bon mi franch'mint j'ai essayé facebook j'aime pas gramint !!!et quand j'vos le beuv'ries qui a eu din certaines villes et ch'bazar qu'ché jeunes laichent dérriére eux je m'dis qu'in a du mal éduquer nos zinfants !!
enfin ch'est m'n'avis !!!!!

Ch'est les dériffes de linternette, tchin qu'in reste muchés derrière s'n'écran et l'sourite, y n'd'a qui crottent qui a qu'à appuir sur l'bouton pour rameuter les gins.
In reste responsape de tout cha qu'in fait, ou qu'in dit ou qu'in écrit .
C'garchon qui a trop bu et qui est tché du pont...et qui est mort, bin ch'étot nin du virtuel !... dins les jux vidéo, y s'arlèffent, mais là ch'est plus graffe.
Y faut toudis busier avint d'appuir sur l'sourite et d'faire '' invoyer''... ch'est vrai qu'des fos, j'invos des cacoules que j'aros miux fait d'serrer m'bouque virtuelle!

ouai ch'est malheureux faut faire l'différince pis savoir qu'tout n'est pas permis minme avec l'virtuel .Nous ichi m'file ainée alle a eu des innuies avec des tiotes du collèche et pis l'face book . Ches tiotes bin alles ont été surprisses quand in a fait l'réunion au collèche et pis qu'in leur a expliqué c' qu'alles incourottent comme punition.

j'ai l'impression que les jones deviennent fous avec tous ché sites et les jeux vidéo aujourd'hui ché les apéros géants.peut ete que d' main cha s'ra les drogues parties géantes.j'exagère un peu mais au train ou cha faut pus s'étonner de rien.quand ej pinse..quand on éto jones on s' continto di'un simpe ballon pour juer dins ch'coron. chose ben sûr qui s'ros pus possipe ed faire à cause des carettes ou d'eune cule pour ché garnoules pour juer au carré..té va m' dire nounours i faut vife avec sin temps .peut ete mais ej préfère em' jeunesse qu'à l' leur!!!

Bin pourtant je n'sus pas eune vielle (36 ans ed mi si j'peux dire) mais minme mi j' préfère m'rappeler m'jonesse busier à c que faisos avec mes camarates pindant mes vacances ,mes mercredis ... , quoque j'ai cor de l'chance d'vife à l'campagne mes tiots i sav'tent cor c'que ch'est d'cuerrir après un ballon ,faire des balates in vélo ,jeuer à l'marelle ... Pis connaite ches arpes ,ches fleurs et ches animaux d'toutes sortes (ferme ,domestiques, insectes )

. T'avos core ed la chance d'avoir un ballon. Nous, dins l'coron, in a souffert dins note jeunesse, in juot au ballon aveuc des boîtes à conserfe ! ! aux och'lets aveuc des morciaux d'carr'lache, aux avions aveuc les viux cahiers..............
. J'sais pas commint qu'ch'étot dins vos coin, mais j'arrétos pas d'l'eu dire aux infants à l'école , vous n' savez pas juer....ch'étot bousculer, faire les dingues ! ! ! et cha ch'étot i a pus d'vingt ins, (pinsionné d'pus 20 ans) cha n'sa pas arringé dépuis.
................
. L'jeudi, in s'artreuvot tertoute dins l'coron, pus d'vingt gosses et in dijot, à quoi qu'in jut aujord'hui ? ? ,
. In inmerdot jamais personne....
. Ach't'heure aveuc les jus vidéos d'maboules cha va pas les inringer nan pus... du fu, des esplosions, des armes, des mort, des monsters, des bagarres, des meurtres , des gonzesses qui sont pas frileusses ,.... rin d'bin ! ! !
. In n'arviendra pas in arrière! ! ! i dins min coin, in s' plaind pas d'trop , is sont core "civilisés" les jeunes

pépé , té m'fais pinser a min premier ballon ed' cuir , chetot cor des lamelles ed' cuir , cousues , qu'in racommodot souvint , passeque les coutures y lachottes , en'din yavot in chambre a air , avec in boudinette , et in fos gonflé , chétot arfermé par un lachet , quand un faijos un crâne , cha faijot bin du maux , et un
plus si yétot mouillé , yétot lourd , et cha faijot cor plus ed' maux

J'ai qu'minché à juer au foot avec chés ballons là, ch'est vrai que quand té faisos eun' tête et que t'ar'quéyos sus ch'lachet cha faisot bien du bien et in avot des godasses avec 6 crampons in cuir cloés dins l'semelle avec tro ou quate clos. Chés crampons is étot'ent fait avec plusieurs rondelles ed cuir et quand qui avot l'première rondelle qui foutot l'camps bin i restot que l'tête ed chés clos, s'qui m'a permis quand j'étos "cadet" d'avoir min genou ouvert sus plusieurs centimètes, et comme j'm'avos soigné tant bien qu'mal qu'après ch'match j'ai cor l'trace à min genou gauche, pourtant cha fait pus d'chinquante ans.

Imagine un peu si qu'in avot fait eune tiète aveuc el boîte à tiots pos ! ! !

mi min grand pére cordonnier i me n'avot fait un biau d'ballon avec des morciaux d'cuir ,j'min rappelle core aprés toutes ché zannées i restot din l'rue d'lens prés de ch'stade d'hénin !!!!!

ouais annie , chés des sacrés souvenirs , pas tous jones , cha m'rappelle qu'chés coutures in les graissot avec d'el couenne ,ed pourchieaux , qu'ej gardot quand em ' mère al faijot du rassacache ,