L'aute jour j'faisos du nettiache dins l'champe et min oel a été attiré par eune "tache" rouche d'sus un mur, presque au plafond, au d'sus de l'ferniete.
J'arrivos pas à vir c'que cha pouvot bin ête alors j'sus montée sus eune cayelle et v'la chi c'que j'ai découvert :


J'comprinds miux asteur pouquo à chaque cop que j'ouvros l'ferniête, j'découvros toudis eune ou deux coccinelles d'sus l'arbord...
In tous cas, cha fait asteur deux semaines que j'les ai treuvées, alles n'ont nin bougé alors j'les laisse d'ù qu'alles sont chés tiotes biêtes, mais j'savos pas que cha hibernot des coccinelles

In in apprind tous les jours !

Valà cha y est alles se sont tertoutes reveillées... in les vot dins l'champe, dins l'salle de bain, des fos alles se mettent d'sus l'montant en bos de l'ferniête sins qu'in les voche et bin sur l'aute jour je n'd'ai assassiné eune !.. heu, in prind combin pou un assassinat d'coccichelle sins préméditation ?
In tous les cas alles ont bin du courache à s'réveiller asteur, cha fait pus d'15 jours qu'in a nin vu un rayon d'solel, même pas un tout tiot, ch'est triste et tout gris.

l'autre jsoir in allant m'couquer, j'in ai vu ine à l'tiête d'min lit, l'temps que j'ar'mette mes leunettes pour l'inlever, d'peur de l'tuer mi aussi (d'un cop d'tiête, in sait jamais... !) alle s'est involée pour aller s'mucher in haut de l'garde robe... bon, bin alle est bien là jusqu'à l'été, promis, juré, in n'fera nin chés poussières d'ichi là !

. Dins les corons ch'étot des punaisses qu'in trouvot dins nous lit.....(réel.)...In métot les pieds des lits dins des boîtes à conserfe (vites? ? ) rimplies d'ieau ...... In pouvot pas s'in débarrasser, les murs inter les maisons étotent fissurés par les affaiss'mints ! ! !
..... Quand j' arpinse à tout cha ! ! ! ! ch' est dégueu les punaisses......in pusse i avot des cafards ! ! ! Dins l'jour in les vot pas cheux la mais quand qu'in alleume l'leumière ! ! ! que dallache ! ! ! Mes parints calfeutrotent tous ces ouvertires et brûlotent du souffre dins les pièches . mais alles arvénotes ches salles biètes la...
....J'insisse, ch'est vrai ,in n'invinte pas des histoires parèles.
. Ch'atot pas des coccichelles , des biètes à bon diu.......malheureus'mint.
.
ch'étot la guerre Großes Malheur ! ! ! !

J'te cros ppPB, pace que des cafars i n'd'a malheureusemint eu chez quequ'un de l'famile et pas pindant la guerre, mais i a foque queques années, que dallache pou in arrvier à bout !!! eune fos qu'in étot in visite in dormot dins l'convertipe du salon, dins l'nuit j'me lèfe pou aller boire un cop, j'alleume l'lumière de l'cujine et là min diu seigneur marie joseph (aurot dit m'grind mère) i n'davot partout, cha courrot d'sus les murs, d'sus l'tape de l'cujine, dins l'évier, des biêtes d'toutes les talles... j'ai cru que j'allos piquer eune crise de nerf pace que cha faisot pusieurs jours qu'in artournot tout l'majon pou vir d'ù qu'chés sales bestioles passottent et que dins l'journée in n'veyot rin... bref pou faire court et après bin des "flitoxaches" in dirot qu'in a réussi à les supprimer, mais in reste vigilant et à chaque cop qu'in va là bas, in survelle cha d'près... beurk beurk beurk ! à chaque fos que j'raconte cha les poils d'mes bras is drech'tent....

j'me rind compte qu'aujourd'hui j'ai écrit coccichelles au lieu d'coccinelles

j'ai écrit coccichelles j'ai copiè sur ti j'pinsos qu'in dijot cha comme cha ! ! ! .
. Ch'étot vers 1955, in étot partis au cinéma aveuc l'soeur de m'finme et sin mari qui z" habitotent dins un préfabriqué in bos à l'cité Darcy à Hénin Liètard.
Quand qu'in est rintré chez eux et qu'in a alleumé l'leumière m'belle soeur a failli caire dins les pommes.
I n'd'avot des miiards partout, sur les murs ;l'plafond.....et commint s'in débarrasser sinon qu'in foutant l'fu à l'baraque?.

pépéPéBé a écrit:

. Dins les corons ch'étot des punaisses qu'in trouvot dins nous lit.....(réel

Quand j'sus arrivé in algérie, l'première nuit, in a tous été bouffés par chés saloperies là;

in a passé toute l'matinée à inspecter chés coutures de matelas de l'literie qu'in avot sortie dehors, et in a intassé des journaux in dessous de chés lits et in y a mis l'fu.... ch'étot des lits in fer, hein... Batisse ...!



Et aprè, in faisot cha à chaque cangemin d'couchage

André a écrit:

in a passé toute l'matinée à inspecter chés coutures de matelas de l'literie qu'in avot sortie dehors, et in a intassé des journaux in dessous de chés lits et in y a mis l'fu.... ch'étot des lits in fer, hein... Batisse ...!

I n'd'a des qui ont compris? Mi non...

Infin, je cros que j'ai nin compris. Les punaches elles se muchottent dins le fier des lits? Ch'étot des lits in tubes alors? Vous mettiez l'literie déhiors pour pouvoir faire du fu à l'intérieur? Ch'étot nin un sol in planches?

Punaise, je ne comprinds rin à tout cha!

In tous les cas j'imagine mononque in train de s'gratter et je souris. Excuse me mononque, ch'est nerveux....

T'as fait tin service Batisse? T'as jamais eu à faire avec ches bestiaux là, t'étos p'tète dins l'service d'santé alors?

Mi, après l'première nuit passée à l'armée, ch'étot à Nimes, quand j'ai ouvert m'porte ed champe et qu'in face, in minme temps eun' aut porte s'est ouverte aussi, bin là j'ai vu "éléphant man" l'gars qui sortot de s'champe i avot été bouffé par chés punaisses, s'tiète alle avot doublé, in l'ar'connaichot pus, li i avot couché in haut de ch'lit à étach'.
Après 50 ans, j'vos cor s'tiète, pauff' gars.
Après chés autorités is ont fermé ch'batiment dû qu'in couchot et infumé tout cha avec des produits essspéciaux et is nous ont invoïé coucher dins un aut' bâtiment.
Bref ch'est des sacrés sales bêtes, in essaïot aussi d'les bruler dins chés pieds d'lit, avec des chalumeaux.
Que époque !

Bin mes ginrs, j'arprinds c'sujet chi, pace que pratiquemint 1 an après jour pour jour, mes tiotes invitées sont arvenues.... exactemint à l'même plache ! ch'est in la peine d'faire eune photo, cha s'rot l'même que chelle l'an passé...
alorse deux constations s'imposent  :
- chés coccinelles hibernent
- chés coccinelles sont fidèles
j'continue mes observations et j'vos tiens au courant   

In appelle cha des biètes à bon diu ! ! 
.