Ah ben vlà eune nouvielle qui arrife avec eune bonne maxime!
Merci mes gins pour vos bons voeux. Avec min âge i a min vinte qui prind des proportions plus pire que je pinsos.... Tcheue affaire... je me deminte si que cha sera arringi d'ichi les chucates de Pâques...
Là je viens de passer eune tiote semaine in Bretagne et in camping car. L'Bretagne ch'est bin, mais si que vous arrivez à approcher de St Malo in camping car, vous me direz commint qu'i faut faire. In tous cas in s'a arrêtés dins des indrots rimplis d'ivresse, avec des séquos à arrondir les arêtes de carreaux de chocolat que j'avos chu min vinte. I a eune paire d'ins quind même.
In puq i avot l'galette. J'ai eu l'fèfe! Et j'ai nin cassé min dintier! Et toc!
J'ai acaté un pull marin. Pour les ceusses qui me connochtent, ch'est nin vraimint eune surprisse, mais l'surprisse ch'est qu'i est rouche! Je ne sais nin trop tchand que je vas le mettre...
Bon, allez, un bon diminche à tertous et sin quien, et à puq, in vous armerciint incore pour vous voeux.