|
Auteur | Message |
---|
la clo
Sexe : Date d'inscription : 25/12/2009 Messages : 647 Brive la Gaillarde
| Sujet: Catastrophe Sam 17 Mai 2014 - 9:28 | |
|
J'va p't'ête casser l'bon déroulemint des garlousettes, mais y a un évènement qui m'a fait réagir. Ch'est l'peu ou pas d'réaction à l'catastrophe minière in Turquie. In est sur un site chtis, donc in a connu ou intindu parlé d'ches momints dramatiques. Qui soient turcs, chinois, sud américains ch'est parel pour mi, i sont tous frères ed misère. Leur sang i est rouche comme l'note et les larmes d'leurs familes ale valent les notes d'larmes. J'ai vraimint été choquée par l'silence autour d'cha. Mais comme dirot l'aute, tout sin va, ma pauve dame ........ ch'est comme cha i fot s'y faire. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Catastrophe Dim 18 Mai 2014 - 20:15 | |
|
Mi que je ne chus nin d'origine minière, j'ai aussi été étonné de ne vir aucune réaction ichi.
Perso, j'ai pinsé à Léon et à sin magnifique texte chu l'taillette. Je me dijos que pour un mort in n'intind rin, à moins de l'connaître, mais que pour plusieurs chintaines cha serot sins doute toute eune affaire parmi les espécialisses.
Et pis non. Ch'est vrai que ch'est étonnint...
Ch'est vrai aussi qu'i ne vient nin grind monte. |
|
| |
la clo
Sexe : Date d'inscription : 25/12/2009 Messages : 647 Brive la Gaillarde
| Sujet: Re: Catastrophe Lun 19 Mai 2014 - 10:04 | |
|
J'ai mis aussi un tiot billet sur un aute site, du qu'là aussi y avot queques-z-uns qui in parlottent.
je savos qu't'allos réagir. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Catastrophe Lun 19 Mai 2014 - 11:19 | |
|
Filousse!
J'ai vu t'n'intervintion chu un autre site. Là non pus i n'a nin eu grammint de commintaires. I faut dire que ch'site-là ch'est nin comme ch'ti-chi. I n'est nin ***çu pour discuter. |
|
| |
la clo
Sexe : Date d'inscription : 25/12/2009 Messages : 647 Brive la Gaillarde
| Sujet: Re: Catastrophe Lun 19 Mai 2014 - 11:30 | |
|
Du qui est l'temps où in lancot un appel dins un bistrot un peu vide et même qu'cha résonnot fort. In mettot un tite, genre : La Clooooooo à ch'comptoir !, Batiiiiiisse du qu't'es ?, Lou Marcel, etc etc et tout l'monte rapliquot ! in devrot peut ête essayer, va savoir !
ch'est l'heure, j'min va faire des "rouleaux d'printemps", cachez pas ch'est pas eune recette chti.
A plus |
|
| |
tiomolet62
Sexe : Date d'inscription : 22/02/2013 Messages : 489 calais
| Sujet: Re: Catastrophe Lun 19 Mai 2014 - 13:04 | |
|
eut'n idée al'est boén-ne la clo , ; mais mi étou j'a asséyé d'relancer un site adou qui a un comptoir aussi , ed'puis l'moé d'janvier malgré qu'os laissonches des méssaches quazi quotidienemint ; ehh bin ...os avons c'minché a 3 ; pi résultat 5 moés plus tard os sommes toudis 3 j'vouloé dire a mes 2 camarates qui vienne'té ichi ; mais j'nai point osé car ch'est pététe l'un des 2 qui a crée el site ! enfin voila tout .... tout cha pour dire que ch'n est point aisé ed'rachuchoner chés gins ! a l'arvoyure mes gins ! |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Catastrophe Lun 19 Mai 2014 - 14:03 | |
|
Bonjour tertous J'comprinds tout à fait cha que tu veux dire la clo Mi aussi, j'ai été surprisse.... in toute honnêteté j'voulos lancer un sujet su cheule catastrophe mais J'ai attindu pou vir si quequ'un allot l'faire. Bin ouais, d'pis queque temps y a que Batisse et mi qu'in lance des nouvieaux sujets (in dehors de garlousettes et violons dingues) et in est un tiot peu découragé.... Ch'est vrai que ti tiomolet, té fais d'bieaux efforts pou lancer aussi des sujets, mais j'arrife nin toudis à lire l'patois boulonnais et cha m'deminde des efforts, mais surtout ne l'prind pas mal, j'm'accroche, t'inquiète... Pour réponde à t'question tiomolet, tertous à l'droit d'ouvir des sujets, que ça seuche les administrateurs où ceusses qui ont créé l'site, un forum ch'est fait pou cha. L'site a été créé in collaboration par 11 amis chtis (laclo, batisse, roger, loumarcel, camanette, matante, mérilou, nougatine, andré, thérèse et mi), avint in étot tertous d'sus l'site que té parles dins tin post et d'ù qu't'écris sous l'pseudo de flobart, mais suite à d'nombreux problèmes que j'veux nin raconter ichi, in est partis et in a créé c'site ichi, et pas mal d'membres qui étotttent d'sus l'aute site nos ont arjoint ichi. Valà tiomolet ch'étot pour que té saches. Asteur, j'participe à pusieurs forum (chtis ou pas) et in constate tertous qu'in c'momint i nin gramint d'participation.... Mi j'dis qu'i faut nin s'décourager, même si y a moins d'gins qui viennent écrire, je sais qu'in est lu. Je l'sais pace que suite à ma newsletter du 1er mai, eune douzaine de membres qui n'écrivent nin d'sus l'forum m'ont invoyé d'gintils mots pou dire qu'is avottent querre l'forum et qui venottent lire régulièremint... Et comme j'ai déjà dit à pusieurs reprises, pus qu'in écrira, pus in s'ra susceptipes d'avoir des gins qui vont osez pousser l'porte du forum.... infin, j'veux y croire. Bon ch'est pas tout cha, mais faut pinser à l'ouvrache, mi j'sus nin in artraite et asteur j'ai deux activités professionnelles, pus l'musique (ch'est l'période des concerts) et z'avez vu, malgré tout cha, j'prinds l'temps d'venir écrire un tiot mot In tous les cas, j'imbrasse tertous qui vient nos lire ù qui vient mette un tiot mot, même si ch'est nin souvint... |
|
| |
tiomolet62
Sexe : Date d'inscription : 22/02/2013 Messages : 489 calais
| Sujet: Re: Catastrophe Lun 19 Mai 2014 - 14:53 | |
|
oué ch'est cha tiote belotte , FLOBART ch'est mizote !! adon ; si j'ai bin compris cha sert a rin d'in parler a mes 2 camarates ed'l aute coté; car si al'z'avoétes voulu al's'roétes déjà aveuc nouzotes ichi ! j'eul savoé pon !! bon allé adé mes gins , bonne après midi et merci d'avoér répondu tiote belotte |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Catastrophe Lun 19 Mai 2014 - 15:22 | |
|
Ouais Tiomolet si qu'alles avottent voulu venir, alles l'aurottent fait, mais chacun est lipe d'faire comme i veut... pou tisaute ch'est bien, té peux avoir des camarates sus les deux sites.... té sais c'site là nosautes in y a écrit pindint pusieurs années, certains d'nosautes ont même largemint contribué à lancer c'site là, in avot des conversations d'pus 70 réponses des fos !.... in avot l'même pseudo qu'ichi, si t'arcaches té vas treuver des vieilles conversations q'ù qu'in a participé, malgré qu'i y a certaines rubriques qui n'sont pus complètes, l'administrateur du site in question ayant du faire de l'plache, question capacité du site... bonne fin d'jornée à tertous, pou m'part j'arviendrai demain.... |
|
| |
tiomolet62
Sexe : Date d'inscription : 22/02/2013 Messages : 489 calais
| Sujet: Re: Catastrophe Lun 19 Mai 2014 - 19:00 | |
|
- tiote bellotte a écrit:
- Ouais Tiomolet si qu'alles avottent voulu venir, alles l'aurottent fait, mais chacun est lipe d'faire comme i veut... pou tisaute ch'est bien, té peux avoir des camarates sus les deux sites.... té sais c'site là nosautes in y a écrit pindint pusieurs années, certains d'nosautes ont même largemint contribué à lancer c'site là, in avot des conversations d'pus 70 réponses des fos !.... in avot l'même pseudo qu'ichi, si t'arcaches té vas treuver des vieilles conversations q'ù qu'in a participé, malgré qu'i y a certaines rubriques qui n'sont pus complètes, l'administrateur du site in question ayant du faire de l'plache, question capacité du site...
bonne fin d'jornée à tertous, pou m'part j'arviendrai demain.... tiotebelotte a chaqu'un sin site et chés vaques s'ront bin gardées !! si al z'on decidés de n'point vous suive , ch'est qu'al z- on leu raisons ; comme in dit sul cote d'opale : chaqu'un sin pain chaqu'un s'n hérin ! bonne soirée a l'arvoyure ! |
|
| |
la clo
Sexe : Date d'inscription : 25/12/2009 Messages : 647 Brive la Gaillarde
| Sujet: Re: Catastrophe Mar 20 Mai 2014 - 8:49 | |
|
Bonjour ! j'avos oublié "chacun sin pain et s'n'hérin". te devros l'mette dins l'liste des espressions ! |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: Catastrophe Sam 24 Mai 2014 - 9:39 | |
|
Alors Laclo té vas faire des rouleaux d'printemps, té vas mète des bigoudis alors pou faire des rouleaux à tes caveux pou ête toute mignonne pou ch't'été. Ch'est cha des rouleaux d'printemps? |
|
| |
la clo
Sexe : Date d'inscription : 25/12/2009 Messages : 647 Brive la Gaillarde
| Sujet: Re: Catastrophe Sam 24 Mai 2014 - 11:54 | |
|
J'va devoir trouver des tiots rouleaux alors pace qu'hier je m'sus fait coper mes caveux bien courts.
Mes rouleaux d'printemps à mi ches ceusses qui ont d'dins des germes ed soja, de carottes râpées fin pi surtout des grosses crevettes, pis del salate. Tout cha bien inroulé dins eune galette fine ed'riz. J'les fait mi même, ch'est bien meilleux Là dessus bon appétit mes gins vlà midi qui arrife.
A plus |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Catastrophe Sam 24 Mai 2014 - 11:56 | |
|
Vingt diousse cha dot ète bon ! ! j'sins l'odeur d'ichi. |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: Catastrophe Sam 24 Mai 2014 - 18:57 | |
|
Ch'est vrai qu'ch'est bon des rouleaux d'printemps, in in minche assez souvint et in trimpe cha dins eine sauce esspéciale. In a quer cha. |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Catastrophe Dim 25 Mai 2014 - 8:37 | |
|
Ouais ch'est bon, j'ai l'arcette mais je n'd'ai jamais fait mi -même, faudra que j'essaie... un jour Au fait pouquo in dit "rouleaux d'printemps" in a foque l'drot d'in minger au printemps, des "rouleaux d'hiver ou d'été" cha existe ? |
|
| |
Contenu sponsorisé
| Sujet: Re: Catastrophe | |
|
|
| |
|