Cha se passe pindint l'émission "qui veut gagner des millions".

I eune guernoule qui arrife in finale. Je ne dirai rin chu l'couleur de ses cavux et chu ses argumints naturels. Elle a déjà gagné 300 000 et jue sin va tout pour l'dernière étape. Tertous dins l'salle i crie comme ch'est écrit chu les panneaux: "le million, le million".

L'présintateux - ch'est Foucaud? - i li rappelle qu'elle a le choix: ou bin elle abindonne là et arpart avec 300 000 ou elle armet cha in ju et si qu'elle perd elle n'arpart qu'avec 38 000 ou eune séquo ainsi.

La foule arprind "le million, le million, le million" et elle dit au présintateux, après avoir bin pris s'n'haleine qu'elle y va pour le million.

Question: parmi les ojeaux que je vais citer, lequel ne niche nin dins un nid: le moinneau, la grive, l'agache (l'pie) ou le coucou?

Elle réfléchit et elle dit, assez surte d'elle: le coucou!

Gros cinéma du présintateux pour la déstabiliser mais elle reste chu s'position: le coucou!

Le présintateux fait durer le suspince et dit que la bonne réponse est... le coucou!

Elle impoche sin million et s'in va fiêter cha au resto pis in boîte, avec eune copine à elle, qu'elle a des cavus assez dorés...

A un momint l'copine elle deminte commint qu'elle étot si surte que l'bonne réponse ch'étot le coucou.

Et l'autre elle li répond: t'es biête ou quo? Chacun i sait que les coucous cha dort dins les horloches.

J' parie m' tiète conte un camembert que l' prétintieux i savot même pas qu' les coucous is dortent dins les horloches ! ! !

Ch'est qui l' "prétintieux" ?

Mi j'connochos l'réponse que passe qu'à Triberg intre Fribourg et Strasbourg i a toute eun' vallée dû qu'is font des coucous et des grosses horloches comme des comtoisses mais in pus soffistiqué, et j'ai failli dormir dins ch'coucou l'pus grand du monte, is avotent fermé l'porte avant que j'seuche sorti.
V'là chi eun' comtoisse moderne

lL' prétintieux ,...l' Prétintieux ?.....mais l' présintateux ...bon sang..mais c'est bien sur ! ! ! I m' ménerfe ch'ti la ! ! ! !
. In devrot pas avoir l' drot d' juer pour des sous ! ! ! !

Loumarcel a écrit:

j'ai failli dormir dins ch'coucou l'pus grand du monte, is avotent fermé l'porte avant que j'seuche sorti.
V'là chi eun' comtoisse moderne

Ch'est eune histoire à dormir debout t'n'horloche!

T'es malin aussi tisaute d'être intré par l'porte de l'trappe du plus grind coucou du monte... I faut toudis que t'escalades ti, i a rin à faire.

Alors ainsi l'porte elle s'a arfermé chur ti? Te t'imagines in train de faire coucou tous les quarts d'heure in hochenint tes bras?

Solan?e elle arot pichi à s'maronne de rire énon? Mi aussi si que j'avos été à s'plache. Misère...