Ch'est comme l'guernoule qui, eune fos que sin avion pour Toronto i a décollé, elle se lèfe de s'plache et elle va s'assir in premire classe.
Du coup i a un stewart qui deminte à vir sin billet... et qui essaye de li expliquer qu'avec un billet éco elle n'a rin à faire in première.
Alors l'guernoule elle répond que vu qu'i a de l'plache, et qu'in puq elle est bin roulée, cha ne déringe personne et que, donc, elle va rester là pour l'fin du voyache.
Le stewart i in parle au chef de cabine, qui essaye à sin tour et, parel, refus de l'guernoule, sous prétexte qu'elle est bielle et que l'plache elle étot nin occupée.
Le chef de cabine i in parle au commandant. Le commandant i deminte l'couleur de cavux à l'guernoule et, ayint eu l'réponse qu'i craignot, i dit "je vas m'in occuper... je n'd'ai eune comme chà à m'majon, je sais commint les printe à ch't'heure".
I va vir l'guernoule, i li dit qu'avec sin billet elle ne peut nin s'assir là et l'guernoule elle li dit, à li comme aux autres, qu'elle est bielle, que l'plache elle est libre, alors qu'elle s'assit là pour finir sin voyache jusque Toronto".
Le commandint i li dit eune séquo dins l'tuyau de s'n'orelle. L'guernoule elle dit "ah bon? i fallot le dire" pis elle se lève et artourne à s'plache in éco.
Tertous i est ébaubi. Le stewart i deminte au commandint quo qui li a dit qui l'a faite chinger d'avis... et l'commindint i répond: "je li ai dit que l'premire classe elle n'allot nin à Toronto".
Sujet: eune tiote histoire belge 
Mar 30 Mar 2010 - 12:06
