Un tiot tour au d’ zeur du Cap Gris Nez


Ch’ fameux cap Gris Nez

Marquise 62


A bétot. Et ach’t’ heure Marquise (62)


Un tiot pat’lin bin tranquile.

retour à la base

Retour à la base.

OK mission accomplie avec succés.
A plus

Le Portel,hier 1erAoût 2011

L’ terrain des modélisses.
Le Portel

Ch’ est arparti pour un tour.

Par timps plus clair.

Ch' étot i a eune coupe d' années.

Au décollache et in vol diminche dernier.
.

Antoine Marie Jean-Baptiste Roger de Saint-Exupéry, né le 29 juin 1900 à Lyon et disparu en vol le 31 juillet 1944 en mission photographique avec un P38 comme celui des photos..
Auteur du Petit Prince. Pilote de guerre

(l’ avion en vol est la maquette, bimoteur électrique télécommandé)

Merci de toutes ces photos, ch'étot un régal

Alors pardon, je vas vous in moutrer eune qui ne fera nin frémir lus ovaires aux guernoules, mais comme in cause des hobbies, je vas vous faire profiter d'un des miens...

Je ne sais nin à quo qu'is ont pinsé les ingénieurs de chez citroune, mais tchand qu'is ont ***çu l'zx, is ont oblié de mettre eune trappe pour accéder aux relais. C-o-n-ç-u ch'est nin un gros mot chef.... Et pourquo que cultivé ou concert cha passe?

Et dins m'zx, depuis un momint, i a un relais qui fait criiiiiic alors qu'in li deminte rin. Vu que che criiiiic cha correspond à des tiots arcs éleuctriques, et vu que j'ai nin trop invie de mettre le fu à m'n'auto, je m'a résolu à m'attaquer au problème.

Normalemint, pour accéder à ces foutus relais, i faut démonter tout le tableau de bord. J'ai fait tout comme is ont dit dins le livre, mais i résiste et je ne sais nin d'ù...

Du coup, bloqué chu la ligne d'arrivée, j'ai démonté des séquos qu'is n'étottent nin dits dins le livre et, oh joie sins parelle, j'ai réussi à atteinte les 6 relais. Je lu ai ouvert lu vinte à chacun, in espérint vir des traces de cauffe, et je chus biec bot. Mais à ch't'heure je sais par d'ùche qu'i faut passer pour y arriver in faisint des contorsions. Du coup je vas armonter tout cha et je vas aller dins eune casse, pour in récupérer tout un jeu pour nin quer...

Pour l'instint, je peux la laisser ouverte devint m'majon, i n'a personne qui va me la voler


Les relais is sont au nivieau du pare brise, in haut à gauche, et au fond de l'boîte d'ùche qu'i a les compteurs, ch'est bouché....

arvlà le mot "séquos"..mais "séquos" cha veut pas dire "quoi" ?

t'es démonte des quoi(s) Batisse ?

Bah dis donc Batisse, t'es ravisse pas eine palet ti..quind té démonte té fait pas chamblant de rin. Et ...té sais armonter ?

Vous dallez vire, aveuc eune auto i va réussir à in faire deux ! ! !

i démonte des trucs, des bazars!, des séquos,quoi! I faut ête du 59 por imploïer des mots parels, I faut s'y faire!

Ouais, i faut un 59 pour tout démonter mais i faudra un 62 pour tout armète à plache ! ! !
Ch' t' un brisaque ! ! !
Citroïenne i va s' artourner dins s' tompe in veyant l' dallache ! ! !

min nain a écrit:

i démonte des trucs, des bazars!, des séquos,quoi! I faut ête du 59 por imploïer des mots parels, I faut s'y faire!

Hé là! Marinella elle est du 59 hein... alors duchemint à casser du chuc chu le dos de ches pauvres 59!

Cha dit, Marinella, Min Nain elle n'a nin tort, pourtint ch'est eune 62. L'traduction l'plus courinte pour séquo ch'est "truc". Je vas te dire un truc, je vas démonter un truc, t'as qu'à trouver un truc pour réparer cha, i un drôle de truc qui pousse à min gardin, ou chu min nez etc. A chaque cop te peux rimplachi truc par séquo Te comprinds?

N'aies nin peur, surtout des 62...

Bon, pour les médisints, j'ai eune mauvaisse nouvielle: tout i est armonté et l'auto elle s'a mise in route! I ne me reste pus qu'à aller faire un tour pour mettre min volint bin comme i faut tchand que je roule drot.

Dès que j'ai mis le contact, le relais i s'a mis à faire criiiiiic, alors que d'habitude i le fait tchand que cha li prind, in cours de route. Là in arot carrémint dit qu'i se moquot de mi. Pourtint, j'avos arwetchi, ch'est nin des relais made in 62 mais made in Italy!

J't'imagine aveuc tin volant ou tin guidon in l'envers, Cha s'rot pire qu'in dessin animé! Min frère ,quand i démontot unne voiture, i mettot ches pièces d'in du pétrole por les nettoïer ou les dégripper. Peux tu m'expliquer quel genre de pétrole?

Réponse à min nain: pour netchi ou dégraisser, white spirit ou essence. Dins les deux cas, et particulièremint avec l'essince, i faut faire cha déhiors et nin funquer ou faire de fu à proximité....

Pour dégripper, i n'a rin de miux que le gas oil.

Réponse à marcel:

Souvint un relais a un contact auxiliaire pour el ténir in plache.
Si qu'el contact auxiliaire a un mauvais.....contact criiiiic la ch' est l' anti crasch qu'i faut .
Si qu'i faut dépanner les 59 par internet in n' est pas sorti d' l' auberche ! ! ! !

Ch't'au soir j'ai utiliser m'n'auto pour aller faire des commissions... silince radio côté relais. Pourvu que cha dure!

Roger, t'as des relais aussi j'cros qu't'in fais collection, is font quemint eux : "tchand" ou "criiiiic".
Si is font criiiic faudra les invoïer à Batisse.

I a plusieurs esplications a sh' problème d' bruit d' relais.
...... ou bin sin moteur i fait tell'mint d' bruit qu'i l' intind pus
ou alors
.......ch' est li qui d'vient sourd ! !
.......

Cha s'rot pas les deux?

Ach't'heur qu'té mé l' dis ! ! ! Ch' est fort possipe.....

Bon, cha y est vous deux?

Euh... pépé, i faudra que te m'expliques t'n'histoire de contact auxiliaire chu un relais... Cha m'intéresse.... Des relais, j'ai jué avec cha pratiquemint toute m'carrière de service après vinte, et là, frinchemint, je ne vos nin d'ùche que te veux nous immener.

Peut-être que dins les mines is ont un machin prévu pour faire contact mais qu'à côté is mont in sécurité eune séquo qui n'est nin fait pour cha. Frinchemint, te m'étonnes chu ch'coup-là!

batisse a écrit:

Dès que j'ai mis le contact, le relais i s'a mis à faire criiiiiic, alors que d'habitude i le fait tchand que cha li prind, in cours de route. Là in arot carrémint dit qu'i se moquot de mi.!

Quo qu'ch'éto dins l'tableau d'bord de t'n'auto, un grillon ou un criquet ????