|
Auteur | Message |
---|
Matante
Sexe : Date d'inscription : 28/12/2009 Messages : 781 au Nord
| Sujet: D'bouqu' à orèle Dim 21 Fév 2010 - 17:12 | |
|
Su' l'agglomération ed Lille-Roubaix-Tourcoing in a un' radio : RQC (Radio Qui Chifèl) vers 11 h i a un' émission "D'bouqu' à orèle" et j'vous mets l'indicatif ed fin de ch't'émission.
Acoutez chi mes gins, Vou tcheur i fait douc-douc D'plaiji et d'contint'mint L'émission "D'Bouqu' à Orèle" Va s'terminer dins in momint. Elle vous met l'tcheur in foufelle Des comm'cha, n'd'in faudrot gramint Fins firs ed' nou parlache, In s'in pourlèque l'gosi, Et cha s'rot bin dammache D'pos faire in profiti Les ceuss' qui fidèles à leu poste, D'l'autre côté de ch'micro, Qui seuch't à jeun o bin rostes Cha les distrait, cha leu donn' caud ! Pou' qu'tertous seuch'bénaches Jusqu'à el prochaine fos In vous souhaite d'êt' saches D'pos oblii l'patos. Merci à chés animateurs : Anne-Marie, Roberte, Gérard, Albert, Renelde, Manou, Robert de Leers, Christian, Max-André et Jean-Pierre Radio qui Chifèl Nonante chinq point FM Ed' Bouqu' à Orèle Ch't'in n'émission comme in les aime Radio qui Chifèl Quater-vingt-tchinsse point FM
"Ed' D'Bouque' à Orèle" Ch't'in n'émission comme in les aime.... Comme in les aime....comme in les aime...
Paroles et musique de Max-André LEZY |
|
| |
am'mote
Sexe : Date d'inscription : 07/02/2010 Messages : 143 P D C
| Sujet: Re: D'bouqu' à orèle Dim 21 Fév 2010 - 17:23 | |
|
bin j'ai jamais intindu parler de ch' t'emission , cha a l'air d'ête bieau al manière ecqu'tin parles , in dirot vraimint qu't'as querre cha |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: D'bouqu' à orèle Dim 21 Fév 2010 - 18:26 | |
|
Radio qui chifèle, tcheue trouvaille!
Is n'émettent nin chu internénette des fos? Que les espatriés is in profitent... |
|
| |
Matante
Sexe : Date d'inscription : 28/12/2009 Messages : 781 au Nord
| Sujet: Re: D'bouqu' à orèle Dim 21 Fév 2010 - 19:01 | |
|
Is ont un site sur internénette mais je n'sais nin si is émettent. Te caches après eusses....et si te dos trouver te trouveras ! :cheers: |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: D'bouqu' à orèle Dim 21 Fév 2010 - 19:24 | |
|
Ayé, j'ai trouvé! Je chus in train de l'écouter.
Pour l'instint is pastent du djin boum in inglais. J'attinds de vir ou plutôt d'écouter la suite.
D'après cha que te dis, le patos ch'est le matin à 11h00. Suspence... |
|
| |
Matante
Sexe : Date d'inscription : 28/12/2009 Messages : 781 au Nord
| Sujet: Re: D'bouqu' à orèle Dim 21 Fév 2010 - 20:12 | |
|
.....et l'matin avec el dicton du jour vers 6h50. Cha doit ête comme radio horizon : pourquo mette du patos alors que les gensss qui l'parlent is sont d'vint leu poste de TV ? Ch'est les tits jeunes qui écoutent el radio l'soir ! |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: D'bouqu' à orèle Dim 28 Fév 2010 - 7:50 | |
|
Merci pour le "tit jeune".
J'écoute des fos cette radio au nom si amusint. J'ai incore nin intindu de patos, mais j'ai fait eune découverte: i dot y avoir grammint de portougaiches à Mouscron. Cha fait deux fos que je tchais chu du portoche. Dont à ch't'heure... |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: D'bouqu' à orèle Jeu 4 Mar 2010 - 12:02 | |
|
Ayé, je chus in train d'écouter du patos à l'radio qui chifèle (in fait elle va fin bin...). Ch'est apparemmint foque de 11h00 à midi.
Ch'est eune équipe de "nin de l'dernière pleufe". Thand qu'is s'ont mis à causer insonne des vis souvenirs de lus grinds parints - i n'd'a eune que s'grind mère elle étot née vers 1860 - cha m'a arplongé 50 in arrière, du timps qu'in faijot l'tournée des vieux au nouviel an. Is ont tertous des vox usées. Ch'est rigolo.
In puq is cantent des canchons qu'in n'a jamais intindues au poste. In s'artrouve aux réunions de familes de dins le timps, à part que eux is s'accompagntent avec eune guitare. Ch'est moderne! |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: D'bouqu' à orèle Jeu 4 Mar 2010 - 12:23 | |
|
Bon, eh ben j'ai eu de l'veine parce que l'émission in patos ch'est foque le jeudi, de 11h00 à midi.
Mais à midi quart is sont toudis là! I aut dire que ch'est surtout des guernoules.
Valà, avis aux amateurs de bains de jouvence... |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: D'bouqu' à orèle Jeu 4 Mar 2010 - 13:45 | |
|
Es grand'mère étot née vers 1860! ! ! ! ! . . . Min grand père étot né in 1868, i étot d'el classe 1889 ! ! ! quand qui a tité au so.. o.. re ...i a gagné, .....7 ans à l'armèe ! ! ! . . |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: D'bouqu' à orèle Jeu 4 Mar 2010 - 14:02 | |
|
Vinguette, elle avot été gâtée comme prénoms t'grind mère. Euphrasie Zora Adolphine, ch'est un tiot peu passé de mode tout cha...
A part cha, je n'arrive nin à comprinte t'dernière phrase (juste avint i a gagné). |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: D'bouqu' à orèle Jeu 4 Mar 2010 - 15:12 | |
|
Jé n'savos pas que m'grand mère avot comme prènoms tout cha, in l'a toudis app'lée Zora ! ! ! Ch'est min cousin qui m'a invoyé i n'a pas longtimps ches photopies du livret d'famile ! ! ! . Au moyen ache, les jaunes hommes à 18 ans, is passotent el consèle ed' révision. Is passotet el visite d'vant un méd'cin militaire, tout nus qui ravisot bin si qui manquot rin, tatot un tiot peu les choses ed la vie, et, si qu'étot in bonne santé, t'étos bon pour "faire tin soldat" et évituell'mint t' faire tuer pour définte el Patrie.. . Insuite les conscrits is allotent défiler dins les rues in alotant des drapieaux, aveu des capiaux in papier plein d'machins bleu blanc rouche, is buvotent un cop dins les majons et tout cha in cantant: . " Tirer au so..o..re . Si jeune in co..o..re . Passer l' visi.. i ... te . Montrer si....b.... A dix huit ans ch'est dégoutant ! ! ! " . .. . (Almlusion à ch'tirache au sort comme in l'faijot du timps, d' min grand père.) . In fouinant dins les viux papiers d'la mairie, j'avos artreuvé l'note ed service qui espliquot commint faire el tirache au sort. A la mairie, les jeunes is tirotent d'un capiau des morciaux d' papier pliès in quate portant des niméros...." Pair "té ganes" et t'es soldats 7 ou 8 ans" ..Impairs té perds et tè restes à t' majon... ) Min grand père "avot gagné", ch'est pour cha qui a été soldat 8 ans et qui s' a mariè in 1898.. . Bin sur que ch'ti la qui avot des sous i pouvot s'arringer aveu "un perdant".....et rester à s'majon ! ! ! ... . J'ai mis b... car note modérateuse alle arot pu m'sinsurer ! ! |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: D'bouqu' à orèle Jeu 4 Mar 2010 - 15:16 | |
|
Ch'est d'bouque à orèle, n'raconte cha à personne ! ! ! ! |
|
| |
Contenu sponsorisé
| Sujet: Re: D'bouqu' à orèle | |
|
|
| |
|