qui qui pourrot m'dire quemint qu'in conjugue l'verpe  "choisir" au présent

la clo a écrit:

qui qui pourrot m'dire quemint qu'in conjugue l'verpe  "choisir" au présent

J'm' deminde si ché pas ine blafgue
Mais bon j'réponds

je choisis
tu choisis
il choisit
nous choisissons
vous choisissez
ils choisissent

J'ai bon ? j'ai gagné quoi ?  des cacoules ?
Cauchette

ch'est pas eune blague, t'as bien conjugué ..... in français

mais m'demande ch'est pour conjuguer l'verpe   in patois   in chti

j'pinse mi que cha queminche par je quejis etc.....

qui qui pourrot m'dire

combien de pions ches mineurs avotent

un qui donnotent à l'lampisterie
un qui gardotent chez eux ou pas ?

la clo a écrit:

ch'est pas eune blague, t'as bien conjugué ..... in français

mais m'demande ch'est pour conjuguer l'verpe   in patois   in chti

j'pinse mi que cha queminche par je quejis etc.....

J'étot pas n'dins
Milles excuses

j'ai treuvé ailleurs  que choisir = cujir
Ché mi si j'm'souviens bien in disot chosir

je cujis
tu cujis
il cujit
nous cujissons
vous cujissez
ils cujissent

J'espère avoir aidé à rallumé d'lanterne
Cauchette

la clo a écrit:

qui qui pourrot m'dire

combien de pions ches mineurs avotent

un qui donnotent à l'lampisterie
un qui gardotent chez eux ou pas ?

Min père y m'avot dit
Qu'il échangot sin pion contre s'lampe
seul moyen d'savoir si l'mineur y étot armonté
quand y échangeot s'lampe contre sin pion
mais j'ai jamais intindu dire qui n'avot plusieurs

Merci Piegan. j'ai caché un peu partout. j'attinds el'z'autes pour vire.

Bonne soirée. 
J'min vas arpasser un tiot peu i fait moins caud, là ch'est supportabe
surtout avec l'vapeur du fer.

la clo a écrit:

Merci Piegan. j'ai caché un peu partout. j'attinds el'z'autes pour vire.

Bonne soirée. 
J'min vas arpasser un tiot peu i fait moins caud, là ch'est supportabe
surtout avec l'vapeur du fer.

un vrai sauna

Bon courache

Bonjour mes gins...mi j'diros

j' cujis
té cujis
i cujit
nous cujissons
o cujissez
i cujittent

Mais mi , à m'maison l' première et l'trosième personne du singulier..ch'est m'femme , alors j'dis jamais j'cujis...j'dis  alle cujit !

Baisses.
Léon

Par pitié..n' dijez pas "des pions" in parlant de l'taillette...ch'est un si bieau nom..!




Ch'est un p'tit bout d' férale, rond, perché au milieu
Avec un numéro tout bête, "232"
Que j'ai démuché hier, in cachant dins ch' tiroir
Et qui d'un seul momint a ralleumé m' mémoire.
J' t' arvos, i a 50 ans, ch' étot la fin d' l' hiver ,
T'es v’nu nous dire "à r'voir", pis t'as imbrassé m'mère ,
T'as mis t' grosse canadienne, et su' t' n'épaule , t'musette
Et t' es parti à  l' fosse, saquant sur t' cigarette
Je n’devos pus t' arvir .
À 4h au matin, y'a eu un grand coup d'mine
Et pis après pus rien ,
I avot un tué in plus, j'avos un père in moins .
Ch'garde  i est venu nous l' dire, d' bonne heure au matin
Oh!  i a pas eu d'manière, i a pas eu d' bieau discours ,
Pas eu d'minisse brayant su l' catastrophe du jour ,
Quand i a jusse fos qu'un tué, un mineur mort tout seu ,
Ch'est pas eune catastrophe, ch'est tout juste malheureux .
Nan,  i a eu jusse qu'eune veuve et pis deux orphelins
Et l'chercueul in bos blanc avec min père  d'dins.
Et ch'est sus l' carreau d' fosse, in sortant d' l' infirm'rie
Qu'un homme s'est avinché, qu’ i est  v'nu au devant d'mi .
I' n' savot pas commint faire, alors i a inl'vé s' casquette
Et  m'a dit: "Tiens min loute, garde le, ch'étot s 'taillette"
Ch'est un p'tit bout d' férale, rond, perché au milieu
Pas l' médale du traval, mais gramint plus précieux.
" />

Bonjour et Merci Monsieur Léon Grossel d'avoir rectifier 

ej' cachot après sin nom mais cha n'marvenot pas, y a trop longtemps que chu partis d'note pays

Vous faites partis des derniers grand patoisant qui sauvegarde not' language

Je profite d' l'occasion pour vous féliciter et vous r'mercier, pou vos sketchs in patois aveuc vot' camarad' Gérard cha m'rapproche du pays d'vous intinde

Et j'ai bien du plaisir

Merci à vous

Bonjour tertous j'ai pas trouvé d'poème mais jai treuvé un bel article sur les mines où il parle de l'taillette

en voici un extrait


La journée à la mine se déroulait de façon rituelle : arrivé sur le carreau de fosse il passait par la salle de bains appelée « salle des pendus », se déshabillait et après avoir enfilé ses " loques ed'fosses ", accrochait ses affaires à un crochet qu’il remontait à l’aide d’une corde (d’où le nom« salle des pendus »), passait par la lampisterie où en échange d’une lampe il donnait au lampiste sa taillette (jeton) permettant ainsi de savoir qui était descendu au fond, et montait dans la cage d’ascenseur pour rejoindre à 460 mètres sous terre,les quartiers.

le lien du texte en format PDF

http://www.a3w.fr/Donnees/Structures/81982/Upload/388251.pdf

Bonne lecture

Promis j'va dire à partir de ch'matin eune taillette.
rien qu'in arlisant ch'poème j'avos des frissons
tellemint ch'est bieau et vrai.

Merci, Monsieur Léon pour toutes ches précisions

seulemint j'va m'permette d'arnouveler m'recherche
sur:
quemint qu'in touchot l'quinzaine, ch'étot l'bulletin d'paie
l'taillette ou aute cosse qui fallot présinter au guichet
j'm'rappelle pus.
Merci à tertous

cha m'fait plaisi  d'vire Léon sul site 

Si j'cache après plein d'tiots détals comme cha ch'est que j'me sus prise
au jeu d'cacher dins l'vie des mineurs de m'famile. 
J'ai mis tout cha dins un recueil d'photos, d'souvenirs in m'disant peut ête 
qu'un jour cha intéressera quéqu'un.

A chaque cop qu'j'in parle ben, in m'écoute, j'sus étonnée souvint.

J'ai fait parel pour l'parcours d'min père pindant l'guerre 39-45 cha m'a pris du temps
mais j'sus continte ches tiots infants m'ont demindé des doubes d'photos.

Un traval d'mémoire que j'conseile à beaucoup d'anciens

Passez eune bonne journée, in espérant qu'in aura pas trop d'oraches et d'dégâts.

T'as raison la clo de faire cha
mi j'sus sure que ça intéresse ou que cha interessera...
Mi quind j'étos tiote ou jonne femme, j'm'intéressos pas d'trop à l'vie d'avint dins chés mines, ou bin de commint ch'étot dins ch'nord du timps d'mes grinds parints et asteur cha m'interesse, quind j'armonte chez mi, j'acate des bouquins qui parlent de l'région
j'cros qu'in veillissant in a besoin d'connaite chés racines, cha fait partie d'not' héritache

L' fiche de paye ch'étot dins l'fosse qu'in vous l'donnot , in meme temps que les sous..

L' jour de l'quinzaine , l'argent liquite il étot transféré dins les locaux de l'fosse . Les mineurs faijottent la queue devant un guichet et là tout l'monte i s'connaichot , alors pas besoin d' carte d'identité...i fallot pas donner sin numéro Iban ou bin sin RIB ...

In donnot juste sin nom, sin prénom et sin matricule et là l'guichetier i répondot par eune série d' chiffres..d' numéros ..d'quantités que j'comprénos pas du haut d' mes dix ans in serrant l'main d' min père.

Min père i prénot s' n'enveloppe qu'in li tindot à travers l'guichet et là in sortot in croisant ses camarates. 

Après min père il mettot l'enveloppe dins m'poche d'paletot in d'dins et il fermot l'poche avec deux grosse épinques à nourrice d'deux pouches d'long que m'mère alle m'avot données....et là, fier comme eune crotte , j'arvénos avec min père à l' maison in faijant eune pétite halte au cabaret pour boire un verre .

Vla chi eune pépite..profitez-in:

http://urlz.fr/26rn

Un grand merci Léon pour toutes ches précisions. 

J'sus allée quequefos prinde l'quinzaine. Min père i m'avot donné les sous (y devot sûremint aller faire autecosse s'ch'jour là).
j'vous assure qu'j'ai pas trainée, j'sus rintrée vite à l'mason et tout l'long du quémin j'ai ravisé plus d'un cop si j'avos toudis ches sous d'in m'poche.