Cha devient critique là arvlà l'caleur, ches tiotes rivières in peut les traverser. Y a des arbustes qui crèvetent. In a eu un tiot peu d'pleuffe mais cha vaut un pipi d'cat.
In a des éleveurs d'belles limousines qui viennent apporter des rouleaux d'foin dins ches prairies pour leu troupeau à côté d'chez nous.  i z'intament déjà leur réserfe et pour l'hiver ....?
et vous dins vote coin cha dot ête parel. à part ches limousines hein.
A plus

Bonsoir La Clo

Ichi aussi in Bourgogne dins l'Tonnerrois  cha fait deux mois in a eu deux averses même pas d'quoi faire tombé l'poussière

Ché vacques, des Charolais et leur tiot y broute de l'herbe jaune depuis un mois
les éleveurs leur donne ce qu'il peuvent

pour les moissons y z'étotes contints mais maintenint pour l'mais et les tournesols ché critique car cha fait in mos qu'y a pu d'iau et l'préfet cha fait longtint qui a interdit d'arroser ou d'faire du fiu

D'not côté y ont fermé l'canal y a pu d'eau dins les retenus pour faire passer ché batiau du jamais vu

Un sincier qui ne se plaint nin, i ne connot nin sin méti. I a nin si longtimps is se plaignotent des inondations qui faijotent que rin ne poussot.

Je ne sais nin chez vousautes, mais ch't'année in parcourint eune partie du pays dins min caméon j'ai vu que tout partout les foins étotent extraordinaires.

Mi, cha que j'ai peur, ch'est que tout cha cha se finisse in taxe. Forcémint, les sous dins les poches de l'état plutôt que dins les notres, cha refrodit!

Je vous le dis mes gins: in est in train de se faire intuber par l'taxe carbone alors que ch'est  nin le co2 mais tout bêtemint le solel - qui a li aussi des cycles - qui fait que cha cauffe. Au moyen âche i faijot caud et i n'avot ni autos ni carbon. In s'ébaubit chu les grottes préhistoriques et lus peintures qui moutent des rhinocéros. In sait bin que ch'est des biêtes qui vivtent nin dins l'neiche...

Bon, in ne va nin parler politique, mais tchand que j'intinds un certain minisse qui fait toudis des plis de miséreux à sin front causer de l'conférince qu'i ara bétôt in France, j'ai mes nerfs qui cauftent aussi....

Si qu'i a eune séquo qui attire les mouques, ch'est nin à cops de tapette à mouques que cha puera moins. Cha fera l'affaire des marchinds de tapettes.... In in est là!

Ché vrai aussi che qot té dit Batisse

nosautes ichi dins l'beaujolais, in a eu caud, mais caud comme jamais in a eu, j'cros même qu'in 2003 in a pas eu aussi caud ! tout y est grillé, l'couleur verte in n'sait pu c'que c'est.... les cinciers donnent aussi les foins d'l'hiver à leu bêtes et même eune partie des maïs qui font l'tiers de l'talle qui devrotent faire normalemint !
Chés vindanches sont prévues à partir du 15 aout dins certaines parcelles et pus généralemint l'20 aout, cha qui est très tôt, bin tros semaines pus tôt qu'à l'habitute...
In a été souvint à 40° à l'ompe, des jours d'ù que j'ai sincèremint plaint les gins qui traval'tent dehors, mi j'étos comme eune loque ! Pou arriver à faire quette cosse j' étos obligée de m'lever d'bonne heure et de m'couquer tard parce que intre 11 h au matin et 21 h ch'étot limite respirape pou mi...
Aussi samedi quind in a infin eu de l'pleufe, l'première depis deux au moins deux mos, malgré qu'in étot in pleine cérémonie d'mariage et que l'brouchingue in a pris in sacré cop, bin j'étos heureusse mais heureusse, vos pouvez nin imaginer !... Aujord'hui in avot foque 25° et ch'étot bin !!!!

Vos allez pas m'vir pindint in tiot momint, demain matin ch'est départ pour une dizaine d'jours in Italie, j'espère qu'in va nin treuver l'canicule là bas !!! Si qu'in a de l'connexion j'viendrai faire un tiot tour.
A bintôt mes gins, portez vos bin

Bonne vacance Tiote Bellotte

Profite s'in bien

Merci Cauchette