Bonjour, cha va,
ouais cha va et vousautes ? ben cha va.
pis après in queminche seulemint à donner des nouvelles.

in ch'momint dins note coin, ch'est :

z'avez trouvé des champignons ?

alors là fot ête malin, si qu'vos répondez ouais, in va vous deminder vous coins à champignons,
alors in intind toudis,
ouais y in a queques'uns, et là vous pouvez y aller ch'est qu'in in trouffe.

i y in a t'i qui donn'tent leu coins à champignons dins tin coin?
Ichi is les gartent secret,
- "ouais i y in a par là t'as qu'à aller vire" in français bin sûr
et té peux ête sûr que té vas rien trouver in y allant.

Par ichi in impiète pas sul' territoire des zautes, attintion ! cha rigole pas.

Non quand t'intinds y en a peu, te peux aller DINS TIN COIN, te n'auras. ch'est qui y a eu inne pousse.

J'ai connu y a longtimps inne mamie qui veyot l'terre fleurir comme ale disot, ale savot qu'à ch't'indrot là y allot avoir un cèpe (sous l'terre) et ale mettot des tiots bouts d'bâtons pour arvenir l'lendemain ramasser.

Pis avec l'temps y a eu des constructions, des nouvieaux voisins, près de s'ferme, et des tiots malins qui attindotent que mamie ale passe pour arpérer ches coins à champignons et eusses l'lendemain matin d'bonne heure i z'allotent à l'cueillette.

Min homme pindant queques ans i a fait partie de l'société mycologique du coin (ch'étot un d'nous amis qui étot président), alors i allot ramasser chés champignons, infin i suivot chés anciens qui "SAVOTTENT".... pis par minque d'timps i a laissé querre l'association, mais i n'ose pus aller dins chés coins qu'i avot découvert sins eusses, d'jà j'cros que certains coins tout seu i n's'aurot pus les artreuver ! is faisottent grammint d'détour ceusses qui "SAVOTTENT"....
mi cha m'a toudis fait rire, c'secret alintours d'chés coins, mais bon j'comprinds que ch'est pou éviter l'pillache....

Mi, vu que j'y connos rin, les chimpignons je les acate in boîtes ou surgelés. Des fos desséqués, mais ch'est nin souvint.

Et le marchind i ne fait jamais de menoules pour me moutrer d'ùche qu'is sont. A l'occasion i m'accompagne même pour être sur que je trouve.

Comme quo vous habitez dins des drôles de coins là dins le sud

des drôles de coins, ? Dis donc cha r'présinte des bons revenus pour certains, au momint de l'pousse des cèpes. Cha dot arrondir pas mal d'fins d'mos , ch'est pour cha qu'ch'est un peu l'course au trésor.

Mais j'ai querre ches champignons d'Paris ! in boîte aussi !
j'in mingeros sur l'tiete d'un teigneux ! ou d'un pouilleux comme te veux
et les champignons à la grecque, tiens j'va mette l'arcette t'à l'heure

A la grecque, ch'est mis chu ch'compte, ch'est cha?

In ce qui concerne les arrondissaches de fins de mos, te ne confondros nin cèpes et truffes?

Les cèpes, je ne raffole nin, je trouve cha un tiot peu glaireux.

Les truffes, je ne sais nin. Trop quer.

Par contre, des girolles ou des mousserons (si que ch'est nin l'même séquo) dins eune omelette, ou tout seus arvénus à l'payelle, avec de l'al, ch'est bon.

Vous êtes tous des français de pure souche, hein! In n'peut pas commincher unne conversation sans qu'cha s'termine par des arcettes!, Merci la Clo! Cha m'a l'air facile à faire!

Quand j'étos in Forêt noire,Y'en a qui savottent où trover des champignons, (des français ,bien sûr, pa'ce que les allemands ne les ramassottent pas) Et ben, minme quand i partottent définitiv'mint, ( y quittottent el' pays ) i n' disottent pon leurs coins: j'appelle cha des"enf**** ed'première"!
Par contre, j'comprinds bien ches gins qui sont propriétaires ed leur terrain et à qui in pique leurs complémints d' ressources. Parfos dins l'Aveyron où du côté du côté du mont Aigoual, ché presque " la guerres des Gangs"!

In jour, avec emn'homme, nous avons été à l'cueillette. Nous avons trouvé in coin plein d'champis, in vrai plaisi!. Aveuc note life, nous avons ben observé, trié pour pas s'faire avoir. Plein in panier, in a récolté, tous dé l'même espèce. in rintrant, in est allé les montrer à in esspert avint d'les minger: Ils étottent tous vénéneux!

ej va cor m'incruster, mi les champ's ché niet ,comme les omelettes et l' pichon,les tripes l' cervelle. i faudro m' payer quer pour printe eune truite dins m' main.
té va m' dire nounours té difficile? nan
la preufe l' matin bien que ché vrai que j'em lèfe pus tard que vous autes parce qu'ej bosse d' nuit ej va euvrir eune () quand ej rinte au matin à 3 h et que'ej j'em branche sur l' site ej su tout seu. vous etes tous au royaumes des songes dins les bras de vot' bien aimé (e) . min tiot déjeuner préféré ché un sandouiche avec du camembert et d'el moutarte des fos avec des chornicons.
bon appétote mes genses

té sais nounours in peut canger à tout âche, mi jusqu'à y a 20 ans in aarière, j'mingeos pas d'champignons, j'ai comminché à minger de l'viande à l'âche d'20 ans, j'avos pas querre l'moutarde jusqu'à y a 5 ans et les olifes j'in mangent que d'pis 10 ans, i a que l'pichon que j'ai toudis eu querre.... alors i n'est jamais trop tard...

mais ch'est vrai que le casse-croûte au caminbert ch'est bon !

J'viens d'vire min nain que té connaîchos l'Aigoual et qu't'as mis dins tin profil que té restos dins l'34, bin mi aussi.
Mi j'reste du côté d'Montpellier.

Eh min nain, si que te veux être bin vue par le crapahuteux, dis i que te connos le pic st loup, que t'y vas volontiers et que cha devrot être le chinte du monte.

I va fonte... infin, ch'est eune façon de parler parce que de ch'côté-là, i a du boulot

Et in cachant bin te pourras trouver ces champignons ainsi:

ouais min nain, dis li que té connos l'pic saint loup.... in n's'rot nin surpris...


(i a que cha de hiaut dins l'34)

Nin, Tiote Bellotte, y a le Haut Languedoc et le Bas Languedoc!

Citation :

I va fonte... infin, ch'est eune façon de parler parce que de ch'côté-là, i a du boulot

Quo que té veux dire par là Batisse?

Mi?

Min nain à 13 h 53 t'as armis l'même messache que t'avos déjà mis à 12 h 03 et qui apparaissot bin....
alors j'ai supprimé l'deuxième messache...
Té dos avoir un manicraque qui fonctionne aussi "bin" que chti de Loumarcel, pace que li aussi i n'd'a des fos des misères avec sin manicraque, quoqu'in c'momint i a l'air d'bin fonctionner !

Sinon i a des "montannes" qui s'appellent l'haut languedoc et l'bas languedoc et qui sont dins l'34 ?

Nan Tiote, ch'est pas l'pus haut, i y a ch'Pic d'Anjeau, l' Caroux, l'Mont St Baudille, l'Roc Blanc qui sont pus haut et j'les connos tous pou y ête monté, mais ch'est l'Pic St Loup qui est l'pus près.
D'ailleurs el 29 juin in va y monter pou vire el lever du solèle, départ ed l'ascension : 4h30

Bin merci Loumarcel, j'savos nin, j'connos que le pic saint loup qu'in vot bin de l'autoroute qu'in in descind dins l'famile qui vit du côté d'Perpignan, faut dire qui s'arconnot bin l'pic saint loup, i a eune forme particulière...

Mi aussi,j'sus comme Tiote bellotte, jusqu'à l'âge ed 20 ans, j'avalos pas in morchiau ed' viande; D'ailleurs, min tchien i étot toudis sous m'caïelle à l'heure ed ches repas; pas d'salates, pas d'olifes( jé s'savos pas c'que chetot), pas ed fiques fraîches (idem), pas d'courgettes ( j'avos 18 ans quand on les a connues aveuc l'arrivée des "pieds noirs" qui eux les cultivotent ) Du coup in nin faisot autant mais au début, on croyot que plus is étotent grosses et miux chétot (comme des bettr'afes); Bref, chetot dégueu, is étotent toutes filindreusses!
Dé toute façon, rin n'rimplach'ra, des bonnes pétotes, du biau cresson, des bons gros artichauts bien dodus, del bonne oselle, des saurets avec du croc ou del laitance (in sbattot por minger ches yux), du saucisson ed'bidet;, En in mot tout ch'qui s'vind pon ichi!

Bon, tiote cheftaine in chef, ch'est nin pour dire, mais in dirot que t'as eune séquo contre min nain. Je tiens à préciser, pour les ceusses qui découvrirottent le forum ichi, que min nain ch'est le pseudo de quelqu'un. Que ch'est d'ailleurs eune quelqu'eune.

Bref, tiote cheftaine in chef, après li avoir sabordé s'présintation, te li inlèves un autre messache alors que, je chus sur, t'as nin bin arwetchi quo qu'i s'avot passé...

Min nain elle a des problèmes avec les citations. Du coup je suppose qu'elle fait un copier coller et qu'elle arcopie cha qu'elle veut citer dins sin messache réponse. Te comprinds?

Te comprinds? Waouh...

Alors min nain, vu que je chus un brave, je diros bin un brave 59 mais cha ferot un pléonasse, je vas t'expliquer commint citer comme i faut. D'accord? Allez, arrête quo que t'es in train de faire et acoute bin...

Tchand que quelqu'un i a publié un messache, in haut à droite ch'est écrit "citer" dins un rectangle. Te le vos, même avec tes leunettes de loin?

Alors, si que t'es au début d'eune réponse que te veux faire, que t'as incore rin écrit dins tin messache, te buques chu le "citer" et comme par magie tout cha que l'personne in question avot écrit cha s'arcopie dins l'messache que te veux mettre.

Bon, i a des codes autremint qu'ainsi auxquels i ne faut surtout nin toucher. In particulier des bazars intre crochets au début et à l'fin, du ginre [quote tiote bellotte] au début et [/quote tiote bellotte] à la fin.

Si que ch'est nin tiote bellotte qui a écrit, ch'est le nom de quelqu'un d'autre qui se met. Je préfère le dire tout de suite parce qu'in ne sait jamais avec les guernoules... elles ont eune espèce d'intuition tchand qu'in lu met eune recette sins les ingrédiints, mais tchand qu'in lu explique eune séquo d'utile ch'est jamais assez clair...

Donc, ches codes au debut et à l'fin, t'y touche nin. Mais tout cha qu'i a intre les deux, te peux juer avec comme si que ch'étot un texte à ti. Te peux in particulier coper cha qui ne sert à rin, souligner, agrindir, mettre in couleur etc les parties que te veux qu'in sache que ch'est à cha que te réponds et tout cha.

T'as compris?

Allez, essaye. Suspence mes gins.... long roulemint de timbours....

Min ordi a dû printe in coup' caud, ou pét ete que ché mis

Ouais, dins le haut languedoc ,i ya des montannes: l'espinousse, le caroux,( là, j'connos, cha monte sec) et dins l' bas, j'in connos pas:ah! si, y a le Mont St Clair, Le Mont St Loup, et Le Mont St Guiral. J'avos lu cha dins unne léginte.