j'viens d'finir de préparer in tiot dessert pou c'soir, avec de l'pâte brisée toute prête (ouais j'sais ch'est meilleu quind in l'fait maison, mais bon...) et ch'est bizarre i avot trop d'pâte par rapport à l'grindeur du plat alors j'ai fait c'qu'in faisot à l'majon quind in préparot l'tarte au libouli, j'ai aplati l'reste d'pâte avec la main, j'lai fait cuire, j'ai mis in tiot bout d'burre d'sus et in l'a mingé avec l'tiot garchon....
bin cha n'a rin à vir avec c'que je ramituvos... faut dire que m'maman elle faisot cuire cha directemint su l'plaque du fu, in mettot du burre d'since, hum cha guilot su sin minton !!! in s'battot avec mes frères pou avoir l'pus grosse part.... asteur j'soupçonne m'maman d'avoir fait esprès d'préparer trop d'pâte pou que chés pouchins is in euchent

Je parie que t'mère elle ne prenot nin de l'pâte toute prête... et qu'elle la faijot avec du vrai burre.

Pis, comme te dis, elle cuijot cha chu eune plaque bin caute, alors que ti avec t'manie du bain marie pour que cha ne cauffe nin trop...

Infin, je dis cha, je ne dis rin hein?

Quo qu'i a dit l'tiot? Hmmm ou beuuurk?

cuire l'pâte au bain marie, j'y avos pas pinsé !!
merci batisse

comme l'tiot i a pas connu l'version du sièque dernier i a dit incor.....

Te vos comme t'es? T'es bin eune guernoule tisaute. Toudis à interpréter de travers cha que les hommes is distent.

J'ai jamais dit que tu cuijos t'pâte au bain marie - infin, je ne l'ai nin dit ch'coup-ichi. J'ai foque dit que t'as l'manie de tout cuire au bain marie pour que cha ne brûle nin.

Alors, puisqu'i faut te mettre les points chu les i (et nin les poings chu les ys comme Mérilou elle a cru pindint des années) cha sous-intindot que t'avos peut-être nin mis le thermostat de tin four assez haut.

Te sais, des fos i faut oser aller au-dessur de 100°...

Cha me fait pinser... te sais bin faire les meringues? Réponds ouais et in pourrot être copains nousautes deux...

bin désolée pou cha faut qu'té t'adresse à m'file, galaffe d'meringues, mi j'ai pas quer cha alors j'ai arnoncé à in faire après in ou deux essais pas très concluants pou faire plaiji à m'file quind elle étot à l'majon...
té sais bin que mi j'sus douée que pou l'cuisson au bain marie.....

Ch'est vrai que des meringues au bain marie, cha ne dot nin être hyper appêtissint.

Et le blanc des iles flottintes, ch'est fait commint?

Ch'est pas des gesticules de Suisses que cha s'fait aussi au bain marie ? ? ?
. Batisse, in prépare el matos pour arfilmer in vidéo les films in super 8 , in dira quoi. J'va filmer in numérique, cha séra plus facile d'monter les séquinces "dins l'orte", mète des tites "viellots" et d'el musique 14/18... ginre musique ed bidets d'bos d'avant la guerre.
. In vera bin ! ! !