Roger
Sexe : Date d'inscription : 17/12/2009 Messages : 1281 Henin Beaumont
| Sujet: Ramintuv'ries d'jeunesse Lun 13 Sep 2010 - 16:34 | |
|
Ramintuv'ries d'jeunesse
J'arvos mes dogts pleins d'inc' violette, J'intinds m'pleume grincher su' ch'papier ... J'saquos m'lanque pour fair des belles lettes : Ah ! Ches pleins et ches déliés!
J'intinds cor claquer su' ch'pavé Les sémelles ed bos d'nou bottines. J'vos nou courtes maronnes rapiéchées Muchées par nou gris tabliers.
J'vos ch'beurre gratté su' ches tartines Qu'in sortot d'nou mallette, à chinq heures, pou' ch'goûter, J'intinds cor ch'maîte et sin chifflet Qui faijotent la loi à l'récré : Berlicoco et saute-mouton, Ch'étot vraimint des jux d'garchons !
Et cheul sirein.ne qu'al arrête tout, Probleim.mes, histoire, grammaire, dictée ... Et tous ches gros ojiaux ronflants qui vientent jechter La mort et la misère, n'importe d'ù, tout partout,
Ches doryphores in vert de gris « Qui nous prénotent tous nou peim.mes tcherre Et qui nous laichotent que ches verts» Comme al dijot m'voisine Marie
ln avot ein' vie misérabe, Mais in étot quand meim.me capabes D'juer et d'canter, pour oblier Qu'nou vie, ch'étot pont qu'des caresses. Pour argretter ch'temps-là, faut éte bête à loïer, Mais vous voïez, mes gins, ch'temps-là, ch'étot m'jeunesse.
Victor Van Cauwenberghe
|
Dernière édition par Roger le Mar 14 Sep 2010 - 9:16, édité 1 fois |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Ramintuv'ries d'jeunesse Mar 14 Sep 2010 - 7:45 | |
|
bon mi mes ramintuveries n'sont pas chi vielles que cha, mais j'ai cor l'odeur de l'craie dins les narines, quind in écrivot su l'ardoisse ou bin quind des tiots morcieaux d'craie s'effritottent dins l'carnassière pace que l'boite d'rangemint s'étot ouverte.... |
|
la clo
Sexe : Date d'inscription : 25/12/2009 Messages : 647 Brive la Gaillarde
| Sujet: Re: Ramintuv'ries d'jeunesse Mar 14 Sep 2010 - 8:52 | |
|
Y a d'z'odeurs qu'in oublie pas ch'est vrai cha. Mi ch'est l'encre quanqu'in rimplissot ches incriers quanqu'in étot d'service, pis l'odeur pas toudis agréape d'l'éponche pour l'ardoise. Si in oubliot de l'netchier et de bien l'rincher pour l'armette dins s'boîte là ch'étot pus inne bonne odeur, cha devenot inne puanteur. |
|
am'mote
Sexe : Date d'inscription : 07/02/2010 Messages : 143 P D C
| Sujet: Re: Ramintuv'ries d'jeunesse Sam 18 Sep 2010 - 17:48 | |
|
bin qu'des bieaux souvenirs , et chetot note jeunesse , a nous , et malgré tout chés misères in étot heureux , j'pinse surtout qu'in sin rindot pas conte , ché normal , un connaichot rin d'aute , même ch'tiot patelin a coté , tout simplemint passe qu'in avot pas l'drot , ed' s'éloigner , d'el maison |
|
Contenu sponsorisé
| Sujet: Re: Ramintuv'ries d'jeunesse | |
|
|