Bon cha va canger à l'plache d'ête artard j'va ête à l'avinche mais comme je n's'rais pas là pour ches fiêtes j'souhaite un bon Noël et eune joïeusse fin d'année et pis j'présinte à tertous mes meilleux voeux pour l'an qui arrife

etre in retard ou in avinche, el principal ch'est ed participer;ej te souhaite bonne vacance et bonne fete ed fin d'année et meilleurs à ti pis et famille

meilleurs voeux

Parel!

T'es nin grammint à l'avinche pour la Noël. Pour le nouvel an, ouais, un tiot peu.

Tin messache is sous intind qu'in ne te verra pus d'ichi l'année prochaine? Cha serot dommache!

Allez, eune grosse baisse et à plus, in 2011 ou 2012

L' printimps i n' est pas toudis artard nan pus: La preufe.



Photo prisse i a 10 minutes ...

Du qu' in est parti ? ? ?

Joyeusses Fêtes à ti aussi, annesophie, t'armontes chez ti dins l'Nord, l'pus bieau départemint... ? dis bonjour de m'part à Denain

L' pus bieau départemint, l' pus bieau départemint, ch' est vite dit. Cha s' comprind, si vous n' connaichez pas min coin, vous ètes pardonnapes .... et ch'est core du 62 pur jus ! ! !

Hein qu' ch' est vrai les gars ? et n' obliez pas:

Quéquette in décempe

Layette in septanque Attintion, à moins que.....

(J' l' ai piqué à tiote bellotte

Tin coin ch'est nin ch'ti qui sint le pichon, qui est des fos arcouvert d'écume de mer, qui inonde, qu'in ne sait nin circuler dins t'rue, qu'i fait du vint à faire tcherre les arpes et pis tout cha?

Répète après mi: chinquante neuf!

Ch'est pour de rire hein pépé. Même les gins de Lens is trouvtent que lu coin ch'est le plus bieau du monte. A m'mote que ch'est parel pour tout le monte: i n'a rin de plus bieau que les indrots d'ùche qu'in est on a été heureux.

Allez, un bon Noël à tertous. Cha approche...

Bonjour Batisse. Ch' est vrai qu' à Boulonne quand que l' vint i est à l' Ouest cha sint l' pichon crevé. Les gind distent qu' cha sint les breules.
D' l' écume d' mer i n' d' eu un jour, in érot dit de l' mousse échappée d' eune machine à laver qui déborte mais ch' étot localisé à Audresselle.(In a pris des photos).
A Boulonne, j' ai pas caire y daller in auto, ch' est pas à causse de l' circulation mais des sens uniques...que brun...Par conte té peux passer a pieds aux passaches protégés sans risquer de t' faire écraser...même par les bèches ou les inglais.
Histoire bèche vraie.....Un gros camping car étot arrêté à l' intrée nord d' Wimereux, les gins étotent deschindus et consultotent eune vraie carte. Bon viux comme ech' su, j' m' arrête et j' leur demante du qu'is veulent daller.....Au terraind' camping. J' arguette leu carte d' Wimereux mais j' arconnaichos rin du tout ? ? ? ? Et pis, j' me sus rindu compte d' sur leu carte...que...l' nord étot...in bas ? ? Incroyape mais vrai...J' leur ai d'mandé de m' suife car is étotent pas sortis l' auberche aveuc leu gros véhicule..Ichi aussi aveuc les sens uniques, Ch' est pas du bure à léquer aveuc leu carrette..
.
L' été i a beaucop d' monte d' sur l' bord d' mer mais à deux kilomètes à l' intérieur i n' a personne d' sur ches routes.
. In pusse j' aime miux vire la mer .....
.....J' sais bin qu' té dis cha pour rigoler, in n' est ichi pour cha......Bon j' m'in va...m' habiller....
à plus....et vife les ch'tis... In chette fin d' année, j' proposse d' faire eune trèfe(trève) inter les 59 et 62 même si qu'i faut s' forcher un tiot peu...MDR

Citation :

In chette fin d' année, j' proposse d' faire eune trèfe(trève) inter les 59 et 62 même si qu'i faut s' forcher un tiot peu.

Cha s'rot bin si dins l'62, i metterotent des panneaux qui indiqu'tent l'direction du 59 pour ceusses qui arrif'tent de l'Est...

Ch'est vrai cha! In dirot que les boyaux rouches is veultent garder tous les voyageux pour in faire des touristes forcés...

Comme dirot je ne sais pus qui: histoire véritape vraie de vraie: la dernière fos que je chus armonté dins le bieau 59, je chus passé par eune route que je n'avos nin prise depuis 35 ins au moins, via Cambrai et Douai. In 35 ins cha a rudemint chingé...

Bref, tchand qu'in passe au large de Lens, i se passe eune drôle de séquo: vers Douai, ch'est indiqué le chemin pour Lille, par l'autoroute ou au moins eune route à 4 voies (eune bi route). Malheureusemint, tchand qu'in arrive dins l'zone d'influince de Lens, in s'artrouve à un noeud d'autoroutes d'ùche qu'i a toutes les directions qu'in veut, dont Arras, Calais pis tout cha. Tout foque Lille qui étot indiqué avint et que donc in sait qu'in est chu l'bonne route...

Du coup, forchémint, in prind eune direction au hasard et in se rind compte après que ch'est nin l'bonne, et in maudit les boyaux rouches et in a eune masse de misère à artrouver l'bon cheminn parce qu'in prime, is mont des sorties d'autoroute d'ùche qu'i a un pont (donc in se dit qu'in va pouvoir passer au-dessur et arpartir dins l'autre sins) et eune fos que t'as passé au-dessur de l'autoroute t'as un magnifique définse de tourner à gauche pour arprinte la voie vers l'délivrince et l'civilisation.

Trève t'as dit? Je vas y réfléchir. Duchemint...

I n' da quis font de l' résistance comme in 1945 in artournant les panneaux, ch' est pour cha qu'i faut faire eune trèfe.....
. Les 59 is s'pertent faut dire aussi qu' is sont pas futfutes... A propos, is saftent lire les 59 ? ? Lille cha s' écrit ...le...i...le...le...et... e...
Bon, in s' in va faire réveillon chez min camarate docteur...bieau garchon à madame, un demi Flamind, un ex Dunkerquois... MDR ...Dunkerque ch' est . dù ? ? . . . in .....59 ? ? ?
. J' aros fait miux de m' taire ! ! !

.=12]PépéPéBé [/size]

(\__/)
(='.'=)
(")_(")