Eh ben mes gins, je chus tout défoutu. Ch'étot aujord'hu l'rintrée des classes - si si, à m'mote qu'in va même in causer aux infos à l'télé - et je m'réjouissos d'réintinte tous ches tiots in train de rire et juer dins l'cour de l'école qu'elle est à 50 mètres de min gardin. Ch'est un tiot villache, avec eune mairie/école. Les cris d'afants, ch'est super pour l'imbiince d'un villache. Ch'est eune séquo qui fait se dire qu'in est fin bin.

Ouais, ben tout cha ch'est fini. L'mairie/école ch'est à ch't'heure eune mairie/mairie et les tiots is dottent printe l'bus pour aller dins eune école dins un villache à 6 km.

Je n'd'arai quind même profité 4 mos depuis min déménagemint.

Dire que tchand qu'in étot jones, nous les dommaches de guerre, in étot des masses dins les écoles et i n'étot suremint nin question de fermer des classes. Signe des timps...

Ichi aussi y ont fermé l'maternelle trop tiot village y minque trois éfants

In ferme !!!! cha peut faire ché pas graf qui disent in haut

ché malheureux mais p'tit à p'tit in vas disparaitre

Ché jenne y n'auront pu invit d'vivre dins ché villache si y a pu rin

In a bau s'battre pour faire des fêtes

Ichi dins min villache -gros villache d'4500 habitants, in vient d'ouvrir eune nouvielle classe in primaire et i s'en fallot d'peu que cha seuche parel in maternelle.... i a queques ans in acceptot toutes les dérogations pou nin êtes in fermeture et asteur in arfuse chés dérogations pace que sinon in n'peut nin accueillir tous chés tiots du villache... à m'mote de dins queques ans cha s'ra l'contraire....
Sauf que ch'est bin pus dur d'ouvrir eune classe que d'la freumer... l'nombe d'élèfes pris in compte n'est nin l'même dins chés deux cas....
Cha qui fait qui a des fos des heureux et des fos des malheureux, des fos ch'est les mêmes à queques ans d'écart.
Mais cha qui est sacrémint dur, ch'est cha que vos vivez mes gins, un villache sins école et sins chés cris et jux d'infants...
m'fille habite un tout tiot villache (400 personnes j'cros in comptant chés vaques) et l'maire pou attirer chés jonnes a vindu des terrains à construire à des prix intéressants et a ouvert eune tiote crèche pou chés bébés... du coup i a eune paire d'jonne couples qui s'sont installés et l'école n'a nin freumée... min tiot fiu pourra user chés bottines dins l'cour