Dtaleure j'ai suivi un camping car et s'marque d'fabrique ch'étot Sunlight. Ouais, comme l'savon de tchand qu'in étot un tiot peu plus djones!

Et j'ai ri tout seu in pinsint à nous viux qui n'avotent aucun complexe avec l'angliche et qui prononçostent tout cha bin à l'française. A ch't'heure in jue les prout prout à faire simblint de causer inglais comme eusautes. Alors qu'in a souvint faux...

Parmi mes souvenirs à ch'sujet, i a sunlight qui étot prononcé sainlichte par absolumint tertous. Même in causint français in allot cachi du savon "sainlichte" à l'boutique.
I avot aussi les cigarette high life qu'in acatot in demindint des "igelife" avec tous les i prononcés i.
Le gas oil i s'a toudis prononcé "gasse ouale" même qu'à ch't'heure in dit gazole et qu'in se deminde pourquo.
Wagon klaxon hifi tuner, finalemint, in continue chu l'même linchie énon? Va parler d'un tupairouare à un ingliche... i va t'arwetchi avec ses ys tout ronds!

L'guernoule du gps, si qu'in li deminte de causer frinçais tchand qu'elle nous guide à l'étringer, elle le fait sins complexes aussi. Mi j'ai grammint voyagé in Allemagne avec eune guide ainsi. Des fos je me demindos de quelle ville qu'elle causot. Min meilleux souvenir ch'est Schwetzingen... elle in a fait un chouette saint jean!

Quo qu'i vous arvient comme mots étringers prononcés à l'française sins complexe puisque fait sins s'in rinte compte?

L'premier pot à quo que j'pinse est :ouatèreclosètte...

Ch'est vrai cha, j'y avos nin pinsé mais t'as raison.

Pis les brouchinegues. Et les cotches.... dins le timps i avot des cotches à pourcheaux, à ch't'heure ch'est des cotches à fotebaleurs, intre autres.

A nos autos y'avot un :startère, dins min pays in disot un choque...

min papa,y a long timps i disot quand qu'un film étot fini à l'télé (noir et blanc hein) :

ben ouais y avot marqué   "té inde"  pour the end

Ch'est quoi un cotche???
Dins l'temps j'attindos dire de m'tante qui restot in Pérenchies dins l'Nord,
T'as qu'à mette cha dins l'cotche,j'mins rappelle plus de quoi al parlot
,un balai,eun' wasingue, j'm'a rappelle plus bien, j'étos trop jone....

Roger a écrit:

Ch'est quoi un cotche???
Dins l'temps j'attindos dire de m'tante qui restot in Pérenchies dins l'Nord,
T'as qu'à mette cha dins l'cotche,j'mins rappelle plus de quoi al parlot
,un balai,eun' wasingue, j'm'a rappelle plus bien, j'étos trop jone....

Ché incore un mot flamint, un cotche ché comme un cajibi, ène tiote place pou mètte ses bricoles sin vèlo ou des séquo ainsi sin carbon surmint aussi.
Chez nous z'autes in appelle un logement pour étudiants un "cot", donc un tiot cot, ché un cotche ou bin Kotje...


Est-que vous avez quo que ch'étot un "ouateman " ?

A m'mote que te l'as écrit d'eune façon à nous indure d'erreur le flamind, in nous brinchint chu l'coton hydrophile... te n'd'es un sacré tisaute!

Cha ne serot nin un conducteur de tramway tin bazar? Mais écrit autremint hein?

Un tchouktchouk ch'étot nin seulemint un train. Ch'étot aussi un marchind imbulint, généralemint espécialisé dins les tapis. Chez vousautes aussi, in Boyauroucherie?

Les tchouktchouks chétot aussi ceusses qui passotent dins les rues in criant : Cacaouétes bien grillées, cent francs l'paquet....La plupart v'n'ottent de l'rue Léon Gambetta à Lille, pas loin du marché d'Wazemmes,  
Est-qu'y avot déjà des tramways in boyauroucherie dins l'temps ?

In Boyauroucherie? M'étonnerot... cha  ne marchot nin au carbon les trams!

Sacrés boyaux rouches. In les charrie mais au fond, in les supporte bin quind même énon? Même si qu'is parltent drôle des fos. Non, souvint.

Je me souviens de quelqu'un d'un peu prout prout de m'famile, au début que Renaud i cantot i dijot que cha faijot vulgaire et qu'i étot suremint de Lens ou eune séquo ainsi! 

Pourtant i n'd'a des bons... J'in connos au moins eune douzaine!

Ti Batisse t'as fais d'grintes étutes, te comprins et te parles surmint la langue de chéquespire courammint...Comme in dit :Tu spiqingliche véri goud...

Min bieau père i dijot, pour montrer combien qu'i savot bin causer britiche: "j'piche, j'gliche et j'tchais dedins"

I avot du apprinte cha pindint l'guerre, dins l'Somme. I dijot aussi gousse d'ail pour good bye et en allemind i connochot aux fines herbes, aussi pour dire au revoir.

Te diras, in s'arrinche toudis un tiot peu comme in veut avec les lingues qu'in ne connot nin. Par eximple, du timps que j'ouvros j'allos deux fos par in au Japon, pindint plus de 20 ins. Et là, dins les restos, pour appeler l'garchon, si qu'in dit "garchon", i ne se passe rin. Alors in observint les locaux j'ai armarqué qu'i dijotent eune séquo comme "sorimassen" ou eune séquo ainsi. Eh ben mi je dijos "sorry Marcel" et cha marchot tout aussi bin. Cha faijot rire mes copains.
Après cha, si que l'garchon, ou l'guernoule ne parlot que japonais, in étot un tiot peu dins l'brun tous les deux!

Batisse, pourquoi té m'demintes ed t'esscuser ?

Mi j'connaichos un gars qui avot un chandail avec un tro et in a toudis dit qui avot un pull-over à tro et i allot comme cha dins ches coktails ou ches guarden-party.
Ouais des mots inglais i y in a d' plus in plus.
Allez bonne soirée

Loumarcel a écrit:

Mi j'connaichos un gars qui avot un chandail avec un tro et in a toudis dit qui avot un pull-over à tro et i allot comme cha dins ches coktails ou ches guarden-party.
Ouais des mots inglais i y in a d' plus in plus.
Allez bonne soirée

J'ai lu chinq fos et j'ai toudis nin compris t'n'affaire de pull over à tro spécial sortie prout prout...
I fait arconnaître que l'humour boyau rouche i est spécial. Ch'est peut-être à cause de lu proximité avec les ingliches.
Allez, à plus garchon.

.   Bonjour tertousse....bin nan que j' sus pas core mort.  j' sus arvénu faire un tiot tour par ichi pour m' rinte conte que cha marche core..Cha fait un momint que j'sus pas vénu. J'ai passé un mos dins eune clinique pour dépression nerveusse.........quelle déception ! ! ! ! Rin, in fait rin pou t' soigner, i n'a que l' temps qui peut arringer tin problème. J' espère qu' vous zautes vous s'porter bien.......vieillir ch' est bin mais vieillir dins quel état.....A l'clinique, j' étos aux premières loches pour vire les "malates" sortir printe l' air........i n' a pas un ou eune qui sortot sans avoir eune clope au bec  ! ! ! ! ! même les très jeunes......mi qui n' ai jamais finqué, cha m' effrayot......si j' avos fait comme eusses quand j' étos jeune, j' séros pas clair in ch'momint.   Bon, allez, à plus........et soignez vous bin ! ! ! !

pépéPéBé a écrit:

.   Bonjour tertousse....bin nan que j' sus pas core mort.  j' sus arvénu faire un tiot tour par ichi pour m' rinte conte que cha marche core..Cha fait un momint que j'sus pas vénu. J'ai passé un mos dins eune clinique pour dépression nerveusse.........quelle déception ! ! ! ! Rin, in fait rin pou t' soigner, i n'a que l' temps qui peut arringer tin problème. J' espère qu' vous zautes vous s'porter bien.......vieillir ch' est bin mais vieillir dins quel état.....A l'clinique, j' étos aux premières loches pour vire les "malates" sortir printe l' air........i n' a pas un ou eune qui sortot sans avoir eune clope au bec  ! ! ! ! ! même les très jeunes......mi qui n' ai jamais finqué, cha m' effrayot......si j' avos fait comme eusses quand j' étos jeune, j' séros pas clair in ch'momint.   Bon, allez, à plus........et soignez vous bin ! ! ! !

Bonjour Pépé Pierre..

Bin ouais qu'in marche incore, mais pu aussi vire que dins l'temps..

Mais j'sais nin pourquo, in a d'moins in moins d'actifs....y'a tellmint d'moyens de communiquer maint'nant...

Lu dans la "Voix du Nord"  Eune histoire d' viux.
.......
" Un octogénaire intercepté après 15km en contre sens sur l' autoroute par la police.
.... réflexion du contrevenant : " Je m'en doutais que j' allais tomber sur vous, les automobilistes que je croisais n' arrêtaient pas de me faire des appels de phares"...
....Si ch' est pas vrai ! ! ! l' minteux i n' est pas loin ! ! MDR.....
....Bonjour Marcel ! ! ! ! ! et les zautes bin sur......
pépéPéBé

Salut pépél'boyaurouchecôtépichon!

Je chus bin contint de t'arlire. Cha m'a fait tout drôle de lire t'n'histoire de dépression. Je suppose que t'as eu eune grosse contrariété personnelle, mais cha ne m'arwette nin.
J'ai eune soeur qu'elle n'est nin fort solite côté dépression et ch'est vrai que les hostos cha arot tindince à faire peur. Mais à m'mote que cha fait surtout peur aux gins "normaux". Du coup tin cas i sonne miux. J'ai eu un copain qui a un jour fait eune déprime et qui a fini à l'hosto spychiatrique. Li ch'est de vir les autres alintour de li qui l'a guéri vite fait. I ne voulot surtout nin être mis dins l'même panier qu'eusautes. I n'a jamais arpiqué!

Je chus d'accord avec tisaute au sujet des finqueux aux portes des hôpitaux. In même timps, ch'est parce que ch'est des finqueux qu'is dottent sortir déhiors. Du coup ch'est un tiot peu logique qu'i aiche eune conchintration de finqueux au bord du déhiors. Les docteurs et infeurmiers is font peut-être parel énon?

In hiver i a des finqueux qui intrent pour un ongle incarcéré et qui in profitent pour choper eune pneumonie au passache! Pourquo s'in faire ch'est nin eusses qui paientent!

Allez, je te souhaite eune bonne aprisse de contact avec le monte des zozos normaux. Pour cha ichi t'es bin! Calme mais bin...

.....Min grand père paternel arot 148 ans ! ! ! ! .......
.....Mi j' sus saisi d' vire que j' va vers 90 balais ! ! ! 
pépéPébé.