|
|
Auteur | Message |
---|
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Ches vièles "mobylettes" Sam 26 Déc 2009 - 13:40 | |
|
:cheers: . El grosse mobylette à min père. .http://moe.mabul.org/up/moe/2009/12/26/img-13293143o85.jpg.html .. . Les connaisseux vont pétète arconnaîte inne 350 Terrot ed 1930. . Min père a roulé aveu es moto jusqu' in 1957, sauf pindint les années d'guerre, (in n'avot même pus l'drot d'rouler à vélo.) . Pour les connaicheux:: . Moteur à soupapes latérales . Boite ed vitesses séparée. . Akllumage par magnéto . . Vitesse in pointe, j'voudros pas trop exagérer, aveu l'vint dins l'dos, dins les 60 kmh....quéque fos, 70 kmh, un bolite ! ! ! . |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Ches vièles "mobylettes" Sam 26 Déc 2009 - 14:18 | |
|
. J'arcominche ! ! ! ! ! . . . J'va d'abord faire inne prière et brûler in cierche ! ! ! ! |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Ches vièles "mobylettes" Sam 26 Déc 2009 - 14:28 | |
|
La v'la: . . . . J'espère qu'cha va core daller, j'canche pas d'main, j'sins qu'cha vient ! ! ! ! . Attintion les yux ! ! ! ! . Cha dot ète cha ! ! ! Aveu les fiètes ed Noel ! ! ! |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Ches vièles "mobylettes" Sam 26 Déc 2009 - 14:51 | |
|
.....Dins nous coron, l'atelier d'min père. . . . Min père démontot sin moteur ed moto pour el plaisir. Alle n'est jamais quéu in panne inne seule fos ! ! ! Sur el tape ed cuisine, i réglot s'magnéto, in faijant bin polir les vis platinées d'sur un marciau d'carrelache ! ! ! J'in perdos pas inne goutte, j'étos à bonne école ! ! ! . Vous armarquerz d'sur ech précieuc documint d'époque, l'plache du ramon, el gardin, les étolettes et les cabinets dins l'fond. . Sur les fils à linche pindot el lessife, c'qui fait qu'in savot ,sins li d'mander si qu'elle voisine alle s'étot " arvue" l'mos dernier. I n'avot pas core été invintée el fleur qui éclosot dins l'bocal au moyen ache...Ches finmes alles utilisotent des "loques ed carnaval" . . I a toudis un momint d'suspince quand qu'in buque d'sure invoyer, .... . |
|
| |
Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: Ches vièles "mobylettes" Sam 26 Déc 2009 - 15:45 | |
|
cha va d'aller pépépébé! té fais du bieau boulot j'apprinds tous les jours avec tes sujets. |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Ches vièles "mobylettes" Sam 26 Déc 2009 - 16:40 | |
|
. Merci Roger, j'essaie de m'exprimer comme l'aurotent fait les gins qu'j'ai fréquentés.....J'pourros faire un roman aveu tout c'h'que j'ai vu et intindu.... dins les corons comme ailleurs. . Comme dirlo du villache, les viels gins qui n' parlotent que l'patois dijotent" Li au moins, i sait parler comme nous ! !...et ch'est core cheux la les plus natures ! ! ! . :cheers: "Je vous ai compris ! ! ! !" . .a |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Ches vièles "mobylettes" Dim 27 Déc 2009 - 22:08 | |
|
. L'mobylette à min mononque. . . . Chétot avant la guerre, vers 1937/1938.....Il l'avot payée cinq francs. . . Jé n'sais pas si qu'cha va marcher ! ! ! ! |
|
| |
Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: Ches vièles "mobylettes" Dim 27 Déc 2009 - 22:18 | |
|
té vos qu't'as arrivé quand même à mettre eun' photo!! |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Ches vièles "mobylettes" Lun 28 Déc 2009 - 15:34 | |
|
J' avos aussi un aute mononque qui avot inne bonne moto, inne 250 Motobécane, moteur culbuté. Li ch'étot aussi un excellent mécanicien. I étot in train d'bricoler d' sur es moto, min tiot frère n'in perdot pas inne goutte li non pus(1). . " Qu'est ce que c'est que ça ? mononcle ? ? ? . - C'est la bougie min tiot père ! ! !" . Min tiot frère réfléchit un bon momint et d'mante à mononque: . " Mais, quand il fait du vent, elle ne s"éteind pas ta bougie? " . .......vrai ! ! ! .1) Min frère a 17 ans moins qu'mi ! ! ! ! Ach't'heure i a s'pinsion ! ! ! ! .... |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Ches vièles "mobylettes" Jeu 14 Jan 2010 - 9:01 | |
|
Ches vièles Mobylettes . . Chelle la alle date ed pus chinquante ans, Motobécane, 49,9 cm3, vitesse ed pointe, 30 km/heure par vint arrière. Ch't'année la j'sus dallé aveu cha d'Billy à Paris, j' pinsos qu'jallos jamais y arriver. . I n'd'a core qui roultent, ch'étot pas eune bricole ! ! ! |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Ches vièles "mobylettes" Jeu 14 Jan 2010 - 9:14 | |
|
Attinds, attinds.... i a "plus de 50 ins" cha nous ramène vers la fin des années 50 et le début des années 60.
Et à ch't'époque là, motobécane, que l'usine elle étot à st quentin, avot fait des rutes progrès. Parce que les mobylettes bleues de l'époque, 49,9 cc, elles roulottent à grammint puq que 30 km/h. Ch'étot nin très nerveux au démarrache, tchand que le moteur i se culbuttot vers l'arrière et que l'courroie elle allot s'incriquer tout au fond de l'poulie variape, mais après...
D'ailleurs les visses mobylettes elles étottent archerchées eune fos que les nouvielles elles ont été bridées.
J'ai faux là? Ch'étot m'jonesse. J'ai des copains qui n'd'avottent. Mi j'avos un vélosilex. Là, ouais, 30 km/h... |
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: Ches vièles "mobylettes" Jeu 14 Jan 2010 - 9:41 | |
|
Et t'avos aussi eune Vespa aveuc un système ed freinache redoutape... je n'd'ai cor des griffes de l'z'hayure ch m'guiffe! |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Ches vièles "mobylettes" Jeu 14 Jan 2010 - 10:31 | |
|
Vas y raconte. Mi je dois aller au cabinet... |
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: Ches vièles "mobylettes" Jeu 14 Jan 2010 - 10:37 | |
|
J'attinds qu'te revienne pacque ch'est fort interressint |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Ches vièles "mobylettes" Jeu 14 Jan 2010 - 11:05 | |
|
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: Ches vièles "mobylettes" Jeu 14 Jan 2010 - 11:17 | |
|
Dins l'rubrique '' réponse rapide'' j'écris: "Déjà?" |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Ches vièles "mobylettes" Jeu 14 Jan 2010 - 11:40 | |
|
T'as pas tout faux batisse, cha devot ète dins les années, 55/56, i n'davot des bleusses et des marron ! ! L'mienne étot marron ? ? aveu l'fameusse poulie à écartemein variape, fourche téléscopique, cha n'marchot pas trop mal. Les noirtes n'avotent pas d'poulies variapes. J' t'assure qu'chétot pas rapite. J'cros qu'e L' débridache consistot à inlièver les deux rondelles percées qui avot dins l l'tuyau d' échap'mint. . Les autes cyclomoteurs aveu des moteurs VAP étotent beaucop plus rapites. . A l'époque, j'réparos aussi tous ches mobylettes, qui bin souvinrt, alles étotent seul'mint calaminées, ou fallot canger les vis platinées . . J'ai eu aussi eune Peugeot, moteur sous l'pédaïer, aveu un galet, té passos dins eune flaque d'i.é.a.o.(!), ch'moteur i s'arrêtot. Bougie mouillée. . Min cousin prénot les photos des mariaches après les avoir suivis aveu es Vespa, pas d'chaîne, très prope, mais i fallot faire attintion d'en pas s'casser la gu... avec cha in roulant trop vite , , ch'est pas comme eune moto. Des tiotes reules, et in serre pas un scoter comme eune moto eveu ses gampes. . I a eune quinzaine d'années, mes deux jeunes copains avotent des 125 japonaisses à deux timps, vingt diousse, aveu m'BX "normale", pas Turbo chelle la, j'avos du maux à les suife....J' les soupsonnos ed d'les avoir un tiot peu "débridées",leus motos, mes lascars ! ! ! J'sais pas si leus moteurs is montotent pas à 12 000 tours.... . A ch't'heure mes grachons is ont des motos japonaisses à quate temps, , té peux monter la d'sus habillé in diminche ! ! ! . Après la guerre i n'a beaucop qui acatotent des 125, i fallot pas d'permis |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Ches vièles "mobylettes" Jeu 14 Jan 2010 - 11:41 | |
|
Batisse, t'as été couler un bronsse ? ? ? |
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: Ches vièles "mobylettes" Jeu 14 Jan 2010 - 11:51 | |
|
Pour armonter l'niveau, j'interviens... enfin! dins un sujet que j'maîtrisse nin: les motobylettes. Tout cha que j'sais ch'est qu'min frère y m'a fait faire des tours ed trottinette à toute allure dins l'gardin que mes ys y arrivottent à peine au guidon que j'tenos fort intre les mains d'min frère qui étot coiffé comme un beatlé ... si si.. y'avot des caveux. Y faudro qu'in trouffe el photo. Sinon, y'a eu eune vespa, des fos y venos m'chercher à m'n'école et j'étos fierte comme bartoubac in montint debout devint mes copines. J'étos debout intre ses gampes et min rôle ch'étot d'freiner aux fux rouches... et aussi in arrivint au garache. J'montos ed toute mes forches su l'pédale, et je n'sais nin quo qui s'a passé mais in s'est artrouvé dins l'hayure du vijin. Batisse y'a sorti s'tiête et mi j'étos incriqué dins les branques. Ch'est depuis c'temps là qu'in dit: '' Ch'est toudis l'plus laid baudet qui sort el premi s'tiête de dssus l'hayure'' J'va vous laichi intre homme causer des freins de la vespa.. mi j'va aller mette du fond de teint presque quarante chinq ans plus tard pour effacer toutes mes cicatrices que j'ai gardé chu m'guiffe suite à ch'redoutape accidint! hein oui Batisse? |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Ches vièles "mobylettes" Jeu 14 Jan 2010 - 11:58 | |
|
Bon...eh ben pindint que j'écrivos m'version i n'd'a qui s'ont déchaînés in dirot.
Tint pisse, vala m'version à mi monsi l'juge...
Mérilou et mi in a 13 ins et eune semaine d'écart. Cha fait déjà un momint que cha dure. I fut un timps elle avot donc 6 ins et mi 19, ou elle 7 ins et mi 20. Je ne m'in rappelle pus.
In tous les cas elle allot à l'tiote école et mi j'étos à eune grante. Elle avot des tiotes guimpes et mi j'avos... eune Vespa, que j'avos acatée 80 francs (le prix de 80 litres d'essince, in gros). Alors i arrivot que j'aille la cachi à l'sortie de l'tiote école. Avint l'Vespa, in l'avot fait avec le Vélosilex. Elle avot juste l'plache pour mettre ses tiots pids chu l'repose pids, elle tenot le guidon qui étot net devint ses ys et roulez carosse, cavux au vint (elle et mi) in filot jusqu'à l'majon.
Bref, in Vespa cha allot plus vite et elle avot grammint puq de plache pour poser ses tiots pids. Et elle a vite armarqué qu'au niveau se ses tiots pids i avot un manicraque qu'in pouvot appuir dessur avec sin pid...
Curieusse comme eune glaine, déjà, elle m'a demindé à quo que cha sert ch'bittoniot et j'y ai répondu, honnête comme toudis, que ch'étot pour freiner.
"Je peux essayer?" qu'elle a dit. Et mi j'ai dit ouais. In étot presque arrivés, dins l'zone des garaches, et par tierre ch'étot des grouaches. Elle, annochinte, elle s'a mise debout là-dessur, un pid au dessur de l'autre in appuyint de tout sin poids, et l'roue elle s'a bloquée, in a fait des zigs et des zags et in s'a fait un tiot peu peur tous les deux.
Alors in s'a intrainés tous les deux, et à un momint in allot à tout berzingue drot vers eune hayure, comme in l'avot déjà fait, probablemint, et au momint de freiner, sin pid i a glichi et... in s'a artrouvés plintés dins l'hayure.
Valà l'histoire de nou accidint qu'elle a provoqué, sale gamine!
Après in a continué à rouler insonne quind même. In devot être inconschients invers l'un l'autre. |
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: Ches vièles "mobylettes" Jeu 14 Jan 2010 - 12:01 | |
|
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: Ches vièles "mobylettes" Jeu 14 Jan 2010 - 14:03 | |
|
In histoire "d'accidint" pas aveu eune mobylette , mais aveu min vélo. Min frère, vire ed sus l'photo du batieau, dins l'coron, i a 16 ins un quart ed moins èqu'mi. J'étos pas core mariè, jé l'prom'nos , d'sur el porte bagache d'min vélo, les deux pieds dins les sacoches. Un jour, i s'a indormi in route et i a dégaroulé dins l'poussière. Heureus'mint qui s'a pas fait d'maux, in a core bin rigolé ! ! ! . |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Ches vièles "mobylettes" Jeu 14 Jan 2010 - 14:08 | |
|
ma maman elle aurot pu faire partie de l'troupe à Rémy Julienne, pace qu'in jour j'l'ai vu décoller avec sin solex.... note majon étot à côté d'in champ, et intre l'champ et l'majon i avot l'garache... in jour in arvenant (sins doute d'l'école), j'vos m'maman su l'route qui arrife bin toute drote su sin solex, elle met bin sin bras pou faire vire qu'elle va tourner, pou pouvoir s'mette devint l'garache et là j'ai jamais su vraimint c'qui c'étot passé mais toudis est il qu' i a eu in cangemint d'trajectoire su la gauche et que m'maman au lieu d's'arrêter in face de l'porte du garache, elle a littéralemeint volé dins les airs et s'est artrouvée dins l'champ.... j'vos rassure ni solex ni m'aman n'ont eu d'dégats, pourtint l'champ i étot in peu in contrebas... j'sus à peu près certaine que min papa i li a dit : "bin commint t'as fait tin compte ?", vos savez l'ginre de phrase qui énerfe bin... mi j'ai eu eune mobylette caddy rouche pou aller au traval, bin ouais j'avos 17 ins et pas cor l'permis bin sur, cha roulot bin aussi, mais bon j'ai jamais du vraimint rouler à fond, pou mi c'étot simplemint pour m'rindre du point A au point B .... in cop j'me sus quind même rétalée avec, y faisot in timps neigeux comme in c'momint, j'sus arrivée au traval avec min genou écorché, mais j'avos l'chance d'travaller dins in cabinet d'radiologie et min patron i m'a soigné |
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: Ches vièles "mobylettes" Jeu 14 Jan 2010 - 14:10 | |
|
Pauff tiot! y'a 64 ans à ch t'heure? si min compte y'est bon. |
|
| |
Mérilou
Sexe : Date d'inscription : 12/01/2010 Messages : 737 Touraine
| Sujet: Re: Ches vièles "mobylettes" Jeu 14 Jan 2010 - 14:12 | |
|
Pauf tiote Bellotte, t'as jomais eu d'chance aveuc tes gampes. |
|
| |
Contenu sponsorisé
| Sujet: Re: Ches vièles "mobylettes" | |
|
|
| |
|