Vos avez armarqué que tchin qu'in est in vagances, in va faire des promenates el soir pour profiter du paysache et pis tchin qu'in est à s'majon , in serre el glin pour erwetchi les infos au poste, in fait des lessiffes, in ringe les couets et souvint, in s'interdit ed sortir ed nou majons après minger?

Enfin, mi j'sus un tiot peu comme cha, sin ête complètemint un bonnet d'nut ( eune tisane , eune tape au tchul et au lit).

Ce soir, j'm'étos dit que j'allos aller pourmener l'quien dins les vignes après minger... pis j'ai nin eu l'courache et pis finalemint j'm'a forcée par pitié pour ch'quien qui hochenot s'tcheue.


J'ai fait foque eune paire ed kilometres, y'avot eune biele leumière ed fin d'journée, 16 montgolfières dins l'ciel que j'aros jomais vues si j'avos resté à m'majon.
Y'a des fos , je m'deminte: '' quo qui rend vraimint bénaiche?''.. ch'est des momints comme cha, d'ù qu'in a pos d'appareil photo ( ou nin d'piles ed dins) mais d'uche qu'in profite d'acouter les ojeux et d'raviser les arpes.
Ch'étot min quart d'heure romintique.

......Ch'est cha l'bonheur Mérilou ! ! ! ! Sortir de n'ornière........