Corvée d’café..
I faut d’abord qu’ej esplique à ches meufes et à ceusses qui n’ont pas eu el joie d’aller à l’armée, commint qu’in est logé al caserne. Inne trentaine ed troufions dorment dins inne chambrée, inne grante pièche commune. Tous les jours au matin, i a un dingue qui s’amusse à juer du clairon dins l’cour, au risque ed réveller tout l’monte. I faut daller quaire el café al cuisine pour el tiot déjeuner. . Nanard, qui étot pas fufute étot dév’nu l’tiète ed Turc d’el chambrée. . Tous les matins, ses « copains » l’invoyotent quaire l’café, alorse euqu’li i n’in buvot jamais, cha l’impéchot d’dormir l’après midi pindint les séances ed dressache et d’ maniment d’armes.
. Donc tous les jours au matin, Nanard dévot s’liever l’premier, printe l’bouteillon, daller quaire el café à l’cuisine sans jamais s'maloter. Ch’étot un bon garchon Nanard . Ch’a a duré comme cha tout l’hiver.
. « Bon, Nanard, in a discuté insanne, li dit un jour el chef ed chambrée, t’es un brafe garchon, in a quand même mal au cœur et’ d’obliger à d’aller à l’cuisine tous les matins tout seu. . A partir ed dorénavant, in a décidé d’y daller chacun nous tour, n’est ce pas amis ? ?
. – Ouais, ouais, in est tertousses d’accord, et in plus, ti, t’in bos jamais, d’café ! !
. – Ch’est vrai, vous allez y daller aussi,chacun vous tour ? ? ? qui répond Nénesse .
. – Ouais, chacun note tour ! ! ! Té peux in’ete sur !!!
. – Bon, puis’que ch’est comme cha, mi, d’min côté, mi, quand cha s’ra min tour d’aller quaire l'café; au matin! ! ! j’picherai pus jamais dins l’boutéillon d’café
..
(\__/)
(='.'=) Quand i n’a un bon, ch’est toudis li qui broute.
(")_(")