ouais ch ' bureau du chef y est pas cor ouvert à 7h30 , in tout cas j a pas vu d' leumière dins ch' bureau ni dins l' cuisine à coté, am' mote que Roger i do cor dormir , et j' va pas l imbeter à cht heure chi mais y a un truc qui m' trotte dins l' tiete d' puis hier au soir

ché ché zistoires d' points, pasque j' comprenno pas pourquoi que Marie Claire ale avo pas beaucoup plus d' messaches qu' mi et beaucoup plus qu' moins qu' mi , a m a expliqué que chéto aussi fonction du nompe ed messaches créés.

alors , sans juer l avocat du diape, vous m' connaissez, vla l' question que j' voudro poser :
commint qu on pourro m' rattribuer des points vu que hier j a écrit pas mal sul' site mais sous le pseudo de Marie Claire ?

est ce que vous pourriotte artirer des points à Marie Claire et m' in n' armette sur min compte ?

est ce que j' pourro pas avoir des "bons points" que j écris asteure dins les bonnes rubriques ?

j attinds pas eune réponse dins l' mineute, va falloir ,j' m in doute que l' grand consel i s' réunisse
mais bon si vous pouvez pas canger les points , j' le comprindro vu que l informatique ché compliqué, mais si j' pouvo avoir un porte clef, un pim's , eune médale ....

Taratata, ch'est nousautes qu'in devrot avoir drot à un pim's ou un alka selzer.

Au liu de Minloute te devros printe Absinthe comme pseudo.

Ch'est eune séquo qui rind maboul.

Au fait, ch'est quo ches points chef? Commint que cha marche? A quo que cha sert?

T'as vu Batisse, t'as écrit 2 fos à 2 minutes intre tes messaches et t'as toudis l'même nombe ed points !

Ben ouais.... te sais à quo que cha sert ces points ti?

Je chus peut-être arrivé au maxi qu'in a drot.

Ah ben non, je n'd'ai gagné deux ichi....

Et incore un!

faudro limiter Batisse, pasqu i est capape d' faire des sujets à un mot pour récuperer 1 point, mais fais pas la course Batisse, t as vu in a perdu ach' dernier concours et pourtant in a participé, mais bon nous in s a amusé ché l' principal

A quoi cha sert chés points?
j'ai eun' télé écran plasma 1.07m qui traîne din min garage que j'ai acaté in promotion,et vu quelle est trop grande pour min salon,j'me suis dit , tiens!
si té l'offros à chti lal qui aurot plus ed points à l'Saint Valentin,cha férot ti pas un bieau cadeau pour sin coq ou s'glaine!!
Nan vous révez là!!
chés points ichi servent à rien, cha pourrot éventuell'mint.
j'les avot laissé, in m'disant qu'cha va intriguer!
cha avot déjà fait tilt à Marie Claire, "elle vot tout elle!"
maint'nint qu'vous savez, j'vas les désactiver.
pour l'comptage des points: chétot 3 points par sujet mis
et un point par message

bin mi aussi j'me sus amusée à faire c'concours, pis in pus j'me sus "instructionnée"

pou chés points vos avez rin compris chés cos, ravisez, mi j'ai moins d'messaches que Batisse mais pus de points qu'li bin ch'est pace que j'sus sache mi, si, si........... et pis que j'raconte pas d'cacoule (ravisez m'n'auréole :twisted: )...
sérieusemint ch'est pet ête l'nompe d'messaches dins l'pus d'rubriques différintes..... par eximpe j'ai moins d'messaches que batisse mais j'ai du écrire dins pus d'rubriques que li .....

bin valà, l'timps qu'j'invoe min messache, roger i a répondu....

A m'mote que les points ch'est arprésintatif de l'babelle des gins.

Et là, ch'est nin pour dire, mais cha m'a l'air normal que te soches in tiête, loin devint tertous.

Tiote Bellotte mais Grinte Babelle!

Ben pourquoi té les artires Roger, ch'est mie génant chés points, et même que j'sus d'accord pour que t'in rindes eune paire des miens à minloute passque i a bien acouté c'que j' li a espliqué, etd'après c'que j'vos ch'matin i a bien compris aussi , même que ch'coup chi i s'a présinté dins présintons nous Bon d'accord j'sus aussi un bon professeur

T'as surtout du mérite.

D'autint que d'après cha que j'ai compris, i t'a vudé l'mitan du contenu de tin frigo.

que té cros Marie Claire, qu'Minloute s'a bin présintez din l'catégorie "présentons nous"
Ch'est mi qui est passé par là!

j'su un eternel incompris

batisse a écrit:

D'autint que d'après cha que j'ai compris, i t'a vudé l'mitan du contenu de tin frigo.

Ben té sais j'a core ed quoi ed quoi minger tout l'ouiquend , pis i reste même des profiterolles

Si que je comprinds bin, l'incompris i ne savot pus dire flip.

Batisse i fout l' brin nan pas pour fout' ech' brin mais y a passé à 96 points ............ mais mi at' plache j' jouero pas ach' jeu là te sait

vaut miu faire del qualité que del quantité ché pour cha que ché toudis les garnoules qui ganent à ché jux ou à chti qui va faire l' plus d' messache, in a perdu d avinche j' te dis

et cor pour et' dire qu in est surveillé ichi , ravisse quand que té postes eune question , in d'sous d où que t écris tes cacoules ché écrit j ouffe les guillemets

"Désactiver le BBC code dans ce message" mi am' mote que l' site i do et' arlié à la BBC et que les amécains i zont eune base in angleterre du qui étudient tous les messaches téléphoniques et internet qu in écrit in europe, cha ché pas del conn'rie ché dans l' sut ed l' angleterre, j 'te dis t écris" ben laden "comme cha au miyeu d un sujet , te peux et' sur que les alerteurs inglais i s' mettent in route et imagine ichi l' tiete du service américain, in va dire Bope et Robert (cha veut dire l' meme cosse, mais ché nous "bope" cha veut dire "capio ridicule que te met sut' tiete dins l' montée du ballon d' Alsace in passant par Thann) , bon imagine ché deux zespions américains, qui zessayent d' traduire l' phrasse, qui metent in route tous ché décodaches d' lanques du monte : in iranien, in albanais, in cherokee, in mandarin , et que pour eux ché eune enygme i zarriffent te pas à traduire, attins j' va les aider "hello mes gins , min name is Minloute and Batisse is min friend of the 59" là te peut et' sur que pour eux cha va leu faire peur .....

Ch'est vrai que des fos te fais peur...

Mais bon, je t'aime bin quind même. Et pis t'as de l'chance, ch't'année j'ai pris comme résolution d'essayer de sortir un boyau rouche de sin carcan. Je t'ai choisi ti... je dos être aussi maboul que ti