. 1940.. Les Boches i z’arrifent..ch’est l’panique générale, ch’est l’évacuation…..Dins sin coron, l’zeph i avot rassemblé tout l’monte et i leur avot dit : « Camarates ! ! I faut pas s’séparer, i faut rester tertoute insannne…Faut es serrer les coutes, .j’ai un camarate ed régimint qui est pèqueux à Boulonne, i peut nous imbarquer dins sin batiau et nous inm’ner in Inguelterre.. »
…..Les v’la arrivés chez les rosbifs..
. Les Inglais les ont questionnés in arrivant pour savoir qui qui z’étotent, leus métiers, es qui savotent faire, tout cha……
. « You, job, profession, métier, ministre, ? ?
. - Non pas minisses ,nous mineurs, nous travailler mine, nous faire carbon !!!
. - Carbon ? ? Moi, no compris carbon ? ? » Finalemint i a un interpréteur qui est arrivé et tout s’a arringé, is zont été invoyés in Amérique…
……..Cha, les gins is n’el saftent pas. I avot inne floppée ed mineurs qui zétotent partis buer in Amérique…
. Nouviau interrogatoire….Quand qu’is zont comprind qui zavotent affaire à des mineurs, les Amerlos leus avotent fait des biaux corons, aveu des cabinets à chier d’sur les bartelles, des étolettes, leu avot donné des bouleuses, des caudrons, du carbon pour leus fus, tout comme chez les boyaux rouches…I z’ étotent pas dépaysés du tout, les familes ed mineurs.
…..Is sont forts les Amerlos, ch’est pas par hasard qu’is z’avotent fait tout cha,….Vos allez vire…Is ‘z’avotent même construit des tiotes fosses aveu des niméros. . . . Tous les jours les hommes is z’allotent buer, tout comme dins les corons, à pieds, in prenant tout l’largeur del route…
. ..Cha intrigot Zulma,l’ finme à l’ Zeph, tout cha, elle arot ben voulu savoir c’qui faijotent dins ches mines américaines, in n’veyot jamais d’cabon armonter….
. " Dis Zeph ? Té m’as jamais dit c’qué vous faijaitent à longueur ed journée, ichi, al fosse, in vot jamais d’carbon armonter , i n’a même pas ed terril ?
. - Ch’est un sécret, si j’t’el dit et qu’té fais daller t’lanque ed travers té vas vire arriver ches gartes, les èM Pi.
. - Les èM Pi ?
. - Ouais ch’est comme cha qu’in les appelle ichi ...T’ as jamais armarqué qu’is i avotent deux lettes blanques ed sus leus casques les gartes d’el fosse, un Meet un .Pe. ch’a veut dire Militaire.Police.
. - Pouquoi qui z’ont pas mis Pe ;Me ; ?
. - Cha trop long à t’espliquer, si t’es pales, i vont nous z’imbarquer, nous foute eune bonne raclée pis insuite i vont nous interroger, cha s’passe toudis comme cha, ichi, »
. Zulma, quand qu’alle avot inne idée dins s’tiète al l’avot pas aute part. Tous les jours al armettot cha « ..Quo qu’ ch’est vous faisez al fosse, in vot jamais un morciau d’carbon, jamais d’gaillette… ? ». Finalement, al l’a eu à l’usure. L’Zeph i a fini par…craquer, par .lacher l’morciau..….
. « Al fosse, in fait d’l’atome ! ! ! qui l’i dit in arguettant ben si qu’ i n’avot parsonne à coté d’li, qui arot pu l’intinte.…
. - D’l’atome ? quest ce que ch’est qu’cha, d’latome ? ? ? ? ? »
- -L’Zeph li a espliqué comme i a pu, qu’chétot eune séco ed super puissant, qu’les americains i z’avotent invinté, inne matière super forte, bin pus forte qu’el carbon, des milliers d’fos, des millions d’fos… Zulma, al l’écoutot aveu s’bouque toute grande ouverte..Al étot bec ed bos. ! ! Pour inne fos, elle qui avot inne intalle comme eune intrèe d’ bowette, eune intalle qu’alle n’étot pas maite, al n’el l’ a pas interrompu eune seule fos …Mais, alle buziot…, alle buziot ! ! .
- « Dis Zeph, j’pinse à quet cose, té pourros pas n’ in rapporter in tiot peu d’ech l’atome. Ravisse un peu, in ‘n’in metrot in tiot peu dins ch’fu, pu d’zoin carbon, pu poussier, pu d’chintes..Nous v’la tranquilles comme Batisse pour un bon momint…
- - In peut pas malheureuse, in est surveillés, et in est fouillés tous les jours al sortie..par les èM Pi…Is n’rigoltent pas ch’eux la ! ! ! Ch’est pas des marrants !
- - Gros malin , t’as inne dint creusse ! ! ! Mets in in tiot peu la d’dins is pourront pas l’vire ! ! ! Tes èM Pi comme té dis.
- - Petète…Ouais, t’as pétète raison, j’y avos pas pinsé …J’vas essayer d’main, in verra bin… ».
- El l’endemain, l’Zeph i rimplit s’dint creuse d’atome pindint les z’’èM Pi is avotent el dos tourné.. Au momint d’sortir del fosse, i attindot sin tour pour ète fouillé, v’la ti pas qu’ sin monster ed camarate Bolek, l’grand Polonais , i li fout eune grande claque dins sin dos in li dijant
-. « Cha va Zeph aujorrrrd’hui ? ? »….L’Zeph, qui s’i attindot pas, i avale es chique…. et l’tiot morciau d’atome qui avot muché dins s’ dint in même timps …
- …….Cré non dé non ! …V’la ti pas l’Zeph parti à toute allure à travers tous ches corons à inne vitesse ed diape….Tout l’monte i courot après li…. Les èM.Pi. aveu leus grosses mobylettes, …Pas moyen d’el rattraper…..
- ……Finalmint, ch’est core Bolek qui l’a artreuvé. L’Zeph i étot tout décomposé, assis sus l’bordure ed trottoir, tout pale…In erot dit un pipi malot (bourdon) qui arot pris un cop d’casquette….
-- Bolek s’in va l’treuver, li tappe in tiot peu d’sus ses joues pour li ardonner des couleurs, li donne inne tiote goutte ed génièfe ed sin boutlot,
- « Alors l’Zeph cha va ? ? Té t’sins mieux ?? Quo ch’est qui t’as arrrrrivé min camarrrate ? Qu’o ch’est qui t’as prrrris courrrir comme cha ?( I roultent les r ch’est Polonais)
- - Ah ! min paufe fiu, té peux pas t’in faire eune idée, in passant dins l’coron des Tro d’gueules, j’ai pété un cop, j’ai abattu tros maisonnes ! ! ! »
- .
(\__/)
(='.'=) « Saqué des dossiers inconnus : « Les zorreurs ed la guerre»
(")_(")