Marie all'étot à l'coyette occupée à sin tricot in jech'tant un oeul à un couet sus ch'fu. D'pis un momint d'ichi all'étot rapagée : s'n'arsoule ed'Guss i avot racaté eun' conduite.

I n'allot pus dins chés estaminets d'pis qu'i avot hérité d'un tiot gardin de s'tante Mélie, à un quart d'heure de s'mason.

Sitôt rintré de s'n'ouvrache, Guss i infilot s'culle et s'maronne ed'velours, i chifflot deux, tros verres ed'rouche, histoire ed'pouvoir faire la route et i s'in allot, fin bénache, sin louchet sus s'n'épaule, fouir sin bout d'gardin.

In n'l'arveyot qu'eu'paire d'heures pus tard, pour la soupe. Un tiot peu rouche, in tiot peu écauffé, mais... chà armue les sangs d'fouir ainsi comme un dératé.
S'bell'mère, pour l'faire indever, li dijot d'printe un tubin d'ieau pour arfrodir el'lame ed'sin louchet !

El temps passot, et Guss n'parlot point cor d'acater des s'minches !
Pourtant, pour aller à sin gardin, i passot toudis d'vant l'café à Jules, qui vindot des graines des Jardins Ouvriers.

Marie all'dépichot d'vir l'ouvrache de s'n'homme et, un bieau jour, all's'met dins l'tiête d'aller avec li dins ch'gardin.
Et quoi qu'all'vot ? Sin terrain invahi d'tignons, d'picholits et d'cardons !!! Pas eun'pell'tée d'artournée !!!
Je n'vous dit pas ichi tous les noms d'osieaux qu'all'a dit à Guss !

Savez-vous chù qu'i a répondu à s'méquaine, sans s'démonter ?

"Que l'époque qu'in vit à ch't'heure ! In m'a volé min fouisache !"

Guy de Ch'bos (Guy Dubois)

pour bin tout comprinte :
culle : chemise de travail
dépicher : être impatient
s'méquaine : épouse

ech'duc, in t'a pas volé tin fouissache ? ? ?

pas du tout,hier j'ai fuis ed devant, et j'ai oublier ed rintrer min louchet,y à meme pas in courageux qui l'a volé

J'ai connu eun' histoire simblable,et du vécu,chétot nin du fouisache,mais d'légumes qu'in volot.
Chétot un voisin mineur qui avot un camp pas loin de s'mason,
quand qu'il arvenot d'y avoir était passer deux tros heures, les tros quart du temps i disot,
-bin grand mère in m'a core volé tros biaux choux rouche!
seul'mint,ch'est li qui arvindot ses légumes pour aller boire sin tiot pinard à ch'cabaret.

...T'aros bin voulu qu'in t'el vole tin louchet ch'duc ? ? ,
. D'vant l'majon, i a un tiot parterre aveu des fleurs. J'vous jure é qu'ch'est pas mi qui a volé l'camélia à grand mère pour el l'arvinte! ! ! !
. .....

j'auros du em taire, j'ai arpiqué des pensées, , y in reste pus qu'einne, du coup ej vais mette des horiies,et des gros piquots ...

Ch'duc, aujord'hui in a mis les dernières pentierres dins l'gardin. Les premières "sont sorties" mais qui fait core frod. In prie l' Bon Diu pour qui gèle pas.

mes pentières sont sorties aussi,ej l'ai aient arbuté ed peur qui gèle,j'ai risqué ed d'arpiquer mes choux cabu, in verra bienpour arpiquer mes tomates et courgettes ej vais attinte in peu qui fait meilleurj' ai meme buté mes carottes al sont sorties aussi , je sais pas cha que cha va donner , in verra bien ,j'évite d'arroser au soir , j'arrose au matin ...

Alors ch'duc, cha pousse ? ?




.
. T'as vu cha les salates ? ? ? Les tomates, ch'est arparti comme in 14.
. L' serre, eune pompe, un puche, ch'est l'panard ! ! !

Eh ben vous avez de l'veine que cha pousse chez vousautes!

Mi j'ai foui min gardin et j'y ai artrouvé les 3 pids de céleri que j'y avos planté i a un in de cha.

Is étottent gros comme eune balle de tennis... et tout biscornus.

Direque au bac à l'ordure. Je me deminte si que je ne devros nin planter des fleurs in plastique... Nan, ch'est eune blague! J'ai l'intintion de planter des dhalias, parce que grâce à vous bons consels de les laichi passer l'hiver in tierre avec un terril de chintes par au-dessur de chacun, is sont tertous crevés.

Ch'est à quel momint qu'in met cha? Cha se vind tout partout? Cha coûte cher?

Bin mi cha fait quiques années qu'j'ai arrété d'faire pousser des tomates dins mes agglos, passe que cha pousse pas plus que dins l'terre et faut toudis arroser, alors j'va les accater amon Inter ou Carref... cha m'arviens moins cher.

mes pieds ed tomates ,ej les rintes ém maison au soir,j'ai mes pommes ed tierre ,ej cros qui sont brulé par el gel, mais ej garde espoir qui poussent, ed main ch'est la st marc ,ej vais mette mes haricots vert et jaunes des beurre, sinon tout est sorti ,oignons ,échalotes ,carottes et choux cabu, faudrot qui arrete ed geler au matin ...

Bonjour ch'duc, ichi in a du pot, i n'a pas core gélé l'matin! ! ! Tout est bin démarré.... mais i fait frod quand même. L'vint du nord i arrife directemint du producteur au consommateur ! ! ! Enfin, i gèle pas ch'est déja cha ! !

t'a de l' chance pépé, mi j'ai pas ed serre,seulemint einne de 1m sur 1m ,et mes salates sont pas si grosses..

M'serre alle fait 8 mètes ed longueur....mais, j'ai dû rimplacher l'bâche tros fos ! ! ! ! ...et ch'est pas gratuit! ! !

...."Eh ben vous avez de l'veine que cha pousse chez vousautes!"
....nous autes, in triche, in met des graines! ! !