bon .réveillon a tous et meilleurs voeux pour l'année 2011

Parel pour ti ch'duc!

Quo qu'ch'est qu'in peut te souhaiter?

In premi d'avoir un minimum d'innuis de sinté vu que t'as déjà eu puq que tin compte à ch'sujet-là.

In deuxième de réussir infin à dompter ch'satané internénette et les misères qu'i te fait pour mettre tes photos. Comme cha te seras fier de ti et in pourra profiter de tes clichés très couleur locale.

Pour le reste, rin que du bon aussi.

Allez, à plus. Ch't'au soir je me fais un tiot régal: des tripes avec des frites que je vas faire cuire dins eune huile de friture toute neuve de ch't'aprème!

Avec un tiot rouche de touraine que je ne savos même nin qu'i étot à m'cafe. Incore eune que les alleminds is n'auront nin, comme i dijot min grind père!

Après, je vas profiter d'eune partie du cadieau de noël que j'ai archu de min garchon: l'intégrale des pestaques de François Pirette. Cha fait 12 dvd in tout. J'in ravisse un de timps in temps et je vas probablemint in raviser 2 aujord'hu. Ch'est un rute gaillard. I est souvint au top tchand qu'i fait le vieux (Amédée).

Allez, à plus et bonne soirée!

Oups, j'ai oblié: eune bonne année à tertous et au site hein...

bonnes fetes de fin d'année à tertous, mais surtout eune santé, ché l'principal! l'reste.....!!!

JOIEUX REVEILLON à TERTOUS.

MEILLEURS VOEUX DE BONNE ANNEE 2011.

acht'eure yé l'heure d' comminché d' mingé.

merci batisse,pour em santé cha va ,pour mette des photos y à min biau frère , y dot venir em faire vire,ed pis deux ans d'ichi ch'est première année que j' fait noel seul à seul avec em femme sans maladies ,ni hopital et bien sur mes quiens que j'adore, l'année 2011 au mois ed mars operation de l'aorte cardiaque ,mais ej vaisetre optimiste ej sus increvable , allez mes gins bon reveillon et surtout bonne année,à minuit ej pinserais à tout le monde , ej vait boire einne bonne coupe ed champagne, batisse ànoel ,j'ai pinsé à ti j'ai fait inne raclette spécial e avec in blanc sec d'alsace pis du fromache d'alsace,in vrai bonheur!!!!!!!

T'as fait eune raclette au munster? T'as peur de rin ti... Ch'étot du munster assez jone ou du qui marchot tout seu?

Je ne chus nin étonné que cha soche bon! Quo que t'as bu comme vin d'Alsace? Si que te l'avos acaté à Lidl ou à Ed, i a eune tiote chince que ch'est du que j'ai livré... i est loin d'être mauvais.

Et comme charcuterie, quo que ch'est que t'avos trouvé?

In arvénint de Gelbique après la Noël, avec m'file et min garchon in a décidé d'aller minger au resto tout près d'ichi, vu que dins min frigo cha chufflot le vide...
M'file elle rêot de l'carpe frite et min garchon de moules. Cha a fini qu'i avot nin de moules. Par contre tchand qu'in a rintrés dins le resto, i avot des gins qui mingeottent eune raclette rudemint appétissinte. In a commindé cha aussi et in a fait fin bonne chère. Pour cauffer i avot eune espèce de brasero avec du carbon de bos tout rouche, comme pour les barbecues. Et comme bazar pour faire fonte l'fromache, ch'étot des tiotes poêles d'eune quinzaine de chintimètres de diamètre. Vinguette, t'in mets des bouts de fromaches là-dedins. Ch'est eune autre séquo que les tiots bazars qu'in a à l'barraque pour le machin électrique. Et pis cha cauffe rudemint vite...

Ch'étot bin. A m'mote qu'in l'arfera parce que tertous i a bin aimé.

In puq les pennes tierre étottent servies déjà épluchées. Un rute soulagemint cha. Ch'étot des parts à l'alsacienne mais l'serveusse elle avot dit que ch'étot à volonté. Eh ben rin qu'au premi tour in ne savot déjà pus dire flip.

bonne année nouvelle à tous

J'viens d'rintrer et j'ai passé eun' bonne tiote soirée,pétotes à l'iau avec in tiot maroille et un bon tiot pinard de Bordeaux,j'me suis bin régalé.

J'vous souhaite eun' Bonne et Heureusse Année 2011

Surtout eun' Bonne Santé, cha ch'est l'principal
et duchemint sus l'champanne

bonne et heureuse année à tertous
nosautes après eune tiote pièche d'théâtre rigolote à Lyon, in est rintré bin sagemint à l'majon, et in a dégusté des fruits secs -cacahuettes, amandes, nojettes et coques (habitute d'min homme à s'majon quind i étot tiot)- avec eune tiote copette d'champanne
alle est pas bielle la vie !
pis in a quéhu in zappant parmi plein d'émissions sins aucune originalité su un concert de Sting, sur Arte, inregistré in Allemane in septimpe, accompagné avec un orchestre philharmonique, un pur bonheur... vl'a eune année musicale qui comminche bin....

:annee6: BONNE ANNEE 2011 à tertous, surtout un' bonne sinté et un' pinsée particulière à tous les ceusses qui vont dev'nir "pinsionné" ch'année......cha devot ête min cas mais j'va devoir attinte 2012 !!!!! mais tout va bin tint qu'in a l'santé et l'plaiji d'rigoler avec les autes :annee5:

Un' pinsée particulière à nous grand chef à plumes et s'plumette :annee6:

cha y est in est in 2011....l'année dù que j'vas arjoindre l'cercle des pinsionnés.
bonne année à tertous!!
hier au soir, j'avos fais un repas essintiell'mint ch'ti aveuc des recettes d'min grand life archu comme cadeau à Noel par m'n'homme (ché un fin li....)
quand q'j'arai deux minutes, j'mettrai quéques recettes su ch'forum

Ch'est mi qu'me vlà, pour souhaiter à tous les pinsionnés , les futurs pinsionnés, les jeunes, les viux; les tiots les grinds, les cliques à z'oches et les z'en chair, les guernoules et les hommes, les bertonneux ( y n'd'a nin ichi) et les moqueux d'gins eune bonne année 2011 aveuc tout cha qui faut pour ête heureux = amour amitié sécurité solidarité santé , humour, paix, assez d'doupes pour bien minger s'cauffer et s'acater des botines....pour aller marcher et s'émerveiller de tout cha qui est bieau déhiors
Loin des cotillons et des serpentins, j'vous souhaite tout cha qui faut d'authentique

In va cmincher par eune grosse baisse ed mi... tcheu cadeau hein?

T'as essui t'bouque?

bin non te sros nareux d'avir un tiot peu d'bave de t'tiote soeur su t'guiffe?
T'as oublié les visses matantes qui piquent qu'in allot faire des baisses mouillées au nouvel an?
Ch'étot cher payé pour avir nos étrennes mais y fallot y passer...

Te fais l'dégouté aveuc m'bouque qui berlaffe et qui veut t'faire eune baisse amiteusse pour cminchi l'année, mais te supportos cha pour tes etrennes hein?
Te pouros dire comme l'cat de Geluck y dijot : '' Mi je n'sus nin mercantile pour 2 sous.. mais pour beaucoup plus''

Allez, j'souhaite eune année prospère à tertous et sin cat

Ha! pis nou hier... tertous y dit cha aujourd'hu '' Ha) pis nous hier'' mais personne y ose dire cha qui a fait hier
Y'a que tiote belotte qui a dit: ha pis nous hier in a été vire eune belle piche ed théate et in a mingé des gauques
Et pis Batisse
Ha pis nous hier , in a ravisé des dvd d'Amédée ed François Pirette in mingeant des tripes à la friture
Ha pis nous hier.....

Mamère... les visites des étrennes.... cha comminchot fort pour les parints... à 8h30 au matin cha partot avec les "allez Arthur, te prindras bin un tiot porto? Et les afants, eune gauffre?". A m'mote que les gauffres immangées d'eune année elles arsortottent l'année d'après.

A défaut de porto l'punition ch'étot le café... du vrai goudron tellemint qu'i étot noir et épais.

Et mononque Alfret qui crachot dins sin pipperware trinsparint... mamère...

Comme te dis, in les méritot nous 2 francs!

Finalemint j'ai nin mingé mes tripes! A m'mote que j'avos forcé chu les cacaouettes à l'apéro et j'étos comme un tiot peu barbouillé.

Du coup j'ai mingé un reste de cuisse de dinde avec des chicons cuits. J'ai fait fin bonne chère aussi. J'ai été à min lit à 1h00

eune bonne année à tertoutes et à tertous santé,,prospérité et de bios bébés pour la fin d' l'année.
heu, ej cro qu'in est in peut trop viux pour procréer.à part peut ete tiote belotte

A min tour d'vous souhaiter inne bonne année
à tous ceux qu'vous avez querre
bonheur et santé.

Eune bonne et heureusse année 2011 à tertous Sinté et bonheur pour mes camarates ed l'arnitoile et pis leux gins qu'is leux sont querres

Cha va Marcel?

J'cros qui a oblié d'buquer sur sin clavier avint d'invoyer ou alors......i a eu un besoin urgent d'partir ou i a invoyé sin message in écrivant noir sur noir !