Crime parfait.
. « Cha va comme té veux Zeph ? I a un momint qu’ej t t’ai pas vu
. – Ouais cha va i n’a pas à s’plainte
. – Et germaine, t’finme, cha va aussi ? ?
. - Té pas au courant ? In l’a interrée l’sémaine passée !
. – Bin nan té m’escusras, jé l’savos pas. Commint qu’ch’est arrivé ?
. – j’vas t’el dire pasque t’es min meilleux camarate, j’m’in sus débarrassé ! !
. – Té vas pas m’dire qu’té…….
. – Bin si
. - Té l’as tuée ? E t’as pas été inquiété par les keufs
. – Bin nan, in peut m’accuser d’ rin ….
. – Ah ban, et té peux pas m’dire commint qu’t’as fait ? ?
. – J’vas té l’dire mais né l’répète à personne.
. – Té peux ète tranquille , j’dirai rin à personne.
. - Bin v’la, té fais cha au matin d’bonne heure, t’armets cha tros heures après pis core tros heures après et té continues tout l’jornée et même par nuit..
. – Té cros qu’cha va marcher ?
. – La preufe, au bout d’six mos, couic, l’affaire est dins l’sac et in peut rin t’dire.
. – Ch’est ban à savoir, j’vas commincher in rintrant pasque Laïte, m’finme, alle comminche à m’pomper l’air sérieus’mint. »
. Et lé v’la arparti à s’baraque.
. Six mos après, Zeph qui n’avot pas arvu sin camarate s’dit ; Va falloir que j’alle vire Nénesse, cha fait un bon momint qu’ej l’ai pas vu.
I arrife chez Nénesse.L’ pauver Nénesse, in arot dit un sac à zoches…i n’in restot pus…I ténot pus dins ses loques. In arot pu i passer eune radio in li mètant eune bougie derrière sin dos….
. « Alorse Biloute quo qu’i t’arrife…..
. - Tais te, j’‘ai fait chouque t’ as dit…tous les tros heures…..chut ! la v’la..
. Laïte traverse l’salon, eune tiote jupette blanque, eune raquette d’tennis à l’main,in érot dit eune finme esprès…eune pompeusse d’santé.
. « Bonjour mes gins§ Nénesse j’m’in vas faire un tennis, à dé…. » et lé vl’a partie.
. – T’ as vu cha Zeph, alle s’doute d’rin, i éra bétot six mos qu’j’ai comminché « tin trait’mint », incore deux ou tros jours et…couic ! ! ! Ni vu ni connu j’t’imbroule.




I in a à qui qu'cha va donner des idées.....


.



-

Té peux ète certain tiomolet qu'i n'da qu'is zont déja comminché.....dins six mos in verra l'résultat.

ché 2 voisines qui dvise su ch'querpion ! adon ,inn'a eun'qui dit a l'aute
-pale don ; cha fait un momin qu'jai pon vu rené , tn'homme ???quo qui d'vient da?
-ahh bin t'a pon su ? min povere mari bin.....i est dins'l coma ed'pu 2 moés!!
-ahhh ! et ...i'a ti du biau timps la bas ?????