Bonjour tertous
j'dos faire eun' dalle de béton,quelqu'un pourrot m'dire l'surface ainsi que le volume sachant que la hauteur est de 10cm
vlà chi l'plan ci dessous.
A part l"calcul d'eun' surface d'un rectangle et d'un carré!!!
j'ai nin jamais été fort in géométrie.

Ben min pauf Roger ch'est pas mi qui va pouvoir t'aider ! j'sus nulle aussi in géométrie.... j'deminde à min homme quind i s'ra rintré, mais i aura pet ête un spécialiste qui t'aras donné l'solution d'ichi là...

Alors Roger, v'la chi l'calcul de Toni
surface : 19 mètes carrés
volume, 1,90 mètes cubes....
valà, t'a pus qu'à comminder ch'béton ou bin faire teurner l'bétonnière... courache

A m'mote que l'dalle a pour base l'forme d'un trapésse.
Grande basse:...4,50 m
Pitite basse .......3,10 m
Hauteur.............5.m
Surface de basse du trapèsse : 1/2 somme des basses x hauteur cha donne:
.....(4,50+ 3,10) 5:19,00 m2
Volume surface de basse multiplié par hauteur ( en mète bin intindu cha fait)
19 X0,1= même résultat qu'Toni = 1,9 m 3.
...
......In n'tient pas compte des 5,70 mètes.
....J'espère que j'me sus pas foutu d'dins ou i n'da un d'l'Est qui va core bin rigoler.

Merci Martine et merci à Toni pour ch'calcul.
Comme té dis ya plus qu'à!!!

Meri pépé,in a écris in même temps!!

Citation :

In n'tient pas compte des 5,70 mètes.

commint cha?
cha veut dire qui manque in tiop peu d'surface?

Pas du tout chette diminsion n'vient pas in compte..
. J' répète
(demi somme des bases ,in haut et in bas) multipliée par hauteur ch'est l'distance qui sépare les deux basses , ichi comme ch' est à l'équerre on prind les 5m , i ara partout 5 mètes inter les deux basses.
.... Ch'est curieux, in éra toudis l'même surface in gardant les mêmes diminsions même si qu'in fait glicher eune basse à droite ou à gauche.

Cha s'vot que t'as fait cha dins t'vie,t'explique vraimint bien.
Merci Pépé

I est vrai qu'cha déroute un peu...mais...

La maison ne recule devant aucun sacrifice pour satisfaire sa clientèie.

Marcel i n'habite nin dins l'Est pépé....

Bon, à part cha, pour l'armature cha ira ou i faut aussi craculer?

Pépé i est caud, faut in profiter!!!!

pépéPéBé a écrit:

pépéPéBé a écrit:

A m'mote que l'dalle a pour base l'forme d'un trapésse.
Grande basse:...4,50 m
Pitite basse .......3,10 m
Hauteur.............5.m
Surface de basse du trapèsse : 1/2 somme des basses x hauteur cha donne:
.....(4,50+ 3,10) divisés par deux puis multiplée par 5 cha fait :19,00 m2
Volume = surface de basse multiplié par hauteur ( en mète bin intindu cha fait)
19 X0,1= même résultat qu'Toni = 1,9 m 3.
...
......In n'tient pas compte des 5,70 mètes.
....J'espère que j'me sus pas foutu d'dins ou i n'da un d'l'Est qui va core bin rigoler.

Ch'est comique, tin message que t'arprinds i n'est nin le même que le premi.

Mi tchand que je veux modifier cha que j'ai écrit je buque chu éditer, je fais min tripatouillache et j'invos, ni vu ni connu je t'imbroule, ch'est corrigé....

Infin, je dis cha...

...J'vos pas du qu'alle est l'erreur ? ? ? ? J"vos pas c"que j'ai à modifier.
...Surface du trapèze, demi somme des bases multipliée par la hauteur ? ? ? ? Va falloir que j'fesse un dessin ? ? ?
. Si té savos combin d'fos que clique d'sur éditer ? ? ?

Bon, alors je vas faire le maîte d'école....

Dins tin premi messache t'as écrit pour tin calcul (j'ai fait un copier coller): Surface de basse du trapèsse : 1/2 somme des basses x hauteur cha donne:
.....(4,50+ 3,10) 5:19,00 m2

Pour mi, 4.50 + 3.10 cha fait 7.60 et 7.60 fois 5 cha fait 38.

T'as oblié de diviser par 2...

Allez, ch'est nin grave, i ne faut nin te mettre marcel in tiête pour cha. D'ac?

.
(demi somme des bases ,in haut et in bas) multipliée par hauteur ch'est l'distance qui sépare les deux basses......
.
Pour mi la demi somme Cha fait.....la mitant d' 7m60......3m80
"""""""""""""""""""""""""""""""""""""""""""""""""""""""""""""""""""""""""""""""""""""""""
""""""""""""""""""""""""""""""""""""""""""""""""""""""""""""""""""""""""""""""""""""""""""""".
...........(4,50+ 3,10) divisés par deux puis multiplée par 5 cha fait :19,00 m2.....
-------------------------------------------------------------------------------.
Que ju avec vous z'autes....j'sus obligé dé m'donner à fond...

....Pour l'armature j'in sais rin..... J'cale! ! !
Si cha continue j'in connos un qui va avoir les dogts pris dins l'beton.

Ben ouais, ch'est cha que je dis: dins tin deuxième message qui est à priori eune arprisse du premi, ch'est bon....

Allez pépé, in va se boire eune tiote bière à nous deux hein?

pépéPéBé a écrit:

....Pour l'armature j'in sais rin..... J'cale! ! ! !

. "Toni quo qui faut mète ?"

Pour l'armature faut mête de l'férale.

. Justemint ch'est la qu'est l'pièche (piège)
J"va arfaire min malin.

L'différince inter l'fier l"acier et l'fonte ch'es l'téneur in carbone.
...........
.....Pour faire de l'fonte in ajoute du carbone au fier.
............
Si té mets du fier dins l'beton, l'fier i va rouiller, gonfler et faire craquer l' beton
....l'acier i va pas daller miux.? ?
...........
....I faut du "fier à beton " espécial" qui n"est pas tout à fait de l'fonte, qui rouille pas ln s'gonflant.., et qui est assez raite.
...J'sais pas si qu'i a du grillache à beton, i dot in avoir sans doute. Les machons is dotent pas mète du grillache à pouiller dins l'chimint ! ! !
.. I faut coper cha au burin , sur un morcieau d' rale (rail).
....
J'in rajoute eune louche.
...La rouille est une combustion lente ('sans flamme), entre le fer et l'oxygène.....sur la fonte va se former une fine couche de rouille imperméable à l'air donc à l" oxygène et bloquer la combustion interne.
......
J'ai appris cha aux Travaux Forchés quand j'étos au Goulag No 2 à By My

Bin ouais ch'est du fer à béton bin sûr, i y in a pou chez potiaux, chez dalles etc...
Mais faudra pas oublier ed faire un ou des joint(s) ed dilatation, quoique i fait pas si caud qu'cha à Hénin, mais vaut miux l'faire (tout dépind dû qu'alle s'ra l'dalle)
J'dis cha ....... hein!

. L'calcul des joints d'dilatation, cha j"sais pas l'faire. J'sus pas machon.
.

pour eine dalle faut printe du treillis cha s' vind à brico depot