Au cap Blanc Nez i a un aute doux dingue, un Beche, i a construit un planeur d' 25 mètes à l' échelle un demi. Sur les photos in vot sin tiot garchon assisd' dins. Bin sur i l' a pas fait voler aveuc sin tiot bouchon

pourquoi in drapeau suisse sur el queue du planeur?

Ch' est l' maquette d'un planeur suisse, un Pilatus PB 4. L' vrai i est tout métallique, i est prévu pour faire l' acro.
J' ai choisi ch' modéle la pas que ch' est l' pus facile à réaliser..
Quand qu' in l' essayé, i est parti comme un grand, majestueus'mint. J' ai m' dijot "I va pas vouloir attérrir aveuc des pleumes comme cha" , pinses tu, i a des aérofreins d' sur les ailes, i s' a posé comme eune fleur.

I a été fini vers 2000, et bin Fox i est core la. Min fils i a eu 20 ans in l' an 2000 comme dins l' canchon.

Ches parsonnaches la, ch' est pas mi qu'i les a faits. Ch' est un camarate ancien mineur qu'i les a fabriqués pour décorer sin gardin, dins l' cité du 10 à Billy. Pas mal ? Nan?

Is zont l' air bénache tus les deux ! ! !

A deux construire intièr'mint deux "vrais" aroplanes exactemeint parèles.....

Faut l' faire et avoir l' moral et i faudra monter d' dins ! ! ! . ch' est pus de l' rigolate
I n' da un qu'i a déja volé moulte fos sans problème.
Train rentrant "maison".

Premiers vols, ok pas de problème ! ! !

passage train rentré ! ! !
(mi j' sus pas dins l' cop)

Min frère i a fait l'sien aussi, un bos, ch'est un "Loiret" un ULM amélioré j'cros mais i rinte pas sin train d'atterrissach' et i vole aussi.

L' père d' min copain, (i avot 20 ans d' pusse mi i est décédé ach't'heure) I avot construit un TAUPIN dins s' maison,dins l' salle à minger ! ! !Is l' ont sorti pas l' ferniète mais i n' a jamais eu l' autorisation de l' faire voler sous prétexte que ch' étot pas l' bonne colle qu'i avot imployé ! ! !
S' finme alle avot un rute moral ! ! !
Ch' est pas li qu'i l' arot piloté, i n' savot pas l' faire. Quand qu' i étot d' sur l' terrain in rigolot tout l' après midi avec li. Ch' étot un marrant...
........
Un jour, i a longtimps d' cha i avot fait un autogyre modèle réduit qui n' étot pas radiocommandé.
L' apparel n' avot qu'eune seule pale, l' moteur, à l' opposé de l' pale faijot contrepois et tournot aveuc l' rotor. Aveuc l' forche centrifuge, l' carburant i avot du maux à arriver dins l' carburateur et l' moteur i s' arrrêtot quand qu' cha comminchot à tourner.... Cha l' travaillot ch' t'h'histoire la.
. I a eu l' idée d' mète eune lonque durite inter l' réservoir et l' moteur.
et , lé vla parti, assez tard l' soir pour essayer sin truc, aveuc tous les regardants bin sur, car aveuc li ch' étot jamais trisse.
. I met in route s' moteur, l' rotor s' met à tourner et miracolo; v'la l' autogyre involé n faijant Teuf! T euf Teuf! mais, comme i comminchot à faire noir, is intindotent bin l' moteur mais is veyotent pus l' engin...
L' moteur s' arrête silenc complet..., plus rin.... puis Plouf! vla l' engin arvénu d' sur l' planète .....intact ! !
. Incouragé, i armet cha l' lend'main après midi....rebelote, teuf! teuf! involé. Moteur arrêté, sin bazard i ardéchint et i s' posse.......dins l' gardin de ch' ti qu'i avot fait eune pétition pasque les modélisses is faijotent du bruit. ! ! !
. Ch' homme la i prind l' "pièche à conviction" et i dit à d' finme " J' vas porter cha à la police" . Bon Le vla parti.
. Pindint ch' temps la, grand père i rinchent ses otieuxdins les sacoches d' sin Solex, et i s' in va treuver l' finme in question pour réclamer s' n' autogyre......
. Comme s'n' homme étot parti, grand père li dit à cheule finme, .
. " Pusque ch' est comme cha, j' vas porter plainte à la police pour vol ! ! ! "
. Ch' t'homme arvient à s' maison sans.... l' autogyre bin sur..
. L' femme paniquée li dit: "T' as fait l' ***, grand père est parti porter plainte In va ète inmerdés, va l'treuver arrinche aveuc li.."
I va treuver grand père, " J' m' escusse, j' me sus importé etc....."
. Grand père qui n' avot pas d' auto, i vénot au terrain aveuc un Solex, in mètant sin matériel dins les sacoches li répond.
" Mi, j' veux bin artirer m' plainte mais faudra qu' vous m' inmner avec vous dins vous carrette pasque mi j' ai pas d' auto....."
. Et is sont paris arcaire l' autogyre! ! ! i
. Té parles d' un cinéma, tout l' monte étot plié in quate ! ! ! ! ! ! !

Bimoteur électrique Twinstar


Equipé d' un appareil photo permettant de prendre des photos aériennes..........à basse altitude......
Déclanchement par radio depuis l' émetteur.

Mon violon dingue c'est l'origami

. Pistoulle t' as l' même cat qu' Marcel ?
. Cha dot intéresser les éfants au plus haut point ! ! !

Oui mais moi c'est chatte "un chartreux" ou "une chartreuse bien fraîche"

Est-ce que cha veut dire que ch'cat ed Lou Marcel, i est pas frais???AH!AH!AH!

L'origami, je cros qu'ch'est l'art du pliage. Si c'est cha, ché pos m' tasse ed thé, CA MENERFE!

T'as gagné, j' savos pas c'que chétot j' ai consulté Google.

L'origami cela me détend et puis je fais profiter les enfants qui sont contents d'avoir des grenouilles, des lézards et autres en papier

J' imagine les gosses les yeux équarquillés te regardant plier le papier pour en sortir des animaux! ! ! !

Premiers vols.....dans la brume.
C' est bin l' solèle qu' in vot d' sur l' imache.

Dins l'temps, in avot appris à faire des capiaux d'gendarme ou des batiaux in pliant du papier journal. Asteur, j'arrife pus du tout à les faire. In devient nonoche in vieillissant!

j' vous intinds d' ichi:" Les photos ! Las photos" Duch'mint alles arrifent"

Vue prise par le bimoteur.

Mi dins l'temps j'avos un "bi clo" mais i prénot pas d'photos.

Le viaduc intre Wimille et Wimereux


D' vant Wimereux
Par d' rère Wimille.
L' auto rouche s' ingache dins m' rue, l' rue du.......Viaduc.
L' "fleufe" ch' est : L' Wimereux....

L’colonne de la Grande Armée. In haut Napolèon qui tourne sin cul àl’ Inguelterre.

Un tiot coin d’ Wimille. Auvringhem….

Wimille eune ancienne ferme pas loin de m’ maison
Ch' est très grand Wimille, aveuc des bieau tiots coins tertoutes différints.

Camp de Roumains. Cha fait mal d' vire tant d' misère.
Un jour j' arrife près du camp. Dins ch' cas la is arrifent tertousses pour demander eune sait quoi. I avot un abri fait de bric et broc, sort d' la eune jeune finme aveuc un nouvirau né......alle li donnot à boire aveuc un tiot bibron ! ! ! Que malheur ! ! !
. Un aute jour, j' avos "eune surproduction d' tomates". J' arrife au camp intouré d' eune nuée d' gosses. J' appelle eune finme pour li donner l' paquet d' tomates, J' les avos mises dins un paquet un carton. Les gosse is zont déquiré l' paquet et is zont mingé les tomates comme des galafes. L' finme alles n' a pas eu ! ! ! I n' d' avot pus........
Que malheur ! ! ! J' aros brai ! ! !

.

Le château d’ Hardelot


En restauration.
PépéPéBé
(\__/)
(='.'=)
(")_(")

Un tiot tour au d’ zeur du Cap Gris Nez


Ch’ fameux cap Gris Nez