Je me deminte si que dins vous coins à vousautes i a le même phénomène qu'ichi dins l'est: incroyape le nombre de moniaux qu'i a.

Tchand que je dis moniaux, je parle des piafs, vous savez, les plus communs des mouchons. Les tiots malins, dégourdis comme tout.

I fut in timps in se dijot qu'is étotent in voie de disparition ou presque ches tiots-là. In trouvot même qu'in veyot puq de mésanges que de cheux-là. Ch't'année, je ne sais nin quo qu'i s'a passé, mais cha a donné à fond dins les nids. Ch'est marrint de vir des bandes de jones piafs - in les arconnot, is sont moins ronds que lus parints - qui font les 400 cops, s'involtent tertous in même timps et s'amustent comme des tiots fous. Forcémint is jutent à cat perché!

Dins min gardin, tchand qu'i faijot si caud, j'ai mis eune assiette creuse avec de l'ieau dedins, justemint pour les mouchons. Eh ben qui qu'ch'est qui in profite? Les jeunes piafs. Je ne sais nin si qu'is ont grammint bu là-dedins, mais à ch't'heure ch'est piscine, à chacun sin tour, et i a l'tcheue! Ch'est rigolo.J'aime bin.

Au moindre bruit un tiot peu anormal, vroutt, is s'involtent tous insonne. Et pis cha arvient. Magnifique. Ch'est du pestaque à nin cher....

J'ai aussi un nid d'hirondelles. Là aussi cha a du donner à fond dins l'nid, vu l'quantité de bruns qu'is font!

Ch'est parel chez vousautes?

Salut Batisse

dins min coin ch't'année j'n'in vot pas gramint
que che choi des moniaux, des hirondelles n'importe quel piaf mêlme les corbiaux y ne viennent te plus trop caud trop sec peut-être
pourtant y a les rivières et les étangs pour boire et attraper la gamelle mais rien ou alors y s'cachent à l'omp' dins les forêts
je n'sait nin

Nosautes aussi in a gramint d'piafs, surtout des osieaux (jconnos nin l'race...) qui viennent minger chés fiques, ou bin avint chés chériches, infin minger ch'est un bin grind mot, j'devros dire picorer, is sont mal élevés chés osieux car is n'finissent nin cha qui ont comminché et picorent cha qui a  à côté comme si ch'étot meilleux dins l'aute assiette...
mais mi j'ai querre les intende piailler au matin, vaut miux cha que les avions ou bin les trains et les carettes comme d'ù qu'in habitot avint
In a aussi un couple d'coulons depis pusieurs années qui s'proumènent, à min avis is appartiennent à un vojin d'eune rue pas trop loin et l'été is ont quartier lipe, is roucoul'tent tout c'qui savtent, ch'est mignon, mais les brins d'coulons su l'lessife qui est in train d'séquir cha m'plait d'moinse...