Bon, i a eune tiote mise au point à faire ichi.... In pourrot acroire que Marcel ch'est le seul qui a pinsé au chef pour s'fiête. In fait in est eune masse à l'avoir fait, y compris l'cheftaine qu'in principe elle ne raconte nin de cacoules, et le site i buggot. Personnellemint j'ai essayé tros fos, à tros momints différints et tros fos in m'a invoyé à luche!
Voilà, ch'est nin pour dire que Marcel ch'est un fayot. Ch'est foque pour dire que tous les autres qui y ont pinsé le bon jour de l'bonne année, is ont tché chu un os.
Marcel i est à St Matthieu? Hé beh que j'aros peu de le vir in caneçon de bain après les deux réveillons. Déjà mi, que je chus svelte et filiforme comme un athlète, le 31 j'ai pris un bain et, curieusemint, i avot comme eune île qui déhuttot au mitan de l'baignoire.... Au moins cha fait faire des économies d'ieau énon Marcel?
Et mononque André que ch'est incore pire et incore des autres mais je ne voudros nin cafeter!