J'm'a laiché dire ! Ch'vindeux i étot tell'mint amiteux, qu'après avoir acouté sin bonimint, j'ai acaté eun' carette qui parle.
Ah que ch'est bieau la technique, que ch'est pratique !
Alle dit que temps qu'i va faire, si qu'y a cor assez d'essence, si chés portes alles sont bin freumées ! Alle dit tout, et t'nez vous bien, alle parle in patois, pac'que j'ai pris l'option PATOIS.
Alle dit : "Mes gins, o'zêtes bien installés, mais je n'peux point mette in route, parc'qu'o' n'avez point ablouqué vou cheinture !"

Hier, ej'monte dins m'n'auto.
- "Dù qu'in va ?" qu'alle dit.
- "Bin, qu'j'i réponds, in va in ville acater du pain, pis ch'jornal, pis à la poste".
' "Quoi! té vas pas m'déringer pou chà ! Té t'rinds pas compte du prix de ch'super ! Té fros miux d'printe tin vélo, chà t'f'rot faire du sport ! Et pis, dù qu'in va cor estationner ? Té n'vos pas l'monte qu'y a in ville ? Té risqu'ros cor de m'faire eune blèque in t'ringeant ! Mi, si ch'est pour toudis ête cholée ainsi, j'a aussi querre rester au garache ! Vas-y à pied !"

Min diu, que j'argrette-ti em'deudeuche ! Alle téquot toudis, mais all'avanchot sans rin dire ! Aussi, ej'profite de l'gazette pour mette eune annonche pour arvinte em'n'archelle ed'carette qui parle. Mais n'allez point i raconter chà ! Je n'n'atindros pour mes quate sous in m'm'ettant au volant !

Guy de ch'Bos (Guy dubois)

pour bin tout comprinte :
- ablouqué : accroché avec eune boucle
- eune blèque : un coup
- téquer : toussoter
- archelle : insupportable

Ch'est vrai que les autos qui caustent, ch'est des fos comique...

J'ai connu quelqu'un qui avot eu eune drôle de blague avec cha: i avot eune auto qui cause mais elle n'a nin prévenu qu'elle n'arriverot nin à rester chu ses 4 roues dins un virache. Du coup elle s'a artrouvée les 4 fiers in l'air dins le décor. Heureusemint, comme avint de partir elle avot bin dit au monsi de mettre s'cheinture, i ne s'a nin fait de mau.

Par contre, s'n'auto, avec ses roules in l'air, elle li a demindé de vérifier sin niveau d'hule...

I ne l'a nin fait!

ej te l'auros bien racaté,mais min permis i est suspndu pour trois mos minimum.

Min camarate voisin vient justemint de m'faire "visiter" d' Renault qui vient d'acater. Alle est ordinateurisée à mort...incroyape!!! T' as t'clé dins t'poche, t'approche d'eule carrette, les serrures alles s'ouffent, à s'met in route tout seule , les rétroviseur is s'écartent, i pleut, les essuis glaches s'mètent in route, i fait frod, l' chauffache s'met in route, i fait caud, l'climatisation alle démarre, Té t' gares, des capteurs is détèctent les ostaques...GPS...limitateur de vitesses, économideur d' gasoil automatique, alle té moute quand qui faut canger d'vitesse pour économiser eune misère ed carburant, ...et pis core un tas d' 'sait quoi que je m'rappelle pus.....I n'a tellmint
. ..I n'y manque qu'la parole! ! ! ..
. .L'jour qu'cha va merder tout cha , i séra pas clair ! ! ! !
. I a dû daller chez Renault pasqu'i avot appuyé d'sur un bouton sans l'faire asprès, J'sus pas conte el progrès mais faut pas exagérer quand même...
. Vive el deux quévaux diesel ! ! ! Ch'est cha qui arot invinter Citroën à moinsse que...in peut pas tout savoir, ...i n'a pétète déja eu ? ? ? :
......

cha a quind même du bon des fos toute cheule électronique pace que à causse, ou putôt grâce à cha, min homme asteur i met toudis s'cheinture d'sécurité et que j'ai pu b'soin d'y rouspéter après....
quind in a monté l'premi cop dins not nouvielle carette i a eu eune tiote musique pas du tout mélodieuse (cha dot ête fait esprès ) pou indiquer qui avot eune cheinture qui n'étot pas ablouquée..
min homme, in tiot peu têtu, a cru qu'cha allot s'arrêter au bout d'un momint et que l'carette elle n'd'aurot marre avint li
mi j'comminchos à rigoler dins mes moustaches, infin au début pace que l'musique elle m'a vite taper su les nerfs...
devinez qui ch'est qui a gagné ? : bin 1 à 0 pou l'carette

Cha peut ète grafe, eune carrette qui pale.
. Imagine, Monsieur et Madame montent dins l'carrette pour daller faire un tiot tour.
. Les v'la partis.
. Elle: " Dù qu'est dallé hier après midi ?
. Li: - J'sus dallé au super marché pour acater des graines pour el gardin.
. ' carrette: - Ch'est pas vrai, i est dallé faire un tour aveuc Nénette, j'té dis pas s'qui zont fait, is m'ont bin sécouée! ! !
. Imagine el dallache, v'la l'cat dins l'horloche pour un bon momint ! !

t'as des moustaches tiote belotte? met eune photo ed ti such' site qu'in puisse vire cha.

Ch'est comme ch'ti li qui dit:
. " Grand mère alle a un garchon, ch'est tout s'mère, a part les moustaches.
. - Qu'o qu'tè racontes, sin garchon, à grand mère, i n'a pas d' moustaches ! !
. - Ouais, mais grand' mère a n'd'a ! !

nounours-94 a écrit:

t'as des moustaches tiote belotte?

ouais, min deuxième prénom ch'est Achille
in m'deminde toudis "Achille pourquoi t'as d'la moustache, dis le moi ça m'f'ra plaisir....." comme dit l'canchon

j'peux pas mette d'photo car j'sus in contrat esclusif avec l' cirque Médrano

Cha décatoule eune moustache ! ! !

tiote bellotte a écrit:

j'peux pas mette d'photo car j'sus in contrat esclusif avec l' cirque Médrano

Ouais mais non, avec le cirque Médrano, ch'est pour t'barpe énon? Is arottent fait un groupache?

Et pour les poils à tes orelles, t'as signé avec qui?

T'as vu, j'ai été corrèque, j'ai nin causé des poils de tin poitral...

. Pourquoi? Té "fais un bec" aveuc tes orèles " ? ?

bon allez j'vos mets m'photo, tint pis pou vousautes si vos faites des cauchemars

I n'arot rin d'étonnant.
. L'homme dechint du sinche
. L' sinche i deschint d'l'arpe....mais
. i n'da qu'i zont loupé l'première branque.