In est le 15 jinvier, et arwetchi quo que j'ai trouvé déhiors à côté de min garache....


Les espécialisses is diront que ch'est normal, mais mi je ne chus nin un espécialisse - loin très loin de là d'ailleurs - foque un être vivint à peu près normal. Et de vir cha, cha me rind tout bénache!

Ch'est des jonquilles cha!
pis i sont déjà bien l'vés,justemint ch'matin j'ravisos chés arbres, in vot déjà des bieaux tiot bourgeons vert,mais nin d'jonquilles ni tulipes...

Ch'est des jonquilles? Ah bon. Armarque, ch'est possipe. Je pinchos à des perce neige, mais t'as problemint raison.

Si que j'y pinse, je te dirai l'couleur des fleurs.

In fait comme cha?

ch'est des fleurs blaques ou jaunes

blanques

Et si c'est des Narcisses, cha rime avec Batisse

Pour l'instint ch'est des tiots rejets, cha rime avec Roger.

Ch'est nin que je fayotte hein Roger, ch'est foque je j'ai nin trouvé de rime qui alle avec tiote pousse...

mérilousse?

Je pinse qu'avec pousses vertes, i arot eu moyen de trouver...

Des jaunes ou des blanches...

Ah les narcisses !! début du printemps.... chic chic chic !
Chez mi aussi les tiges sont sorties d'tierre, mais va cor falloir attinde un peu peu avint d'les vir fleuris..

Pour arpinde l'titre du sujet,... "cha devint bon" aussi pou nou orchestre...
J'm'esplique : d'pis 6 ins in fait un concert espécial nouviel an, avec valses, polkas et marches, majoritairemint des frères et père Strauss à l'occasion des voeux du maire de nou commune...
L'première année in a jué dins un brouhaha indescriptipe, au milieu des "ah bonjour, commint té vas, i a du monte aujourd'hui", et "quo qui deviennent tes infants"... ou bin "z'avez vu l'buffet i a quo d'faire"... bref, à l'fin du concert in s'demindot bin pouquo in avot passé deux mos à répéter... i avot bin queques personnes pou faire des "CHUT" mais cha n'avot servi à rin...
Pis d'année in année, l'brouhaha diminuot et cheule année pou l'première fos, in a jué dins un silence presque complet, pou eune cérémonie ainsi ch'est pratiquemint impossipe d'faire silence total, cha in en est bin conscient, bin j'peux vos dire que cha nos a fait grammint plaiji, in étot les premi surpris et in s'est dit que cha y étot, les gins avottent infin compris qu'is pouvottent quind même attinde eune demie heure avint d's'interpeller... l'salle des fêtes étot rimplie à rabord, i a même des gins qui n'ont pas pu rintrer !!!
Pis l'après midi in a fait l'même concert, pus étoffé pou l'unicef, là, l'intrée étot payante, in avot fait de l'pub, mais in savot pas combin d'monte allot venir pisque ch'étot l'première fos qu'in faisot un concert ainsi, un samedi après midi, payant in pus (bon les sous étottent intièremint pou l'unicef, nous in fait cha pou rin, mais quind i faut payer eune intrée, i n'd'a toudis pou treuver qu'ch'est trop quer) et là, mes gins, bonne surprisse, 150 intrées payantes (ch'étot gratuit pour les jones), un public hyper attintif, un silence total.... du cop in étot hyper concentré et in a fait un excellint concert, dins les meilleures conditions possipes, bref, mes gins, que du BONHEUR !!! Dins des cas ainsi in s'dit qu'in est récompensé des efforts que cha nos a demindé, pace qu'in fait tertous cha in pus d'nou traval....
Alors mi aujoud'hui, j'sus SUPER HEUREUSSE !!!

Ouais, l'impolitesse des gins qui n'sav'tent pas fermer leu bouque quand qui y a des musiciens qui juttent, ichi ch'est souvint minme quand ch'est ch'maire qui présente les voeux d'la mairie i in a toudis qui pal'tent.
J'vous dis pas à l'fête des écoles ch'étot cor pire, quand Solan?e alle faisot canter toute l'école, j'allot souvint dire à chés gins de s'taire, souvint cha plaisot pon, mais j'm'in foutos j'étos pas parints avec eusse.