Mi aussi j'utilisse  d'pis des années Mozilla Thunderbird, ch'est Batisse qui m'l'avot conseillé et j'ai jamais eu d'problinme, j'fais les listes que j'veux, j'classe par noms etc...j'peux classer ché mails intrants par assos etc etc... pas de PB cha tourne.
J'te consèle Tiote

Ah! j'voudros réponte aussi à Batisse, j'sus d'pis l'début sus "Windows 10" après ête passé à "windows 8" mais m'tour qui queminche à ramer après quiques années d'bons et loyaux services, ale est cor sus "windows 7".
Ch'est fini l'ach' ed la pierre, je m'sers pu d'min martiau ni d'min burin pou graver.

Mi j'me deminde commint qu'in va faire dins queques années, pace qu'asteur in arrife cor à saisir vite (infin assez vite), mais quind in ara 90 ans, avec l'évolution que cha prind tout cha, in va vieillir avint l'âche mi j'vos l'dit !  pis in ara eu l'habitude d'buquer su ch'manicraque et vos croyez qu'in pourra s'in passer à c't'âche là ? alors qu'is nous distent asteur d'tout faire par internénette ! mi j'résiste pour certains papi, j'veux cor les avoir in mains propes (j'fais bin attintion d'laver mes tiotes mimines avint d'aller à l'boite aux lettes ) et pourquo cha s'rot à nosautes d'tout imprimer !!!
Déjà dins min métier in nos a dit qu'à partir d'janvier 2016 in aura pus nos fiches d'salaires, i faudra les imprimer si qu'in les veut... mais is ont d'l'artard à l'allumache et pou l'instant in les arçoit toudis et tant miux car demain j'ai rindez vos à m'banque et j'dos amener mes bulletins d'salaires des tros derni mos, et mi j'ai 4 imployeurs différints, donc 4 fiches d'paye par mos, vos veyez c'que je veux dire, bin dins quelques mos pour l'même opération faudra qu'j'imprime  d'12 à 16 paches selon l'grandeur du bulletin d'salaire. !!! t'as eune chance su deux quéhir in panne d'cartouches d'encre avint la fin d'l'impression et que cha t'arrife un jour ou eune heure où chés magasins is sont freumer...
infin comme i dit nou copain pépéPéBé (coucou Pierre) tout i est fait pou immerder l'ovrier !!!!

Ne t'énerfe nin mémère, ch'est mauvais pour t'tinsion et te vas devoir doubler t'ration de gouttes.

A m'mote que d'ichi bétôt i ne faudra pus buquer. L'dernière fos que j'ai été vir min cardioloque, i a causé dins un micro pindint que je me rhabillos. In fait i dictot eune lettre pour le généralisse et l'lettre i l'a imprimée et me l'a donnée tout de suite. Cha li évite un timpe!

A part cha, pour tes fiches de paye, nou gouvernemint simplificateur i a incore trouvé malin d'armuer le brun avec le prélèvemint de l'impôt à l'source. Pour les gins qui ont plusieurs imployeux, ch'est le brun, forcémint. Is n'ont nin pinsé à cha nous énarques de brun qui ont fait des ans d'étutes pour compliquer tout cha qui lu est présinté. Is vont suremint nous présinter cha comme un grind progrès tchand qu'is vont essayer d'être réélus.

Alors qu'i arot été tellemint simple de rinte obligatoire le prélévemint minsuel de l'impôt! Bante de nonoches...

Ouais, pouquo faire simpe quind in peut faire compliqué !

J'vos raconte nin aussi min parcours du combattant quind, honnête, j'ai voulu m'déclarer pou m'deuxième activité (vir pou ceusses qui connais'tent nin cor d'sus : www.les-cartines.com ).... j'sus allée tros fos à l'Urssaf avec un discours différent à chaque cop, finalemint j'ai heureusemint des amis qui avottent l'même statut que j'voulos avoir et ch'est mi qui ai fini par espliquer à l'dame (fort gintille) de l'Ursaff c'qui m'fallot comme papi.... et j'ai arcomminché y a deux mos avec les impôts qui voulottent m'faire payer la taxe foncière su les entreprises alors que j'y sus nin assujettie... ch'est dur d'ête honnête ch'est mi qui vos l'dit ! 
Infin cha occupe tout cha, des fos qu'in s'innuierot !

Pauf tiote. Is vont te faire tourner maboule énon?

Bon, cha dit, t'es vraimint honnête. Ch'est eune si grosse intreprisse que cha que t'as? Te connos des cas que cha a mal tourné pour eune micro intreprisse?

T'aros pouvu mettre tes bénéfes à Panama, comme les grinds de ce monte qui nous piqtent nous doupes, mais apparemmint cha ne vaut pus le cop

J'cros que mes tiots bénéfices j'vas les mette dins eune bouleusse intérré dins min gardin, vers mes frimboisiers que certains ont eu bin quers y'a eune coupe d'ans avec eune pancarte "frimboisses du Panama" j's'rai pus sure d'les artreuver que d'les mette dins un placement.