J'ai été rajouter un avatar pour min profil ( el bon profil, je n'd'ai foque un!) et là quo que j'vos? in bas à droite y'a écrit '' Mérilou n'a pas encore d'amis''!

Ch'a ma fait du maux à min tiot tchoeur, j'ai mes ys qui brilltent ed chagrin...

cor un tiot peu et j'tronne in brayant, mai sj'serre em guiffe et min minton y tronne tout seu.
Et dire que j'pinchos qu'j'avos tout plein d'amis... min pincho ch'étot eune brouche
Hé bé qu'j'ai du mau à min tchoeur... et pourquo que l'manicraque ch'est eune mache linque a ch t'heurre?

Cha fait pareil à vous z'aut?

ouais, mi y m'dit parèle....mais mi j'm'in fous de cha qu'y dit!!!

Allez, ne brais pus Mérilou, te vas incore devoir torte t'wassingue... mi non pus n'ai nin d'amis.

Allez, pour te faire plaiji, je vas aller bidouiller un tiot peu pour vir commint que je peux faire pour n'd'avoir éleuctroniquemint.

A m'mote qu'i faut deminder à l'victime si qu'elle est d'accord...

Suspense. Pour l'instint, arrête déjà de braire.

Ouais, ch'est cha... i faut deminder!

Dins tin profil, i a un onglet "amis et ignorés"

Là, i a eune ferniête d'ùche que ch'est écrit "trouver un nom d'utilisateur". Mi j'ai mis Mérilou, mais à m'mote que ch'est possipe d'avoir comme amis tous ceux qui ont un pseudo qui comminche par M, par eximple, in buquint M*

Après te buques chu "ajouter" et t'deminte elle est in instince dins le bureau in-dessous. Ch'est un tiot peu comme à la sécu. T'as pus qu'à attinte qu'i a quelqu'un qui se rind compte que t'es au guichet avec eune deminte...

Bon, l'rubrique "amis" je ne sais nin à quo que cha sert. Si que t'as nin d'amis, à m'mote que ch'est parel que si tertous ch'est tes amis.

Par contre avec les "ignorés" ch'est eune autre histoire... Mais là je suppose et j'espère qu'i ne faut nin deminder l'permission à l'ignoré...

T'as compris?

Allez, va vir tin profil, le bon, et sin onglet amis et ignorés, et fais comme in te dit (apparemmint te dos buquer + ou - selon que t'es d'accord ou non).

Si te buques - (non) je saurai que te ne m'aimes nin. Ch'est redoutape ch't'affaire... Incore qu'i a eune solution: te dis d'accord pour être ami et juste après te mets le faux ami in ignoré.
Ch'est bin des idées d'informaticien cha...

Dire que j'n'ai pos d'amis... cha passe incore mais là d'ù que j'trouff que l'manicraque y'est mache aveuc misot , ch'est qui dit '' Mérilou n'a pas ENCORE d'amis'' et y'a l'air tout berlous que je n'd'ai pos cor! comme si que ch'étot graffe...à m'n'âche !
Ch'est c' qu'in appelle tourner l'coutieau dins l'plaie....

J'cros que j'va faire comme nou Camanette nationale, j'va faire mine d'arien et pis d'abord j'm'in fous pas mal ( mais si Batisse y trouff moyen que j'ai un comarate, même foque un, je m'sintirais moins toute seule)

Hé bé qu'ch'est compliqué c'dallache...l'principal, ch'est qu'min frère Batisse y'a couru à min secours pour frotter mes ys et mouquer min nez.
J'sus eune tiote guernoule qui erwette à St Batisse et s'in va rassurée...

Allez, pour te faire plaiji, je vas aller bidouiller un tiot peu pour vir commint que je peux faire pour n'd'avoir éleuctroniquemint. ( fin ed citache à Batisse)

Mi je n'veux nin des amis eleuctrotechtoniques, j'in veux des vrais in chair et in oches.
Cha m'rappelle min grind garchon tchin qui avot 3 ou 4 ans et qui m'dijos '' mi j'veux des amis mais j'in veux des viux''... et tchin qui avot 10 ins , s'matante elle li a dmindé quo qui voulot devenir plus tard et y li a répondu:'' Vieux et sache..''

Ch'est plus facile d'ête viux que sache !

Ben j'cros qu'in a tous el même messache "qu'in n'a pas core d'amis" mais par conte j'vos pas bien c'que cha fait ed plus après si in rinte des amis comme Batisse i esplique

Extrait du renard Saint Exupéry.
.

.
On ne connaît que les choses que l'on apprivoise dit le renard. Les hommes n'ont plus le temps de rien connaître.
Ils achètent des choses toutes faites chez les marchands.
Mais comme il n'existe point de marchands d'amis,les hommes n'ont plus d'amis ! ! ! !
.
Un peu pessimiste Saint Exupéry ? ? ?
.

Merci pépé pébé, ch'est un bieau citache du Tiot prince.
In acate nin les amis aveuc des doupes mais in les arconnos aveuc l'or qui brille dins leurs ys et qui sont là tchin qu'cha va et aussi tchin qu'cha n'va nin...
Ch'étot eune bête cacoule ed dire que j'étos tout in foufelle de nin avir ENCORE d'amis eleuctroniques.... J'vous ai tertous et j'sus bénaiche

cha i est tiote, t'es consolée ? pou mi marquée ou non, t'es min amie
cha m'rappelle quind in étot à l'école et qu'in demindot "dis té veux bin ête min amie ?", in avot note tiot coeur qui buquot in attindant l'réponse......

Dins un sins, ch'est miux, parce que tchand que le tchoeur i ne buque pus, ch'est mauvais pour l'amitosité pour un être vivint.

Infin, je pinse... Je ne chus nin eune guernoule avec des idées de guernoule, du ginre à dire "dis me que te m'aimes" avec un sous intindu que si te ne le dis nin te vas avoir l'occasion de haïr.

Ah cha, in s'innuirot sins vousautes. Hein ouais Toni? Mais in vous aime bin quind même, même si qu'in ne le dit nin.

Vous nous causez tellemint de l'intuition guernoulesque qu'in compte dessur. In marche à l'économie de mots inutiles nousautes...

Dis me chéri, est ce que te m'aime?
-'' Oui, je m'aime''