In veyant chés informations hier au soir, j'ai pinsé à Loumarcel qui vit à côté Montpellier et j'espère qu'i n'a nin les pids dins l'ieau pace que si mes souv'nirs sont bons i a eune tiote rivière qui coule nin loin de s'mason 
alors Marcel si té passes par ichi et que t'as de l'connexion, rassure nos.

quind même cha arrife d'pus in pus souvint chés innondations !

Té l'as dit, cha fait un rute bazar. L'file de m'sœur a eune majon à Cascatel dins l'Aude. Au cours d'in orache l'ieau a tout importé à côté de l'tiote rivière.....Dins l'perception dins l'école maternelle  tout a été "déménagé........l'percepteur n'a eu que l'temps de s'sauver. Heureus'mint qu'ch'étot par nuit i n'avot pas d'gosses dins l'classe, l'ieau alle est montée presse que jusqu'au plafond..incroyape....tous les pids d'vine importés aveuc l'tierre.......même l'tiot pont construit du timps des romains avot bougé....j'pale pas d'l'impilache d'votures qui avot dins les tournants.......In a peine à imaginer l'brun qu'cha fait..J'plains d'toit cœur ches gins la.
..........
Bonus: A Cascatel i a les vestiches d'un catieau de Simon de Monfort j'cros, du timps des Timpliers...... I a aussi du bon tiot pinard à l'cafe coopératife du qu'in dallot "faire l'plein"........

Photo tirée de GOGOLE 


.........

Ch'est dommache pour le percepteur.....

Ch'est eune blague hein, je n'ai rin contre les percepteurs. Ch'est foque eux qui ont l'air d'avoir eune séquo contre mi!

.....Dins l'école, dins l'classe, les éfants avotent dessiné eune girafe d'sur un mur, eune girafe dont l'tiète arrivot presqu' au plafond........l' ieau alle a monté jusqu'à l'tiète de l'girafe, in veyot les traces d'sur l'mur. L'perception étot au même niveau qu'l'école, jusse à côté. I a du faire vinaique pour s'barrer aveuc s'fin-me et un éfant in pleine nuit... Dins l'école comme dins l'perception i n'avot pus rin du tout, pus d'portes, ferniètes,pus d'meupes....
.    Vous savez tertousses qu'in mète cupe d'ieau pèsse eune tonne, imaginez l'poids de l'ieau qui peut avoir dins eune salle d'classe. Faut pas s'étonner qui peut avoir un dallache parèle.
..........
., J'ai pris des diapos mais j'les ai pas core scannées.

.........

Bonjour Tertous, 
ouais l'rivière qui coule in bas et dû qui a presque jamais d'iau bin dins ches cas al monte sin niveau ed 2 m. Nous in est dins l'colline au d'zeur', l'iau al traverse ch'terrain, al va amon de ch'voisin et al coule vers ch'ruchau qui est dev'nu eine grosse rivière. Cha a raviné tout partout, in n'vot pus que ches cailloux.
Cha fait pas mal d'année qui a pas eu d'inondation dins ch'villach', is ont ar'creusé sin lit et is ont fait des réservoirs pou ar'ténir l'iau qui déchint du Pic St Loup et d'ailleurs.
Bon in est cor passé à côté, mais vous avez dû vire des villach' pas loin d'ichi dû qu'i in a qui ont tout perdu mais ch'étot pas l'minme rivière qu'ichi.

Be,; nous v'la chi rassuré Marcel !
Ch'est vrai que l'ieau cha fait d'sacrés dégats, in n'peux nin lutter contre s'force !
Chez nosautes y a une coupe d'années in avot eu un sacré orache qui avot fait un sacré brun dins nou lotissement. Nosautes in a eu de l'chance l'ieau est passée d'sus l'côté des murs. In avot pu rin dins l'gardin, nettoyé sec  (infin si j'ose dire !). Tous chés légueumes étottent disséminés chez les vojins. In a vu des porieaux flotter !
In a eu pusieurs vojins qu'in a aidé à écoper leu sous sol tout inondé. A un momint m'vojine à côté (pauf femme malade qui perdot l'vue) m'appelle in dijant qu'elle intindot un grind bruit dins s'majon, elle avot peur qu'un mur ch'étot écroulé. Min homme est allé jusqu'a chez elle in s'tenant au grillage pour nin ête importé par l'ieau, in arot dit qu'eune rivière étot arrivée là. Par chance ses murs d'mason étotent debouts mais sin mur d'clôture mitoyen avec l'propriété au bout du gardin étot tout écroulé sus pusieurs mètres.... Ben ouais à force d'tout betonner l'ieau qui dins les décennies précédentes étot absorbée par l'tierre des quemins bin là elle a gliché comme d'sus eune piste de ski....

Bin ouais et i y in a qui bertonne passe qu'is bétonnent et is ont raison.

Infin bon, vir ses poreaux ou, incore plus pire, ses côtes de bettes flotter, cha dot être terripe.

Is ont ouvert une boutique de soupe in bas de l'rue? Is arottent pu énon?

In tous les cas, z'avez raison: l'ieau ch'est dingereux. Ch'est pour cha que j'in bos le moins possipe....