André
Sexe : Date d'inscription : 23/12/2009 Messages : 71 à 2 incâblures de ch'Mont St Michel
| Sujet: Y s'appelot Joss Dim 12 Déc 2010 - 12:53 | |
|
Quand j'ai appris qu'un d'mes amis avot perdu s'tiote chienne (ech' mot n'est nin exact alle s'appelot Shirley...) j'ai écrit cha d'un trait, des souvenirs vénant tout d'un cop fraiquir mes yuxJ'osos nin l'invoyer, et d'mindais des avis. Et parmi chés réponses v'la c'qui m'a décidé.
"cha fait un bien énorme de consacrer de son timps à composer eune séquo le plus bieau possipe pour un être cher et disparu. In puq, de timps in timps in peut aller le relire et, par le mouillache des ys et le serrache de l'gorche, vir commint que l'cicatrisation elle évolue, parce que même si que l'blessure elle est hyper profonte, i faut bin qu'eune cicatrisation elle aiche lieu si qu'in veut continuer à vivre à peu près normalemint".
Cha ch'est pour ti, Ami
Y s’appelot Joss…. Quand in est tout gamins Tout geignard dins sin berche Après bien des ar'cherches, In nous offre un tiot quien Li, y’est in caoutchouc, Nous ravisse d’un drôl’ d’eul, Fait « ouin ouin », ch’l’épagneul Quand in l’presse tout partout Pu viux, in veut un vrai, Ch’est pratique pour saquer, Quand des fos l’neich’ alle quait, L’luge par nous viux préparée Adultes, aveuc raison, In pinse sécurité, Cha s’rot bon, pour nous garder Qu’ un quien vive à l’mason Mais vite, ch’est l’amitié, Quand, chés gosses involés In s’dit : «ch’qien faut l’rintrer, Aux pieds, à l’queuminée » Alors, ine nouvelle vie, Faite ed’compréhinsion Devient vite ine passion, Autant pour nous qu’pour li, Mais, z’années vont passer, Tout duch’mint in vieillit Et cor pu vite pour li, Et in n’peut pu l’aider. Alors y vient l’momint Où faut de l’volonté, Où ch’véto faut app’ler, Malgré tout sin chagrin. Y’ voulot pas qu’in l’touche, Dins mes bras je l’ténos, In caressant sin dos, « ch’est rien faut pas qu’té bouche! » Ch’est seule fos qu’j’y ai minti, Et j’vous jure qu’aujourd’hui, Après deux ans et demi, J’ai toudis cha in mi Au pied d’un grand sapin, Chez m’fille y’est interré J’vais y d’minder pardon…. A chaque fos qu’in y vient , J’ai biau ar’ceummincher, Bin jamais y m’répond…. Ch’est cabochard, un labrador…. |
|
Matante
Sexe : Date d'inscription : 28/12/2009 Messages : 781 au Nord
| Sujet: Re: Y s'appelot Joss Dim 12 Déc 2010 - 13:03 | |
|
Ch'est biau ches souv'nirs qui armontent...même chi ch'est triste, ch'est bin écrit . |
|
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Y s'appelot Joss Dim 12 Déc 2010 - 13:27 | |
|
A m'mote que chu ch'coup-là i t'a répondu.... |
|
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: Y s'appelot Joss Dim 12 Déc 2010 - 17:16 | |
|
MERCI, mais j'ar'brais. Pour cheusses qui connochotent pas Shirley, j'vous l'présente tel qu'André, Thérese et Batisse is l'ont connue. |
|
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Y s'appelot Joss Dim 12 Déc 2010 - 22:41 | |
|
très très bieau texte qui vient du fond du coeur ! ch'est fou l'plache que prenn'tent dins nous vies nous compagnons à quate pattes et l'vide qui lais'tent après leu départ... mi j'pinse incor souvint à min quien, Sirette, pourtint parti d'pis pus 35 ins... |
|
Contenu sponsorisé
| Sujet: Re: Y s'appelot Joss | |
|
|