AH ! mes gins un grind grind merci d'avoir pinsé à mi ! vos pouvez nin savoir combin cha m'fait plaijir...
Surtout que j'arrife au pus biel âche pour eune ch'ti ! va falloir in profiter cha n'va foque durer qu'eune année !
Ouais j'sus in congé, depis 10 jours, au soir j'ai mes infants qui vienn'tent pou minger, in étrenne l'four à pizza que min homme a terminé... mais je n'sais nin si qu'is vont pinser à min anniversaire, les deux grinds sins doute mais l'pus jonne j'ai des doutes, i n'sait jamais chés dates ! mais pou mi l'principal ch'est d'les vire...
Ichi dins l'beaujolais in a artreuver des timpératures un tiot peu d'pus chrétiennes, aujourd'hui in a 25°, ouais pace que si que cha continuot ainsi cheule canicule j'allos finir in combustion comme jeanne d'arc, cha funquot, cha funquot jusqu'in d'sous d'mes bras... 40° ch'est nin fait pou eune guernoulle chti !
Heu ch'est quoi l'film avec l'tiot prince dont in parle Batisse ? j'dos avir du retard dins l'actualité cinématographique... ch'est eune maguette qui s'trinsforme in prince ? cha cange du crapaud...
Bon allez ch'est nin l'tout d'babeller mais j'ai du parmesan à râper et de l'mozarella di buffala à coper