Vous allez dire que je me torture l'esprit pour nin grind cosse, mais des fos je me pose des questions auxquelles je ne trouve nin de réponse à min goût.

Ch'est le cas pour l'oxygène, si importint pour nous vies.

A l'école, comme tertous, j'ai appris que l'oxygène qu'in respire i est fourni par l'photosynthèse qu'elle fait l'végétation et que ch'est pour cha qu'i faut la respecter. Les feules is respirtent du CO2, gartent le C pour faire du bos et is arcrachtent le O2, autremint dit l'oxygène, que les animaux is respirtent et arcrachtent, eux, sous forme de CO2.

Et in arwetchint alintour de m'majon je me pose eune question: à ch't'heure qu'in est in automne, qu'i n'a pus de feules aux arpes, que l'plupart des camps is sont labourés, que les gazons is ne poustent pus, d'ùche qu'i vient l'oxygène qu'in respire dins nous régions timpérées? Dins les régions très cautes ch'est souvint désertique, que cha ne dot nin produire d'oxygène non pus.

Ch'est i qu'i n'd'a tellemint d'avinche (produit par quo?) qu'in peut buquer dins les stocks pindint 6 mos sins qu'in voche aucune différinche à l'fin de l'hiver? Je sais que tchand que ch'est l'hiver au nord, ch'est l'été au sut, mais tchand qu'in arwette les mouvemints des nuaches chu l'tierre, i n'a nin d'échinge d'air intre le nord et le sut....

Y-a-t-i quéqu'un qui pourrot m'expliquer, histoire que je m'indorme moins babache? Je sais, i a du boulot...

ej su aussi babache que ti ach' niveau la j'em garderai bien d' répnte au risque que d'em payer la honte.mais ej su sur qu'el modératrice va t' réponte ale a fait l'ena.

. J' fais min gardin aveuc min camarate voisin , un sacré gardinier "brut d' décoffrache". Justemint, mine de rin pour rigoler in douce , i n' a pas bin longtmps,j ai essayé d' li espliquer d' "façon, vulgarisée", l' histoire de l' photosynthèsse, qui a des légueumes à feules vertes qu'is printent l' carbone dins l' air , comme les salates, que l' bos des apes ch' est du carbone pris dins l' air ..... Tout cha cha l' dépasse I m' a répondu " I faut pas croire tout s' qu'in raconte!" (véridique)
. Batisse, t' as oblié l' pet des vaques. Alles invotent du méthane dins l' atmosphère ! ! ! Qu'"i a des pays du qu'in fait payer eune taxe pour cha...Cha aussi ch' est véridique, Si cha continue, in n' os'ra pus craquer eune allumette déhors.
. Faut pas crier trop fort, cha donnrot des idées. L'Président i férot payer eune taxe à tous les péteux ! ! ! J' in connos un à qui qu' cha coûtrot bonbon, à d' es qui paraît.......J' cite pas d'npm...suivez min r' gard ! ! !
A plus mes gins et duc'mint aux zharicots ! ! !

J'savos pas qu'j'avos fait l'ena..... pet ête dins eune aute vie !

In tout cas tin sujet Batisse i m'a fait busier à eune canchon de Julien clerc "Respire"..... et j'connos pas l'réponse à t'question, mais j'cante, ch'est toudis cha !... et au fait, en cantant j'consomme gramint d'oxygène ??

n' cante pas trop souvint pour éviter les inondations :vil-orage:

Bin justemint i pleut !

ché que t'a du canter.

Dis Batisse, j'vos bin Léon et Gérard philosopher avec tin sujet ...... mais cha donne nin d'réponse à t'question et te va t'indormir toujours aussi "babache" (ch'est ti qui l'dis)

"d'ùche qu'i vient l'oxygène qu'in respire dins nous régions timpérées? Dins les régions très cautes ch'est souvint désertique"
Cache pas à comprinte, ch' est étudié pour ! ! !
...............
MDR cha veut pas dire un gros mot ! ! !

Allez Batisse, in a rajoute un' louche ? ...."et quo qui s'passe el nut quind les arpes is respirent comme les mamifères in absorbant l'oxygène et in arcrachant el C02 ?

Is font cha? Je feros bin d'artourner à l'école mi...

Et les nuits qu'i a de l'lune, quo qu'ch'est qu'is font?

Au final is ne sertent nin à grind cosse alors? In nous arot arfait le coup des épinards: mingez des épinards, ch'est plein de fier. In fait ch'est loin d'être aussi vrai que cha.

A Wissant i avot un tout tiot bistrot. L' patron i avot mis eune plancarte di qu'i avot écrit:
"Mingez des moules vous arez un estomac in fer"
Textuel ! ! ! In patois...

La nan pus, j' sais pas si ch' est bin vrai ! ! !
...............
Pour les épinards, aveuc cheux du gardin, i n' a pétète pas d' fier eude dins mais aveuc cheux in boîtes, alles z'ont l' goût d' fier, ch' est pétète possipe.
. beurk.....vivf les épinards bin oxygénés ! ! !

quand y vot des taques marron sus ed ches feules d'épinards, min grand père dijot, que l'air étot pollué

Té sais ch'duc "On ne nous dit pas tout"..I dot caire des rutes salopries du ciel ! ! ! !

peut ete des OVNI

.J' ai trouvé dins un devoir d' élèfe:
.
" Pour être en bonne santé, il faut respecter quelques règles d' oxygène"
.
. Fallot l' treuver aussi chèle la ! ! !
Nounours, j' in ai eune d' photo d' Ovni, j' va l' mète sos peu. Ch' est pas un canular ! ! !

In v'la core un aute, véridique aussi.
Ch'maîte: " Si on bouche le derrière d'une poule, que vat-il se paser ? (in v'la eune question intelliginte)
. - Elle va mourir Monsieur!
. - Pour quelle raison?
. - Pas quq' alle peut pus respirer Monsieur !" sic
....
Ch' est vrai alle va manquer d' oxygène elle aussi.

ej pourro raconter s' qui est arrivé à un d' mes bieaux frères au sujet des OVNI pourtant ché pas un nonoche i éto cadre supérieur mais j'en ne l' raconterai pas. personne va l' croire.cha fait frichonner et tiote belotte ale va faire des cauchemarrds.

Mi aussi , eune nuit j' ai vu eune cosse bizarre....ch' est min fils qui 'm'a réveillé pour me l' faire vire...
Assez haut , dins l' ciel brumeux, pas d' lune, i avot un disque immobile et eune démi douzaine d' plus tiots disques qui trournotent autour...s' arr^totent, arjoignotent ch'ti qui étot immobile arpartotent à leus plaches à l' estérieure et tournotent dins l' sens inverse....et cha n' in finichot pas.
In arot dit ch' étot au d' sus du plafond nuageux Inter l' disque immobile et les autes i avot eune distance d' inviron deux fos eune pleine lune ! ! ! In s' est dit, ch' est pétète les lazer d' eune discothèque ? ? ? Intrigué, j' sus parti dins tous les pat'lins du coin, Boulonne Ambleteusse, passé près de l' discothèque d' Wimille ....rin nulle part ? ? ? Pas d' foire, pas d' bals, rin .......
In n' est dallés s'couquer, cha tournot incore. In n' avot pas d' apparels phohos performants ou d' caméra vidéo ...ch' étot i a eune vingtaine d' années.
......
Min copain ch' est eune aute histoire, jé l' racont'rai quand que j' mètrai l' photo non truquée bin sur ou cha n' érot pas d' sens ! ! ! !

V'la c' qui est rrivé à min camarate.
I étot parti pour photographier eune majon à vinte dins l' cate d' sin travale. In perdant l' photo (prenant) i a vu eune sait quoi traverser l' ciel dins l' viseur d' l' apparele ....
......Intrigué j' ai agrandi l' photo et vl' a l' dallache:



L' original

.



.



.

In dirot un oziau " qui férot du "vol dos' , , , , un drôle d' oziau ! ! !
. Ch' est ultra facile d' trafiquer eune photo aveuc photoshop mais ichi j' vous assure qu' ch' est pas eune farce. C' que ch' est un n' in sait rin.In dirot eune espèce d' oeuf, un machin ovale ? ?
..... Bizarre!...bizarre...bizarre...

J' sus pas sorti du sujet:"Incore eune séquo que je ne comprinds nin " mais" On ne nous dit pas tout"
....

"I n' da des séquos qu'in comprind pas...."

pet ête que tin tin OVNI pépéPéBé, ch'étot des tiots hommes rouches (ouais in dit toudis des hommes verts, mais pouquo is s'rottent pas rouches ?), donc des tiots hommes rouches venus vir pouquo nos in avot besoin d'oxygène, eune mission espéciale "commint cha marche ?"...
t'as vu toudis dins l'sujet....

si eusses is ont compris is devrottent arvenir l'espliquer à Batisse, t'as leu numéro ?

S' qu'in a vu, in l' a pas rêvé i a bin un!
O plusieurs objets , in n' in sait rin, ch' étot des cherques parfait'mint ronds, lumineux in sait pas c'que ch' est ...qui éclairotent les nuaches par au d' zeur (Apparemment)
V Volant , ? ? ? ? In sait pas si qu'cha volot ch' étot in l' air d' toute façon
N.I. Non Idintifié, cha ch' est sur. In s' est posé grandmint d' questions la d'sur . Ch' étot jusse à la verticale au dessus d' nous, si cha érot été 'des rayons lumineux " vénant d' côté, les ronds lumineux is n' arotent pas tourné d' sur un cherque parfait autour de ch'ti la immobile mais d' sur un ovale ? ? ?
. Vénant du sol, i arot fallu qu' les rayons is seuchent sérieus'mint serrés pour pas ète pus écartés qu" cha in arrivant aussi près d' l" objet central...si ch' t'un objet ? ? Et in les arot vus "monter au ciel" ( amen) comme les projecteurs antiaériens qu j' ai vus pindint la guerre... In les veyot bin les rayons lumineux qu'is éclairotent les nuaches.....
.......
Pour min camarate i a vu eune c' est quoi in perdant l' photo .... (perdant=prenant)
.....
L' copain, d' min bieau frère, i photographie s' finme au Cap Blanc Nez. Stupéfaction, i avot rin vu, mais, d' sur eu l' photo i avot eune magnifique soucoupe volante ! ! ! Comme i travale à la DST, l' fameux copain in question, is z'ont étudié l' photo sans treuver d' esplication......et ch' est core mi , l' inochint , qui l' ai treuvée.
. Un jour j' dévlope un film comme d' habitute in utilisant eune cufe espéciale pour dévlopper in plein jour...Re stupéfaction ! ! ! I avot l' même soucoupe volante mais chette fos, alle étot pas dins l' ciel mais d' sur eu l' nez de m' belle soeur ! ! ! ! Ch' étot eune bulle qui s' atot formée dins l' cufe, d' sur eu l' péllicule, dins l' cufe... ! ! !
...
Ach't(eure si qu' les pétits bonhommes verts is sont rouches, cha j' té dirai quand qu' j'in arai vu un ! ! ! .
.....
Si ch' est pas vrai tout cha té pourras dire:" Pépé i manque pas d' air, donc d' oxygène, ou i est dallé trop longtimps au solèle sans casquette".

.... Si qu' Batisse i n' da vu eune i ne l' dira pas i arot bin trop peur d' passer pour un coulteux ! ! !
.
. CHEF! ! ! ! v'la core un' mot qu' j' ai pas vu dins l'glossaire "coulteux" in minteux, un raconteux d' cacoules !!!
. "Ti j' té cros pas té un coulteux!"
.