Hier au soir, me v'la à station service pou faire l'plein d'essence de l'carette.
Comme chés pompes avec passache in caisse étottent tertoutes prises, j'sus allée à l'pompe 24/24.... Arrivée devint l'pompe j'réalise que j'me sus jamais servie à c'ginre d'pompe, mais in m'disant que j'sus pas pus bête qu'eune aute et qui faut sins doute simplemint suife chés instructions, j'me lance dins l'avinture...
Tout va bin jusqu'au momint d'ù que l'dame muchée dins l'pompe me deminde de cujir c'que j'veux mette et me vl'a in train d'appuyer su l'écran su l'ligne de m'n'essence.... la dame "merci de faire votre choix" (ou quette cosse ainsi), mi j'appuie d'pus bielle su l'écran in pinsant que j'avos pas appuyé assez fort.... rebelotte !, mi, comme chi la dame m'intindot "bin cha y est j'ai cuji !"... Jusqu'au momint d'ù que j'm'aperçois qu'i y avot un tiot clavier numérique et qui fallot buquer l'numéro qui étot inscrit après sin choix d'essence su ch'clavier.... J'pinsos que chétot un écran tactile !
J'comminche à rire, in m'disant "t'es vraimint bêbête m'file" tout in ravisant autour d'mi, des fos qu'i arot eu eune caméra muchée et que j's'ros passée au zapping de l'télé dins l'catégorie "spéciale gourdes" et là j'vos l'monsieur qui étot dins l'file derrière mi m'raviser d'un drôle d'air, i a du s'deminder qui ch'étot l'fofolle qui riot toute seule devint eune pompe à essence...
Peut ête qu'i a cru que l'dame muchée dins l'pompe m'racontot eune garlousette :
"Mesdames messieurs, grosse promotion à la station service, pour tout plein d'essence, une histoire drôle offerte"....


Infin tout cha, cha a bin fait rire à l'majon !

mi j'ai eun'auto avec un GPS , eh bin ché parel, ya eun'louloute kié muché a coté deuch'moteur!!


ahh ma pauf'tiote bellotte, d'u kil est ch'timps ou l'essence yéto a 1 franc 50, et surtout y'avo ch'pompiste ki diso: el'plein madame??? ch'éto pu simpe heinnn !!!!

Cha ch'est bin vrai (comme dijot la mère Denis !), in pus i n'd'avot des mignons des pompistes.... pis in avot des tiots bons, qu'in collot d'sus eune feulle et au bout d'un certain nompe d'bons in avot un cadeau... ou bin eune bande dessinée.
J'me souviens qu'eune fos avec des tiots coupons Fina (cha n'dot pus exister cheule marque ??) in avot eu eune bouée bleue et blanque, j'l'arvois cor !

T'avos cor jamais fait l'plein à eun' station 24/24, ch'est pas croyape, i in a pas dins tin coin?
Ch'est cor des pompes à bras avec deux vases in verre au d'sus qui s'vitent au fur et à m'sure que cha coule dins tin réservoire.
Cha existe cor chés pompes là?

Ben j'fais pas souvint l'plein (ch'est pus souvint Toni) et quind cha m'arrife j'le fais quind j'vas faire mes courses et à mon Edouard jusqu'à présint i avot pas d'pompe 24/24, ch'est un tiot Edouard.... mais bin sur in ville in a plein d'pompes 24/24, i dot y avoir au moins 10 stations services sins compter les pompes d'Casingues, Carrouf market, Lideule et j'in passe, mais mi j'ai quer min Edouard, ch'est à 5 mn de l'majon...

tiote bellotte a écrit:

Cha ch'est bin vrai (comme dijot la mère Denis !), in pus i n'd'avot des mignons des pompistes.... pis in avot des tiots bons, qu'in collot d'sus eune feulle et au bout d'un certain nompe d'bons in avot un cadeau... ou bin eune bande dessinée.
J'me souviens qu'eune fos avec des tiots coupons Fina (cha n'dot pus exister cheule marque ??) in avot eu eune bouée bleue et blanque, j'l'arvois cor !

mi j ai pon eu d'bouée!! mais in'a eu des verres pi des assiettes avec chés points total; pi tu peux y'aller ch'étoé du solite!!incassape

ar'marque eun'bouée mi j auro bin aimé ,cha m'auré servi comme j'éto a berck!!

ah bin c'est sur qu'alle t'aros été pus utile, pace que nosautes l'année qu'in a eu l'bouée in allot in vagances.... dins les Vosges.
Ch'est pou cha que j'me rappelle de l'bouée !

Ch'éto à vinte sur ibé...

Ben cha alors !!! i n'd'a qui sont conservateurs !

Tiens i a des grades dins chés bouées ? pet ête :
"nageur débutant"
"nageur in progrès"
"nageur qu'avec chés pids"
"nageur, j'fais c'que je veux et j'veux faire vir m'bielle bouée à tertous"

Bin mi à un' pompe 24/24, un' fos, in arrivant j'cros qu'j'ai sauvé un' tiote vielle (parc'que les vielles elles sont toudis tiotte) d'une crise cardiaque ! En m'veillant arrivée elle a v'nue vers m'carette : "Dites m'dame, j'ai fini d'printe d'l'essince et l'manicraque i veut pas m'rente e'm'carte !" "Ah bon que j'li dis" pour m'donner l'timps d'réchéflir "Vous avez mis d'l"essence ?" "Bin ouais" "Et l'manicraque i vous a pas rindu l'carte avint de l'printe l'essence ?" "Ben" qu'elle me fais in fouillant dins ses poques. Et quo qu'elle arsort ? S'carte ! Bébébé, elle étot fin heureusse, elle m'a armarciée un' bonne dizaine ed fos in artournant à s'voture et j'me sus dit : Cha t'arrivera pitête un jour à ti aussi m'file !"

Mi, dins les premiers temps de chés machines parlantes, j'me suis engueulé avec la dame in question, pasque,
je l'intindos bien, chette garnoule sauf que mes réponses alle correspondot'tent jamais à ses questions...
jusqu'au momint où, in colère, j'ai ceumminché à y dire sin cathéchisse, et que ch'est ch'l'homme qui étot à l'pompe ed'derrière qui m'a espliqué...
Faut vous dire que j'ai un tiot problème d'orelle, j'intinds que d'un côté, l'gauche alle veut pu rin savoir...M'bonne orelle étant du côté de s'pompe, à ch't'homme, ch'est s'bonne femme que j'intindos, enfin l'bonne femme de s'pompe, vu que li y'étot célibataire, et pon l'mienne, enfin chelle de m'pompe, vu que Thérèse alle étot nin là...

Donc, si j'ai bien tout suivi, tiote Belotte, t'as mis t'bouée in vente sur hé-bé, et y'a ine vielle qui cachot après s'carte pour l'acater..... Et combien qu'y touche ch'chef à pleumes sur l'transaction ?