Bin merci mes gins, deux sujets rin que pou mi et mes ans, j'in demindos pas tant !!!! croyez me cha me va drot au coeur.
Alors i faut que j'vos raconte cha qui m'est arrivé aujourd'hui, j'ai failli faire eune séquo que j'avos cor jamais faite pou mes ans. Valà in étot dins un tiot villache des pays bas d'ù qu'in est arrivé au matin, Willemstad que cha s'appelot. In fait l'tour du villache, sous l'pleufe, et i avot eune proumenate proposée des fortifictions du XVIème sièque. Nous valà su l'quemin et in ravise tout chés bastions, ma fo pas trop mal conservés. I avot nin foule, vu l'temps. In rintre dins un bastion pou vir l'vue qu'in avot depis là et dins c'bastion s'trouvot un jonne homme, intre 25 et 30 ans, qui muche rapidemint c'qui faisot. Mais in avot eu l'temps d'vir que ch'étot eune tiote bote rimplie d'tiotes boulettes. Dins chés mains i avot eune feulle à cigarette. Bon j'cros que vos avez compris cha qui voulot faire et qu'in avot interrompu.
Gintil comme tout, ch'garchon comminche à nos parler, in inglais, et nos deminder à vir nou guide Michelin dins nous mains d'ù qu'in étot in vagances, qu'i avot querre l'France, pis i deminde si l'région nou plaisot, etc, etc... et v'la ti pas qu'i nos donne des consels d'visites. Un vrai guide touristique.
In a pas tout compris cha qui nos disot. In a un anglais assez limité mais in a compris l'essentiel.
Tout cha in continuant à préparer sin tarpé (comme is distent les jonnes). Bin mes gins j'sus sure que si j'y avos demindé, i m'faisot partager c'cigarette. J'avoue qu'un court instant cha ma effleuré l'esprit, mais que voulez vos, j'ai nin osé, malgré cha qu'in peut pinser de mi, j'sus quind même timite et réservée su certaines séquos. Pis faut bin avouer que j'ai eu peur des effets que cha arot pu avoir su mi qui n'a même jamais pus finir eune simpe cigarette in intier !!! J'voulos nin gacher l'début des vagances. Faut s'méfir de effets secondaires....
Mais cha m'a fait rire cheule tiote avinture, car avint d'partir in m'avot conseillé d'faire attintion à cha que j'pourros funquer et que ch'étot pet ête l'occasion d'nouvielles espériences... bin cha s'ra pas cor pou c't'année... à suife
Infin ch'est que l'début des vagances, in est pet ête nin au bout d'nous surprises....
à bintôt mes gins...
Sujet: Un bon lanniversaire à nou cheftaine! 
Mar 30 Juil 2013 - 7:47
Bin qu'artard mais sincèrement j'espère qu't'as passé eune bonne journée et pis je t'souhaite ed bonnes vacances in même temps du cop 
