Je ne sais nin vousautes, mais mi ichi, probablemint à cause qu'i a pleut pratiquemint tous les jours depuis le printimps, je chus invahi de fraises à min gardin! Incroyape. Et des rudemint grosses.

Bon, i n'a nin que mi qui les aime. I a aussi des bestioles, dont des longs vers tout fins que je ne sais nin d'ùche qu'is sortent et qui m'imbêtent un tiot peu vu qu'i faut que j'arwette bin tchand que je pluque dins les fraisiers.

In tous les cas, j'ai essayé diverses recettes pour consommer ches fraises et ch't'au midi, je me chus ramintuvé min jone timps, disons vers l'fin des années 50 et le début des années 60. A l'époque i avot des fraises au gardin et in étot au moins tros djones à bin les surveiller. Dès qu'elles passotent au rose, in général elles disparaissotent. Je cros bin que nou momère elle in acatot des rouches pour qu'in peuche in minger des normales....

Cha dit, j'ai voulu arfaire cha qu'in faijot tchand qu'in étot djones: écraser des fraises chu eune tartine de pain, mettre du chuc in poute dessur, et minger cha in faijint des plis avec mes ys tellemint que ch'étot bon.

Eh ben je chus tout défoutu vu qu'i a eune séquo qu'elle a chingée: ou le pain i est devenu trop mou, ou mes fraises elles sont trop durtes, ou les tartines elles sont nin copées épais assez - de mémoire nous tartines de jonesse elles faijotent bin tros chintimètres d'épais - in tous les cas cha a foiré. In écrasint les fraises chu le pain j'ai eu surtout du jus de fraises qui a passé au travers jusqu'à arriver chu l'taffe. Et in le mingint - quind même... - j'ai été déçu. In dirot que le chuc i n'a pus le même gout.

Vous mingez parfos les fraises comme cha vousautes, ou alors vous êtes influés par un régime qui dit de faire attintion à sin diabète ou sin cholestérol ou des bêtisses ainsi invintées pour indiquer qu'in vieusit?

Mi, vu qu'écrasées chu du pain ch'étot nin cha qu'i fallot, j'ai finalemint fini l'platée avec de l'chantilly. Ch'est bin aussi

B'jour Batisse

J'sus tout à fait d'accord avec ti, que chétot bon, su suc fin ou del castonate, et aussi avec des bananes, mais ché dernières in n'les trouvot pas dins l'gardin mais à l'épicerie du coin "SPAR" ou la COOP ou l'CCPM

mais maintenint comme té dis j'adore toudis ché fraise mais sasn rin du à ch'te saloperie diabète maladie du siècle avec d'z'autes

Ichi j'ai in camarat' boulanger y fait toudis l'pain à l'ancienne, y fait toudis sin levain sin pain y es pas sec l'endemin té peux couper des grosses tranches n'dins, min boulanger i m' raconte que tou ché client y veul'tent du pain blanc, comme y dit mêlme pas cuit, ché pas digest mais bon ché comme cha qui veul'tent

Que des bons souvenirs 

du pain comm' cha Batisse

Ouais, ch'est cha, que l'mère elle coupot in l'mettint entre ses tototes et in coupint vers l'viante!!!!

batisse a écrit:

Ouais, ch'est cha, que l'mère elle coupot in l'mettint entre ses tototes et in coupint vers l'viante!!!!

In a connut les mêmes douceurs

Que des belles tartines comme avant avec not' pain d'trois liff. Ch'est vrai qu'in s'régalot avec des fraisses sus du pain avec un tiot peu d'chuque in poute.

Loumarcel a écrit:

Que des belles tartines comme avant avec not' pain d'trois liff. Ch'est vrai qu'in s'régalot avec des fraisses sus du pain avec un tiot peu d'chuque in poute.

Cha fait plaisir de t'arlire Loumarcel

Que de souvenirs

Bonjour tertous,
In a les mêmes souvenirs, ch'pain,  tout parel comme vous autes, ch'couteau scie in plus que m'mère al avot d'ringé dins ch'tiroir del'tape, j'ai récupéré l'coutieau mais j'm'in sers pas avec ch'pain d'achteure j'féros  qu'des miettes in l'coupant ainsi.
Y a core des tiots villaches du qu'in trouffe des vrais boulangers qui font du vrai pain à l'ancienne et là un tiot peu d'fraises sur eune belle tartine un peu épaisse, comme vous zautes cha fait rappeler des momints d'note enfance. Que du bonheur

Bonsoir mes gins
Bin mi cha fait eun' semaine que j'déjeune cha au matin,deux tartines bien beurrées avec des fraises,et ch'est vrai que ché un régal.
j'acate min pain chez un vrai boulinger,et mi il me l'faut bin grillé bien noir,in appelle cha eun' gaillette,
ch'est vrai que dins l'temps chétot des pains trois liff... et surtout avint de l'coper fallot faire l'crois avec sin coutiau.....que de souv'nirs.

Je me deminte si qu'in étot obligés d'aller acater le pain à ch't'époque. I me simble qu'i a au moins un boulinger qui passot tous les jours avec s'caméonette, in donnint un long cop de klaxon pour faire savoir qu'i étot là. Cha dit, in pouvot aller à d'autres boulingeries à pids, si qu'in voulot hein...

Parel avec l'laitier, l'boucher et bin sur les brasseux, mais eux i n'd'avot grammint. Is vindotent même de l'ieau in boutelles. Je m'rappelle de la Spa gazeusse, avec eune étiquette rouche, qu'in acatot pour des occasions vraimint spéciales. In hochenot ches boutelles un max pour in faire sortir le puq de gaz possipe. Ch'est comme cha que j'ai tout fraiqui l'plafond de l'cuisine...

Pour l'bière, i fallot faire plaiji à tertous: l'blonde in la prenot in litres à bouchon mécanique à l'brasserie du Tilleul (Tourcoing les bedoules) puis "aux débitants réunis" (comme si qu'is avotent déjà été unis dins le timps). L'brune, de l'Véga pils, in boutelles de 33cl, in la prenot à l'brasserie Motte Cordonnier (Armentières). J'ai incore des bocks in grès de cheule brasserie. Je viens d'aller vir, elles contientent 50 cl. Ch'étot eune bielle époque in effet!

Min père i allot acater du vin rouche au centre ville, dins eune cave d'ùche que l'pinard i étot tiré de tonneaux. Cha sintot l'exotique là-dedins... Ch'étot du Fitou qu'i prenot. I in buvot un cop tous les soirs, servi dins un assez grind vierre, qu'i partageot avec m'mère. Qu'i partageot à part nin égales i faut dire... elle avot l'drot de trimper ses loupes dedins pour un chuffler un tiot cop de rin du tout. Et li, tchand qu'i le préparot i dijot qu'i préparot l'vin rouche de l'vielle. Elle râlot... "je t'in foutros de l'vielle, non mais!".

Ch'étot bin. Ch'est bin incré dins m'mémoire.

batisse a écrit:

Je me deminte si qu'in étot obligés d'aller acater le pain à ch't'époque. I me simble qu'i a au moins un boulinger qui passot tous les jours avec s'caméonette, in donnint un long cop de klaxon pour faire savoir qu'i étot là. Cha dit, in pouvot aller à d'autres boulingeries à pids, si qu'in voulot hein...

chétot comme cha mais sans les prix

batisse a écrit:

Parel avec l'laitier, l'boucher et bin sur les brasseux, mais eux i n'd'avot grammint. Is vindotent même de l'ieau in boutelles. Je m'rappelle de la Spa gazeusse, avec eune étiquette rouche, qu'in acatot pour des occasions vraimint spéciales. In hochenot ches boutelles un max pour in faire sortir le puq de gaz possipe. Ch'est comme cha que j'ai tout fraiqui l'plafond de l'cuisine...

J'marvot

batisse a écrit:

Min père i allot acater du vin rouche au centre ville, dins eune cave d'ùche que l'pinard i étot tiré de tonneaux. Cha sintot l'exotique là-dedins... Ch'étot du Fitou qu'i prenot. I in buvot un cop tous les soirs, servi dins un assez grind vierre, qu'i partageot avec m'mère. Qu'i partageot à part nin égales i faut dire... elle avot l'drot de trimper ses loupes dedins pour un chuffler un tiot cop de rin du tout. Et li, tchand qu'i le préparot i dijot qu'i préparot l'vin rouche de l'vielle. Elle râlot... "je t'in foutros de l'vielle, non mais!".

Ch'étot bin. Ch'est bin incré dins m'mémoire.

Ché p'tete pas les bonnes imaches mais cha m'rappelle d'sacré souvenir aussi

Vains diousses, du Fitou 1947 i ne dot nin in rester grammint!

Cauchette a écrit:

J'marvot

Ch'est ti cha? I a l'air que ch'est des caisses de 12 litres. Cha devot fait alintour de 20 kilos avec l'caisse in bos cha... Et les clos is avotent intérêt à bin tenir!

Vinguette, le pauf Saviem i a sin rétro parallèle à un de ses deux échu glache à l'arrêt

Et de mémoire i n'avot nin de ridelle à ches caméons. In n'arot pus le drot.... L'législation actuelle elle est partie dins l'excès inverse. I faut tout singler. Ch'est cinglé!

A l'époque, tchand qu'i avot de l'neige chu les routes les bus et les caméons is continuotent à rouler énon? Les gins is jetotent les grouaches sous les roules tchand que cha patinot de trop.

in tiot peu comm' chel'là