jean pierre semblat dvise



.qu'est che que chol " picardothérapie" apporte ?



ch'est plus a destination d'chés anciens . dins chés résidences ed'gins soé disant "agées" j'interviens in picard aveuc chés contes , chés légendes, ou bin cor des rébus invintés par un picard .



quand j'arrife , chés pinssionnaires sont lo . chés hommes et chés fémes naisste a quate pattes mais i finisste souvint a quate reules. quand j'arrife et qu'i z'ouvte un eule pi deux et i s'rétampichte . i rite quante i faut rire . am'zure un molé in r'tard parch'que l'humour picard i faut l'comprinde .



pour ceusse qui m'connaisste d'loin , j'nai pu d'nom ni d' tiot nom , ej'su "ch'picard". mais ej'su surtoute in " agitateur culturel" eune grinde cuillére in bo qui touille . méme si ch'l imache n'est point trop rétuse ; a chaque coeup j'asseye ed'mette un molé d'picard ; ch'est point triste . ch'est in-ne langue qui donne plus el sourire qu'chol tristesse



eune boéne séance; chés quand qu'ch'est fini quiqu'un m'édminde : quand j'ou qu'té r'viens ?? j'i rinfique alors :



"el prochaine foé " et lo , j'ai l'sentimint d'éte utile .