J'étos dins l'cente d'un tiot bourg (limite corrèze, dordogne, route d'sarlat) j'passe d'vant eune jolie mason bourgeoise, pis j'ai arpassé d'vant pour savoir si j'avos vu doube !
un forsythia tout in fleurs ! déjà in fleurs, ch'étot bieau mais cha n'est pas normal.
in vot des abeilles qui butinent,cha aussi ch'est bizarre.

Tout cha ch'est l'faute aux Spoutniks ma pauv' dame.

Cha dit, cha arot été eune rose cha arot été plus facile à écrire que forsythia énon? D'ù qu'ch'est qu'is vont cachi des noms parels pour des fleurs?

Des qui sont in forme par ichi à cause du timps ch'est les taupes. Vinguette, cha creuse et cha taupiniérisse sacrémint. Cha n'hiberne nin ches bestioles? I faut dire que l'tierre elle est plus tindre que tchand qu'i gèle.
J'ai installé des bazars à ultrasons qui sont sinsés les invoyer creuser ailleurs. Ouais ben du chuc! I n'd'a eune elle a fait sin terril net là d'ùche qu'i a un apparel ainsi, qui fonctionne, in l'intind. Je me deminde si qu'i avot eune garintie....

Ben cha alors!
 j'prinds l'journal d'aujourd'hui, in première pache de la Montagne gros tite avec :          
Y'a plus de saison ma pov'dame. 
et eune légende :  on n'aurait pas oublié de passer à l'heure d'hiver cette année ?
Par chi aussi in a des tiotes biêtes qui font des galeries, in a moins d'taupes qu'avant mais fot dire que m'n'homme y a tout essayé comme moyens d'destruction, in a in plus des lapins qui passetent partout, et que j'te gratte el'terre, i n'se sauvent même pus dins note cour quanque in les surprins.
In est à l'limite d'eune réserfe ed'chasse, alors i sont tranquiles chez nous et nos voisins. 
Ch'est bientôt l'heure d'mette l'tabe, alors bon appétit tertous. A plus

Et quo qu'i a trouvé de mieux pour les taupes? Les miennes je les imagine avec un bieau sourire de taupe in train de rire de mi tchand que je les chasse.

Des lapins ne n'd'ai jamais vus par ichi. Par contre des renards et des chevreuls, i n'd'a à l'pelle. Des sangliers aussi, d'après les labouraches qu'is font dins les pâtures, mais je n'd'ai jamais vus in travers de min chemin. Des renards et chevreuls, ouais, plusieurs fos.... même que des fos cha fait peur!

Avec l'récauffemint, dins ène paire d'années, in verra des giraffes et des hyènes aussi 

man ! par du quemincher ?
Pour ches lapins du qui font du dégât ches d'in note tiot talus d'feurs, i font des tros énormes, j'râle tellemint que j'appelle m'n'homme, va vire i préparent l'tunnel sous la manche, in a tout essayé, même des caveux (ouais des cheveux) que j'ramenos d'chez m'coiffeuse, soit disant qu'cha les faisot sauver..... faux i z'abandonnent un tiot peu et pis cha arqueminche alors in arcouve l'sol d'un tiot grillache (cha n'impeche pas ches tiotes fleurs ed's'étaler ) y in a moins, in dira cha comme cha.
pour ches taupes, j'cros qu'in a tout essayé, jusqu'à note quien qui guettot quand que l'tiot tas ed'terre bougeot et m'n'homme pouvot donner un grand coup d'tranche, cha n'marchot pas à chaque cop.
Il a accaté tout ce qui étot gadgets, in vente dins ches camions d'bricolache qui passetent des les campanes, Rien comme résultat durape. Pis i est arvenu à l'façon traditionnelle l'fameuse pince, in dégageant l'passage , i place l'pince, i arbouche in mettant un tiot caillou d'sus le haut de sin piège comme cha quanque i vot l'caillou à terre, ch'est qui a  eune bestiole qui est passée par là, attrapée ou pas ?  faut vire.

Mi j'n'ai jomais eu de taupes, la terre elle étot comme du béton par contre j'ai grammin eu d'misères avec les fourmis qui sav'tent bin faire des dégats.

Quo qu'is font comme dégâts les fourmis, à part squatter les boîtes à chuc?

Bon, ch'est vrai, ch't'année i n'd'a eune colonie qu'elle s'a installée dins min plant de persil. Elles ont du être impressionnées par l'propreté de min gardin.... Bon, eh ben l'persil i a mouru.

Et, parce que je chus à peu près sur qu'i n'd'a l'un ou l'autre qui va nin résister à l'invie de me deminder si que le l'ai bin arrosé, le persil, je réponds d'avinche: bante de voyous!

batisse a écrit:

Et, parce que je chus à peu près sur qu'i n'd'a l'un ou l'autre qui va nin résister à l'invie de me deminder si que le l'ai bin arrosé, le persil, je réponds d'avinche: bante de voyous!

in tout cas ch'est nin mi qui arot dit cha !!!
et tes salates alles vont bin ???

LaClo, ches caveux ch'est vraimint bon pou ches sangliers, mais faut les remplacer d'timps in timps, pour ches lapins et pour ches taupes j'connos pas d'armède ou alors des collets pou ches lapins. Nous in a pas d'taupe vu qu'in à deux cintimète d'terre insuite ch'est de l'caillasse.

In nous dijot dins not enfance que pour attraper des lapins y fallot leur mette du sel sous l'queue, cha dot aller aussi avec les taupes surmint...

L'sel sus l'queue ch'étot pou ches moniaux dins min coin.

...Ch' est vrai qu'i a pus d'saison.

Paquerettes de noel (le 26 décembre)
PéPéPéBé