos l'coin de t'finme j'avos del famile amon Haveluy ( Déprès chi cha dit quétiosse à quelqu'un) J'sus fin bénache d'lire vos histoires et vos cacoules à tertous . Voilà ach't'heure j'vous armercie pou vot' bon accueul .

Te sais que je chus un rieux de gins hein... alors l'histoire du bain marie, ch'étot pour faire indever Tiote Bellotte, qu'elle est native de tin coin.

Si que te vas vir ses arcettes de cuisine, te verras que pratiquemint tout i est cuit au bain marie, et cha a devenu eune blague à sin sujet ichi dessur.

Ch'est tout.

In tous les cas, t'as un biel avatar!

t'exagères toudis Batisse, les pâtes j'les fais nin au bain marie, quoque pou faire récauffer c'qui reste, l'bain marie ch'est pratique.... quoque c'est rare qui in reste des pâtes dins l'gamelle à l'majon

Batisse té n'vas pas m'dire que tiote bellotte al fait arcauffer ches frites au bain marie quand minme ! si ? Merci pou min avatar ti t'as un bieau capiau .

salut annesophie , bin contint de t'vire ichi , bon courache

Bonjour Anne Sophie, bienv'nue au clup ! ! !
Ichi, dins min coin, i n'da grandmint d'vaques blanques et noirtes, i n'a même des noirtes et blanques ! ! !
. Jé m'déminte si qui n'a pas pusse ichi qu'in Normandie.
.

Dis pépéPéBé, in Normandie les vaques ch'est des "pie rouche" ch'est à dire qu'elles sont rousses et blanques (ou blanques et rousses). Pour Anne-Sophie j'cros ch'est une "pie noire" car sin vinte i est gros. Des qui arsemble aux "pie-noire" ch'est les Holstein elles sont noires et blanques mais quind in les r'garte in dirait qu'elles sont nin nourries, elles ont l'vinte maique et in vos les oches de leurs hanches mais i a pas meilleures productrices ed lait qu'elles !

Hé bé Matante te t'y connos in vaque.....que les noirtes et blanques ch'est des cliques à z'oches qui font du lait et que les pis rouches, elles ont un pis mais elle font del viante pour faire du bon bouli...

Quo qu'ch'est comme race ed vaque dins les boites ed sinche dis hein?

Sinon, Bienvenue à annesophie qu'elle a un bieau nom qui étot nin cor à l'mote à nous âche ( confidince: ch'est min prénom) et que tchin que j'sus née mes soeurs elle faijottent l'grimace tout l'long du quemin de l'école in répétint; '' hé bé qu'ch'est laid!'' mais elle ont cangé d'avis après.
J'sus l'soeur à Batisse ( l'soyeux de l'grammaire) et à Matante... faut suiff !

Cor eune confidince: mi j'ai jomais promis de nin raconter des carabistoules ou dire des banalités sinon j'passeros tout min timps à serrer m'bouque.

bonsoir mérilou,au lieu ed nous raconter des caras ej préféreros que té m'in donne. quand aux bistoules té peut toudis in donner zux artrétés.

Bonsoir et pis merci pou ches nouvieaux qui m'disent binv'nue, ouai Mérillou ch'n'est pas toudis facile de n'pas dire d'banalité mais bon j'vas essayer quand minme in tout cas là pou l'momint ch'est raté à part armercier ches gins j'n'osse pas cor trop m'avinturer in va vir avec el timps . Mais j'rigole bin et pis j'vos qui a des voyants ichi inda qui ont d'jà vu qu'j'avos un gros vinte .

Mais non Anne-Sophie ch'est t'vaque qui a un gros vinte, j'oseros nin te l'dire car j'aime pas quind in dit parelle du mien ed vinte !!!!! :drunken:

Ch'est quo un vinte? A m'mote que je n'd'ai nin archu à l'distribution.

Si? Ah bon....

bin t'as d'jà in crane lisse batisse, in peut pas tout avoir !!!

ah bon ! Chi j'comprinds bin , Batisse i fait concurrince au chef du site alors ?

si arot qu'mi? Annesophie...

Gnagnagna!