Les viels TSF.
.
.
.
. Cha ch'est un ancien poste ed T.S.F. années 1936 inviron.
.
. Vrai. Après jornée j'dépannos les postes ed télé et d' TSF. Ch'étot du "billard" ed dépanner ches viux bazars la pour "un expert" comme mi, ch'étot pas compliqué. J'étos pas l'seul. In apperdot aveu un life "La radio ch'est très simple" ach't'heure in l'appell'rot "La radio pour les nuls".
. Ch'est core un ancien métier ed dins l'temps.
. Un copain m'dit "Té peux v'nir à m'maijon, min posse i va pus?
. - Qu'est c'qui a tin posse ? ?
. - Cha j'sais pas, i va pus."
. J'min va a s'maijon, j'vos s'finme, li i n'étot pas la, et j'li dis qu'ej viens pour dépanner sin posse. Jé l'posse ed d'sur el tape ed cuisine, et un deux minutes el posse i armarche. I n'avot qu'inne lampe à canger: El valve. Ch'est el lampe qui ardrèche el courant in tiot peu comme un chargeur ed voiture.
. (Acht'heur i n'a pus d'lampes dins les posses mais des tiots machins qu'in dirot des mille pattes, vas 't'in dépanner un bazard comme cha 'sur inne tape ed cuisine, in pusse i faut ète certain qu'ch'est cha qui faut canger ! ! )
. Bon, Ch'posse i armarche , l'finme alle étot bin continte...El l'end'main, min camarate i m'dit, "Min posse i armarche pus". Aussi fèle èqu'chez Darty j'arqueurs as majon, s'finme alle étot core tout seule.
. " Alorse comme cha, vous posse i n'arva pus ? ?" Alle étot blanque comme inne morte.
. - Nan qu'alle em' dit, min posse i a esplosé, i a arquéu des morciaux ed papillotes dins tout l majon, j'ai du inlièver mes rideaux et les escouer déhors".
Véridique"
. . Esplications: Dins l'valve in question, i avot un tiot morciau ed cathode ed cassé, c'qui fait qu'les condinsateurs ed filtrache polarisés avotent archu du courant alternatif. Et is n'ont pas apprèciè du tout. Is zont esplosé ! ! ! ! Un vrai cop d'mine ! ! !
. Ch'étot des tupes un aluminium sertis, d'dtros chintimètes ed diamète et dins les 7 à 8 chintimètes d'hauteur. Ch'tupe i étot parti comme eine fusée Ariane s'incrinquer dins l'haut parleur qui heureus'mint étot au d'zeur , sans cha i traversot l'l'posse et i dallot s'écraser d'ur el plafond d'el cuisine.
. El finme alle sérot morte ed peur, j'm'aros artrouvé in cabane pour avoir donné la mort sans avoir l'intention del donner "
. I n'a pus nan pus des viux métiers comme cha ! ! ! !
.

Dis ch'étot l'même causse pour les premis postes de TV. Mi j'arvoie l'dépanneur qui immenot les postes dins s'boutiques pour les réparer seulemint, l'ville elle à mis s'rue in zone pour les pitons (ch'est vieux ches zones pour les pitons tout d'même 30 ins au moins....) bin, à force ed porter ches postes,i a artrouver sin vinte de june homme ! Véridique

Bonjour matante...
..I n'a pus grandmint qui font ch'carpin la aveu ches posses ed TSF et d'télévision .In n'pourrot pus les dépanner d'sur el tape ed cuisine ! ! Ch'est compliqué comme ch'est pas permis, in pus in arot jamais sous la main d'es qui faut comme pièche au cas du, par miraque in arot treuvé l'panne. In pus in pourrot ète condamné à mort pour traval au noir ! !
..Té l'amènes à l'acceul d'in grante surface, in t'déminte inne trintaine d'néros d'acompte pour comincher , in t' dis d'arvenir dins quinse jours, ...pour t'intinte dire qui n'a pour eune tiote fortune ed réparations ou qui n'est pus dépannape, qu'té n'as pus qu'à pus n'acater un aute....
. Heureus'mint, l'matériel i est beaucop pus fiape qu'avant ! ! ! !
..................
.Vrai: j'acate un doupe Tunner "Métronic" aveu disque dur pour inregistrer eine chaîne in in ravisant eine aute. I étot garanti j'usqu'au mois ed déchimpe......i quait in panne un mot après l'garantie . Jé l'ramène au service après vente d' A... du qu'èj l'avos acaté....Ch'ti la qui m'a archu, j' l' avos apprivoisé et j'in avos fait un ami: " Je m'occupe de vous, je vous dirai quoi dans quinze jours....Un mos pus tard...l'matos, arparti chez l'grossisse, toujours pas réparé, Min nouviau copain, téléphone à ch'grossiste qui li donne un aute niméro pour régler em n'affaire....au deuxième cops ed téléphone...in i ardonne un trosième niméro...i arcompose, toudis d'vant mi, l'trosième niméro....ch'cop la ch'est un ....Chinois qui li a répondu ! ! ! I savot pas parler Français incore moins el chtimi.....
. Mé v'la l'con ! ! ! Mi, comme ech' comprind vite mais qui faut m'espliquer longtimps, j'vos d'sur el notice fournie aveu l'tunner qui avot un Emile! ! ! ! J'invoie un Emile in espliquant min cas ! ! ! !
. Réponse ed "Métronic" . "Faites nous parvenir votre matériel par votre vendeur, il vous sera réparé gratuitement à titre publicitaire ! ! !"
. Et is ont ténu parole, ch'est pas biau cha ! ! ! ! Cha coûtot 200€ quand même....... Quand ch'est bien faut l'dire ! ! ! ! Nan ? ? ? ?

. (Vrai) Eune tiote parinthèse au sujet des zones piètones. A Boulonne i avot des zones piètones qui z'étotent barrées par des gros cylintes qui rintrotent dins l'sol pour laisser passer les autobuzes. Min garchon suivot un autobuze, les plots étotent deschindus, i passe à sin tour, les plots is armontent: bilan des courses, moteur d'el Scénic arculé aveu tout l'bazar in tole alintour , carrette foutue ! ! !
. Et bin vous croirez si qu'vous voudrez, cha n' la pas fait rigoler ! ! ! !

" Dis donc, quo qu'té faijos quand qu'té pouvos pas dépanner ches posses assez vite ? ? ?
. - Boff! ! J'racontos eune histoire ed Cafougnette ! ! ! "
. Ach't'heure j'y va au pifmomète ! ! !