Je ne sais nin vousautes mais mi je trouve que cha fait un rute momint qu'in n'a nin eu d'intervintion de nous pépépébé régional ichi dessur. Vous me direz, i n'a nin que li qui s'arrête pus...

Même que - i faut serrer s'bouque à ch'sujet - j'ai été vir dins les annonces de décès du 62, histoire d'écarter eune raison pardonnape.

J'ai été saisi parce que j'ai vu qu'i avot quelqu'un avec le même nom et le même prénom que li, 80 ins bin sonnés comm li, de Vimy comme li, qui y étot dins les avis de décès. In y arwetchint bin comme i faut j'ai été rassuré vu que ch't'i-là i a ravalé sin acte de naissince i a 3 ins, in avril 2013.

Alors voilà, cha me/nous ferot plaiji d'avoir eune paire de nouvielles de nou doyen superactif.

Ch'est possipe? Merci garchon!

In fait i a eune erreur: à m'mote qu'i n'est nin de Wimy mais de Wimereux le notre... Tint miux!

PépéPéBé présent.....J' sus bin contint qu' té pinses core à mi Batisse. Té croyos j' étos mort ? ? Bin j' ai pas core prévu d' décéder tout d' suite. Va faire un tour d' sur facebook, té verras qu'j'y suis presque tous les jours, j' y plache des photos "historiques"......j'ai un tiot peu délaisssé acoute ichi pasque j' avos l'impression , qu' i avot pas gramint d'interlocuteux, à par ti bin intindu, toudis fidèle au poste.
Bin amical"mint pépéPébé

J' sus pas d" Wimereux Batisse mais d' Wimille tout conte et au nord d' Boulonne.
....  J' ai été opéré de l' cataraque des deux yux, j' ai artreuvé eune vue d' larynx, et j' pilote core des aroplanes de l' guerre 40/45....radiocommandés bin sur.....alorsse que j' vas vers........88 ans !
 ! ! 
.

Ah ben je chus contint de lire cha pépé!

Facebook, je fréquinte du bout des dogts vu qu'à chaque cop je chus invahi de messages qui vientent d'amis d'amis que je ne connos nin.

Le problème d'ichi, que ch'est effectivemint plutôt désert, à m'mote que ch'est le nom. In buquint "chti" chu gougoule in trouve eune masse de séquos mais nin ch'site ichi. In ne trouve video chti qu'à l'page 8. A m'mote qu'i n'a nin grammint de gins qui vont jusqu'à l'page 8 des moteurs d'archerche...

Du cop le sing neu i ne peut nin arriver.

Ch'est min point de vue et je l'partche!!!! Tint pisse

Allez, eune bonne continuation pépé. Bons pids bons ys!

Aveuc Facebook Batisse, j' ai artreuvé des cousins et cousines qu' j' ai perdu d'vue d'pus 1960......Un cousin dins l' Esterel, un cousin in Espane, eune cousine dins l'région parisienne, eune auteà....Chicago . . Is n' écriftent pas in patois , cha n' a pas d'importance,is sont bin contints d' vire mes photos prisses d' pus d' un démi sièque de l' famile et qu'is n' avotent jamais vues.....In pusse is peuftent les récupérer...Quant aux amis, j' in ai gramint, depus des années et des années, is sont fidèles et au moins is répontent.....Quand j' écris in patois cha leu fait plaijir. Aveuc Facebook, j' ai aussi la possibilité d' juer au scrabbe aveuc " des pointures", pour faire marcher les neurones.....' qui a d' bien quand qu'in est viux, ch' est qu'inter viux in a toudis un sujet d' conversation. 
.     "Alorse commint qu' cha va ? 
.     - Bin mi j' ai core maux à...et ti ?
.     - Mi ch'est parèle, etc....'
......L' pus dur pour l' intourache ch' est d' avoir l' maladie d' Heisenhower.....Min camarate, plus jeune qu'mi,85 ans' va vire s' femme tous les jours d'pus des années, , alle l' arconnot pus....L' père du bieau garchon comminche à perte les pédales, 84 ans,i n' a pus l'drot d' conduire, I s'rappelle d' rin....min bieau père m' arconnochot pus, "I a Pierre Bachelet qui est vénu m' vire i a pas longtimps" qu'i m' a dit un jour.....
........
...In s' arfait pus, J' arrife pas à m'ète dins l' idée qu'j'ai c't'ache la......j' sus pus viux qu' mes deux grands pères ! ! !
........ 
.    J' espère qu' ti , l' centenaire, qu' t'es core in bonne santé et qu'té crains pas l'pus viux d' l' hôpital. Té roules core à Mobylette ? ?

Salut à tertus,
mi aussi j'vais bin... et j'causse des fos avec nou ppPB d'sus face de bouc, même si je n'sus nin eune grinde babelle la d'sur.. j'y ai surtout de l'famile et des amis proches.
j'ai gramint d'traval, j'rimplace eune collègue depis pus d'deux mos, cha devot nin durer (foque 15 jours) mais cha dure et du cop j'martrouffe avec deux bébés à timps complet à l'majon pus les autes à récupérer à l'école et intre c'traval là et m'tiote intreprisse des "cartines" bin j'ai nin gramint l'timps d'venir balbeller ichi, pis y a aussi l'musique qui faut travaller pace que cha n'vint nin tout seul !!! in a deux concerts importants cheule année intre l'orchestre et l'quintette d'clarinettes
j'pinse souvint à vosautes tertous et j'espère toudis avoir d'pus d'timps pou venir
ouais je sais y faudrot vraimint prinde l'timps, in dit toudis cha, mais ch'est cha que je fais c'soir, in lisant les dernis sujets mais j'vois que ch'est déjà pus d'minuit et comme j'me lèfe à 6 h au matin, j'vas vous laisser pou aller m'couquer
j'vos imbrasse tertous et j'vas faire un effort pou arvenir pus souvint, si, si, j'vas vraimint essayer

...Salut les chtis...I a l' moral Cauchette, i n' a pus qu' li qui  met des messaches, i n' apersonne qui li répond.... salut Biloute.
pépéPéBé

tiote bellotte a écrit:

Salut à tertus,
mi aussi j'vais bin... et j'causse des fos avec nou ppPB d'sus face de bouc, même si je n'sus nin eune grinde babelle la d'sur.. j'y ai surtout de l'famile et des amis proches.
j'ai gramint d'traval, j'rimplace eune collègue depis pus d'deux mos, cha devot nin durer (foque 15 jours) mais cha dure et du cop j'martrouffe avec deux bébés à timps complet à l'majon pus les autes à récupérer à l'école et intre c'traval là et m'tiote intreprisse des "cartines" bin j'ai nin gramint l'timps d'venir balbeller ichi, pis y a aussi l'musique qui faut travaller pace que cha n'vint nin tout seul !!! in a deux concerts importants cheule année intre l'orchestre et l'quintette d'clarinettes
j'pinse souvint à vosautes tertous et j'espère toudis avoir d'pus d'timps pou venir
ouais je sais y faudrot vraimint prinde l'timps, in dit toudis cha, mais ch'est cha que je fais c'soir, in lisant les dernis sujets mais j'vois que ch'est déjà pus d'minuit et comme j'me lèfe à 6 h au matin, j'vas vous laisser pou aller m'couquer
j'vos imbrasse tertous et j'vas faire un effort pou arvenir pus souvint, si, si, j'vas vraimint essayer

J'ai eu m'réponse tout vas bien lol