L'aute jour in est allé récupérer not' nouvielle carte bancaire -in croyot avoir perdu l'vielle dins l'Nord, pou finalemint l'artreuver in rintrant ichi camucher dins eune valisse d'ù qu'elle avot du querre !!!
Donc qui dit nouvielle carte, dit nouvieau code à apprinde, et mi d'pis toudis j'ai in moyen pou artenir tous chés codes, j'me sers des noms des départemints... In toute modestie j'sus assez calée la d'dins, in d'a pas gramint que j'dos réfléchir (des fos c'est in tiot peu pu dur d'les situer géographiquemint, mais cha permet justemint d'réviser s'géographie)
Tout cha pace que quind in étot tiots in s'occupot pindint les voyaches in carettes à arpérer chés départemints su chés plaques minéralogiques, in faisot in concours avec min frère aîné, pis pus tard in faisot les malins d'vint not' tiot frère qui étot ébloui d'not savoir ...
Alors hier au soir, après mette servie de m'carte pou l'premi cop et vir si m'mémoire étot cor bonne, j'me sus demindée commint les jones is allottent faire asteur pou savoir chés numéros des départemints que pou les vir su chés plaques minéralogiques d'asteur t'as intérêt à avoir des bons yux....
Infin, mi, j'espère garder m'mémoire lommint sinon va falloir que j'cache in aute système

20 - 45 ch'est l'numéro de l'ancienne ou de l'nouvelle carte?

CHUUUUUUTTTTTT.......ch'est l'numéro de m'carte Edouard L.......

Ah? Ben je chus déçu alors...