Vinguette, is nous l'ont mis profond!

Vu qu'i ne fait nin bieau, je m'ai dit que j'allos faire m'déclaration. Et vu que je j'essaye d'être un pépère moderne, je l'ai faite in ligne. L'avintage ch'est qu'in sait direct combien qu'i faut mettre de côté pour payer.

Eh ben l'surprisse elle est mauvaisse! Par eximple, m'pinsion de sécu elle a augmintée de 25.67 euros par mos, in comparint le 1er jinvier 2013 au 1er jinvier 2012.

Je ne chus nin très malin mais pour mi 11 fos 25.67 cha fait 282.37. Et cha, ch'est si que l'augmintation elle est au premi février et compte donc chu 11 mos. Et donc, logiquemint, l'ligne correspondint aux revenus de pinsions sécu 2013 devrot augminter au maximum d'inviron 280 euros par rapport à 2012. Ouais, eh ben Monsi Bercy i calcule que m'pinsion de sécu elle a augmintée de 1626 euros.

Ch'est comme si que j'avos eu un 13ème mos. Mais je ne l'ai nin vu!

Le reste est à l'avenint. Je ne vous raconte nin l'augmintation chu le chiffre final du net à payer....

Min pauf Batisse ! cha fait quer l'tupe d'vaseline c't'affaire là ! In puq ch'est nin rimbourése par l'sécurité sociale l'vaseline j'cros bin ?
A min avis qu'is ont fait eune erreur..
Y a d'quo t'arracher les caveux (si té n'd'avos cor   )

Mi j'l'ai pas cor faite m'déclaration, par internénette in a cor l'temps -ouais, mi y a bielle lurette que j'sus une future mémère moderne- j'ai même nin cor ravisé cha qu'is ont écrit, j'vas cor attinde un tiot peu, paraitrot que d'main i dot faire bieau, j'vas pas m'gâcher l'jornée par avince....

I n'a nin l'air que ch'est eune erreur tiote. Cha fait parel, in pire, pour l'complémintaire.

Et in m'arlisint je m'ai dit que j'avos fait eune erreur de calcul, que j'ai à ch't'heure corrigée, et ch'est incore pire.

Profite de t'bielle journée. Ichi i tchet des averses de timps in timps. Nin du timps à sortir in mobylette...

Mi aussi j'sus core un arrière grand père moderne, J'fais m'déclaration par internénette et j'calcule insuite mes impots. j'sais pas si qu'aveuc un seul tupe d'vaseline j'in arai assez. Cha buque sec.
.                 Bof ! ! J'arrêtrai d'boire et d'feumer cha séra pas facile j'ai jamais bu j'ai jamais feumer du tout.

.   Jé m'deminte même si par momint is veultent pas nous l'infoncer par l'gros bout bien profond sans vaseline.
.   Cha et pis les preunes.
.    J'ai gagné 90 euros et un point in moinsse, j'sus un dingereux conducteur, pourtant d'pus 1957 j'ai core jamais écrasé personne.......51 kmh au lieu d'50......ch'est fort grafe.
.   Ch'est un break Renault blanc qui suit les gins pour leur foute dins l'c.. sans vaseline....
.   Ach't'heure quand qu'i a eune carette blanque derrière mi j'osse pus avincher......j'sus obligé d'rouler in freinant.
      
.